OMAPSALOME 142
142
Onghuwo mofina idjuu
Ounongoimbilo waDavid, eshi a li momakololo a hondama; eilikano.
1Ohandi lalekida Omwene mokule,
ohandi lilile Omwene mokule.
2Eshi tashi tilifa nge, ohandi shi mu pimhile,
noudjuu wange ohandi u mu mbubulile.
3Omhepo yange, nande nai notelwe meni lange,
Ove ou shii nokuli, nhumbi ndi li.
Mondjila ei handi ende,
ova tela nge omiyo meholeko.
4Eshi handi tale kolulyo
nda vandavamena mominghulo:
nghi wete nande omunhu, e na naame.
Nghi na apa handi ningine nande,
kape na ou, ta yavele nge.
5Omwene, Oove, handi lalekida,
ohandi ti: Oove eningino lange,
Oove onhele yange moshilongo shovanamwenyo.
6Akutu, pupapupa eehelo lange,
shaashi eenghono dange oda xupipala nai.
Xupife nge movataataai vange,
osheshi ove dule nge eenghono.
7Kufe nge meti, opo ndi tange edina loye.
Ovayuki va ka dingilile nge,
Ove ngeenge to ningi nge nawa.
Currently Selected:
OMAPSALOME 142: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
