Popular Bible Verses from दिस.वचन 8

Share

जब हुनी सातवाँ मरका खोलाव लःअय, दो सिरमा रे आधा घंटा लकान सिड़िग्याः नाकु

पहिला सिरमादूत तुरही ओङ लःअय, आउर मयोम तरअः मेसा ओना आरील आउर सेंगेल सिरजाव नेना, आउर धरती रे नुर नेना आउर पे हिसा रे मि हिसा धरती लो जिराव ना, सिंङ पे हिसा रे मि हिसा लोः ना, जामा हरियार बीर लो खपाव ना।

जब ईङ फिन नजाईर लाईङ, दो नेल लाईङ ची सिरमा रेनअः ताला रे मियांड कनहार ओटांग यअते आउर जोर सबद रे नोकान कंहड़ी यअते आयुम लियीङ, “हुंकू पेया सिरमादूत आला तुरही रेनअः सबद रअः चलते, जेकर तुरही ओ-ओङ बंचाव ताना, धरती रे ताहिन कु रे ओह रे, ओह रे, ओह रे, बिपाईत हिजोअ वाला एदनाआ!”

दुसरा सिरमादूत तुरही ओङ लःअय, दो मनाअ पे ची सेंगेल तरअः धराव उना मियांड बड़े बुरु समुदर रे गिड़ी लअकु, हिमीन रेपे हिसा रे मि हिसा समुदर मयोम बनाव ना

तीसरा सिरमादूत तुरही ओङ लःअय, आउर मियांड इपील जे मुरुक बड़े मुर लकान जुलोअ केना सिरमा राईज तरअः नुर नेना, आउर नाई रेनअः पे हिसा रे मि हिसा रे आउर दाअः रेनअः पझरा रे नुर नेना। हुनी इपील आला नुमू नागदौना हेके, आउर पे हिसा रे मि हिसा दाअः नागदौना लकान हाटीअ ना, आउर ढेर होड़कु होना हाटी दाअः रेनअः चलते गोएःग नाकु।

चौथा सिरमादूत तुरही ओङ लःअय, आउर सिंङ बोंगा आला पे हिसा रे मि हिसा आउर चानु आला पे हिसा रे मि हिसा आउर इपील कु आला पे हिसा रे मि हिसा रे बिपाईत हीःग नेना, नोःआँ जगुत ची पे हिसा रे मि हिसा रे अंधार ना आउर दिने रेनअः पे हिसा रे मि हिसा रे मरसाल का ताही नेना, आउर हिना लकान निदा रे होः।