दिस.वचन 9

1आउर जब पाचवाँ सिरमादूत तुरही के ओङ लःअय, दो ईङ मियांड इपील के सिरमा तरअः धरती रे नुरोअ नेल लियीङ, आउर हुनी के अनथाह गहीड़ रअः कुंजी के एमा लियाकु। 2#एहेः 19:28आउर हुनी अनथाह गहीड़ के खोलाव लःअय, आउर गड़हा तरअः बड़े भठा लकान सुकूल उडुंग नेना, आउर गड़हा रअः सुकूल तरअः बोंगा आउर होय गुईंय-गुईंय अंधार ना।

3 # उइठ 10:12–15 आउर होना सुकूल मेसे धरती रे सरहा फाफा उडुंग नेनाकु, आउर हुंकू के बिछी कु लकान हक एमा लिकुआकु। 4#जहेज 9:4आउर हुंकू के बेता लिकुआकु, ची ना धरती रअः बीर के, ना छोटे डहुड़ा के आउर ना सिंङ के हराकाईत के, हिंकु एकला के जेकर आला समांग रे परमेसर आला मरका का लगाव लअः एदनाआ हिंकु के। 5सरहा फाफा के नुकू होड़ के गोगोएःग लःअय कोवान, बकिर नुकू के पाँच माइहना जगुत ककलपाव लःअय आचु लिकुआकु, हुंकू आला ददगाव रे बिछी आला ददगाव लकान लहाईर ताहिनेना। 6#अयु 3:21; जिर 8:3हिमीन हिला होड़कु मराईन के नाम केआकु, बकिर इरकु नाम दड़ीआ; गोजोअः नाम कोआकु, बकिर मराईन हुंकू तरअः नीर कोआ।

7 # जोए 2:4 आउर हुंकू सरहा फाफा आला धार ते लड़ाई लःअय तेयार लिनकु घोंड़ा लकान ताहिनेना। आउर मनाअ पे ची हुंकू आला बोहोअ रे सोना रअः मुकूट सोलोंग लअः लकान ताहिना, हुंकू आला आहा होड़कु आला लकान ताहिनेना। 8#जोए 1:6हुंकू आला ऊ:ब आउराईतकु आला लकान आउर डाटा ते जटा कूल आला लकान ताहिनेना। 9#जोए 2:5हुंकू आला सोसोलोंगा झिलम मेड़हेःड रअः ताहिनेना, आउर हुंकू आला अफड़ाःड रअः सबद नोकान आयुमोः केना, जे लकान ची रथ आउर घोंड़ा लड़ाई रे नीराकु। 10आउर हुंकू आला चालोम बिछी कु आला लकान ताहिनेना, आउर होना रे ददगावनी ते ताहिनेना, आउर होड़कु के पाँच माइहना हराकाईत सोसोदोर लःअय हक ताहिनेना, होना हुंकू आला चालोम रे ताहिनेना। 11अनथाह गहीड़ रिनी दूत हुंकू आली राजा ताही नेनाय, हुनी आला नुमू इब्रानी भाखा रे अबदोन, आउर युनानी रे अपुल्‍लोस हेके। नोःआँ नुमू रेनअः माने नानास वाला हेके।

12पहिला बिपाईत बिताव ना, नेलेपे, नोःआँ तयोम बरिया बिपाईत आउर हुयाअः वाला एदनाआ।

13 # उइठ 30:1–3 आउर जे बेरा छटवाँ सिरमादूत तुरही के ओङ लःअय, दो जे सोना रअः बिदी परमेसर मड़ांग रे एदनाआ होना चाईरो दिरीङ तरअः ईङ नोकान सबद अयुम लिईङ, 14जाहें, छटवाँ सिरमादूत के जेकर दुबाःड़े तुरही ताहिनेना हुनी कंहड़ीः दाय, ची हुंकू चाईर झन सिरमादूत के जेके बड़े नाई फुरात दुबाःड़े तोल लिनकु एदान कुआ, राड़ागुल ताकु। 15आउर हुंकू चाईरो दूत के राड़ा लिकुआकु जे होना बेरा, होना हिला, होना माइहना, आउर होना साल लःअय होड़कु के पे हिसा रे मि हिसा के गोगोएःग लःअय सपड़ाव ताही लिकुआकु। 16आउर हुंकू आलकु पलटनकु जे घोंड़ा रे सेनोः कु आला गनती बीस करोड़ ताहिन; ईङ हुंकू आला गनती अयुम लिईङ।

17आउर ईङ के नोःआँ दरसन रे घोंड़ा आउर होना रे रका:ब उनकु नोकान नेल नेनाकु, जेकर आला झिलम रअः रंग सेंगेल लकान गोला, आउर सुकूल लकान लील आउर गंधक लकान ससांग ताहिना, आउर हुंकू घोंड़ा आला बोहोअते जटा कूल आला लकान ताहिनेना। आउर हुंकू आला आहा तरअः सेंगेल आउर सुकूल आउर गंधक उड़ूंगोः केना। 18आउर होना पेने मारी, माने कि सेंगेल, आउर सुकूल आउर गंधक तरअः जे हुंकू आला आहा तरअः उड़ूंगोः केना, मनवाकु के पे हिसा रे मि हिसा के गोएःग लिकुआकु। 19एता लःअय ची हुंकू घोंड़ाकु आला हक हुंकू आला आहा, आउर हुंकू आला चालोम रे ताहिना; एता लःअय ची हुंकू आला चालोम बिंङ आला लकान ताहिना, आउर होना चालोम रअः बोहोअते होः ताहिना आउर निआँ तरअः हुंकू हराकाईत सोदोरे केनाकु। 20#सिरिंग 115:4–7; 135:15–17; दानि 5:23आउर बंचाव उनकु होड़कु जे होना मारी तरअः काकु गोएःग थिना, अपन तीः रअः काम तरअः मन काकु रूवाड़ लअः। मुवाँ आतमाकु आला, आउर सोना, आउर चाँदी, आउर पीतड़, आउर टुकू, आउर काठ रअः मुरती के पुजा एकाय केनाकु, जे ना नेनेल, ना अआयुम आउर ना दंड़ा दाड़ीआकु। 21आउर जे हुमाअ गोगोएःग, टोना, आउर बेलाज काम, आउर चोचोर जे हुंकू ताही लअकु, होना तरअः हुंकू मन काकु रूवाड़ लआ।

Currently Selected:

दिस.वचन 9: ASR

Highlight

Copy

Compare