दिस.वचन 8

सातवाँ मरका आउर सोना रअः धुपदानी

1जब हुनी सातवाँ मरका खोलाव लःअय, दो सिरमा रे आधा घंटा लकान सिड़िग्याः नाकु, 2नोःआँ तयोम ईङ नेल लाईङ ची हुंकू सात सिरमादूत के, जे परमेसर मड़ांग रे तिंगु ताही नोआकु, सात तुरही एमा लिकुआकु।

3 # आमो 9:1; उइठ 30:1,3 फिन मियांड सिरमादूत के सोना रेनअः धुपदानी इदी केते हीःग नेनाय, आउर बिदी दुबाःड़े तिंगु नेनाय, आउर हुनी के ढेर धुप-धुवान एमा लियाकु ची जामा पबितर होड़कु आला बिनती लोः सोना रेनअः होना बिदी रे, जे राईज गदी रेनअः मड़ांग एदनाआ रकाबे। 4होना धुप-धुवान रेनअः सुकूल पबितर होड़कु आला बिनती संहित सिरमादूत आला तीः तरअः परमेसर दुबाःड़े सोदोर ना। 5#लेवी 16:12; जहेज 10:2; उइठ 19:16; दि.वचन 11:19; 16:18तब सिरमादूत धुपदानी इदी केते होना रे बिदी रेनअः आंगोर पेरेःग लःअय आउर धरती रे तापेःग लःअय, आउर घिड़काअ आउर हादुड़ आउर मलकाव आउर भुईंडोल हुयाअः ताना।

सात तुरही

6आउर सातो सिरमादूत जेकर दुबाःड़े सात तुरही ताही नेना होना, तुरही के ओ-ओङ लःअय तेयार नेनाकु।

7 # उइठ 9:23–25; जहेज 38:22 पहिला सिरमादूत तुरही ओङ लःअय, आउर मयोम तरअः मेसा ओना आरील आउर सेंगेल सिरजाव नेना, आउर धरती रे नुर नेना आउर पे हिसा रे मि हिसा धरती लो जिराव ना, सिंङ पे हिसा रे मि हिसा लोः ना, जामा हरियार बीर लो खपाव ना।

8दुसरा सिरमादूत तुरही ओङ लःअय, दो मनाअ पे ची सेंगेल तरअः धराव उना मियांड बड़े बुरु समुदर रे गिड़ी लअकु, हिमीन रेपे हिसा रे मि हिसा समुदर मयोम बनाव ना, 9आउर समुदर रिनकु जीव पे हिसा रे मि हिसा रिनकु गोएःग नाकु, आउर पे हिसा रे मि हिसा जहाज नास ना।

10 # जसा 14:12 तीसरा सिरमादूत तुरही ओङ लःअय, आउर मियांड इपील जे मुरुक बड़े मुर लकान जुलोअ केना सिरमा राईज तरअः नुर नेना, आउर नाई रेनअः पे हिसा रे मि हिसा रे आउर दाअः रेनअः पझरा रे नुर नेना। 11#जिर 9:15हुनी इपील आला नुमू नागदौना हेके, आउर पे हिसा रे मि हिसा दाअः नागदौना#8:11 नागदौना नागदौना, नोःआँ रअः माने हरहर हाटी, मावना लकान। लकान हाटीअ ना, आउर ढेर होड़कु होना हाटी दाअः रेनअः चलते गोएःग नाकु।

12 # जसा 13:10; जहेज 32:7; जोए 2:10,31; 3:15 चौथा सिरमादूत तुरही ओङ लःअय, आउर सिंङ बोंगा आला पे हिसा रे मि हिसा आउर चानु आला पे हिसा रे मि हिसा आउर इपील कु आला पे हिसा रे मि हिसा रे बिपाईत हीःग नेना, नोःआँ जगुत ची पे हिसा रे मि हिसा रे अंधार ना आउर दिने रेनअः पे हिसा रे मि हिसा रे मरसाल का ताही नेना, आउर हिना लकान निदा रे होः।

13जब ईङ फिन नजाईर लाईङ, दो नेल लाईङ ची सिरमा रेनअः ताला रे मियांड कनहार ओटांग यअते आउर जोर सबद रे नोकान कंहड़ी यअते आयुम लियीङ, “हुंकू पेया सिरमादूत आला तुरही रेनअः सबद रअः चलते, जेकर तुरही ओ-ओङ बंचाव ताना, धरती रे ताहिन कु रे ओह रे, ओह रे, ओह रे, बिपाईत हिजोअ वाला एदनाआ!”

Currently Selected:

दिस.वचन 8: ASR

Highlight

Copy

Compare