दिस.वचन 2
2
इफिसुस रिनकु कलीसिया के ख्रीस्त आला संदेस
1“इफिसुस रेनअः कलीसिया रिनी दूत के नोःआँ लिखाय मे ची,
“जे सात गोड़ इपील अपन जोम तीः रे इदी तदकुआय, आउर सोना रेनअः सात गोड़ दीया खुंटा रेनअः ताला रे दंड़ानाय, हुनी नोःआँ कंहड़ीआय ची 2ईङ आम आला काम, आउर आम आला मिहनाईत आउर आम आला खातिर के पाड़ीईङ, आउर नोःआँ होः, ची गादुस होड़ के काम नेल सहाव कुआ, आउर जे अपने के प्रेरित मेन गेआकु, आउर नलागे, आम हुंकू के परीकछा केते झुठा नाम लिकुआम। 3आम खातिर दोहोयाम आउर ईङ आला नुमू लःअय बिपाईत सहाव सहाव काम थकाआ। 4बकिर ईङ के आम बिरोध रे नोःआँ क-कंहड़ी एदनाआ ची आम अपन पहिल लकान पेपेरेम बाई केदाम। 5हिना लःअय उईहारेमे ची आम ओकाःड़े तरअः नुर तनाम, मन रूवाड़ेमे आउर पहिल लकान कामी मे, आउर जदि आम मन एरोम फिराया, दो ईङ आम दुबाःड़े हीःग केते आम आला दीया रेनअः खुंटा के होना ठाँव तरअः ओचोगेईङ। 6बकिर हाँ, आम रे नोःआँ बात दो एदनाआ, ची आम निकुलाइ कु आला काम तरअः घिंड़ोआम, जेकर तरअः ईङ होः घिंड़ोईङ।
7 #
एहेः 2:9; दि.वचन 22:2;
जहेज 28:13; 31:8 “जेकर लुतूर एदनाआ हुंकू आयुम केपे ची पबितर आतमा कलीसिया के एतान मेन गेआय!
“जे जीताव तनाकु सेके, ईङ हुंकू के जिनगी रेनअः सिंङ मेसे जे परमेसर आला सिरमा रेनअः बखड़ी रे एदनाआ, जोअ जोजोम लःअय एमा कुईङ।
स्मुरना रिनकु कलीसिया के ख्रीस्त आला संदेस
8 #
जसा 44:6; 48:12; दि.वचन 1:17; 22:13 “स्मुरना कलीसिया रिनी दूत के नोःआँ लिखाय मे ची,
“जे सुरू आउर आखरी हेके, जे गोएःग थिनाय आउर नहाअः जिवीःड एदानिया, हुनी नोःआँ मेन गेआय ची 9ईङ आम आला खिलपाईत आउर रांगे:ग के पाड़ीईङ, सेरे होः आम सचेगी धनी एदानमेआ! आउर जे होड़कु खुद के जाहुदी मेन गेआकु आउर नलागे, बकिर सैतान के मनाअ वाला सभा हेके, हुंकू आपे के निन्दा पेआकु होना के होः पाड़ीईङ 10जे बिपाईत आम के झेझेलाव पड़ाव कोआ, होना तरअः आलुम बोर, एता लःअय, ची नेलेपे सैतान आपे मेसे थोड़ेक के जेहेल रे घघलाव वाला एदानिया, जेकर से आपे के परीकछा पे, आउर आपे के दस दिन जगुत बिपाईत झेझेलाव पड़ाव कोआ। गोजोअः जगुत बिसवासी ताहिनापे, दो ईङ आपे के जिनगी रेनअः मुकूट एमा पेईङ।
11 #
दि.वचन 20:14; 21:8 “जेकर लुतूर एदनाआ हुंकू आयुम केपे ची पबितर आतमा कलीसिया रिनकु तरअः एतान कंहड़ीआय। जे जीताव कोआकु, हुंकू के दोसरा मराईन तरअः हराकाईत एरे हुयाआ।
पिरगमुन रिनकु कलीसिया के ख्रीस्त आला संदेस
12“आउर पिरगमुन कलीसिया रिनी दूत के नोःआँ लिखाय मे ची,
“जेकर दुबाःड़े बनार पखी धार चोख तलवाईर एदनाआ, हुनी नोःआँ कंहड़ीआय, ची 13ईङ नोःआँ दो पाड़ीईङ, ची आम होनाःड़े ताही नोआम जे एड़े सैतान आला राईज गदी एदनाआ, आउर आम ईङ आला नुमू रे असथीर ताही नोआम, आउर ईङ तेंग रे बि-बिसवास रे होना बेरा होः काम पछली नेना जेकर रे ईङ आला बि-बिसवास लकान गोवाही अन्तिपास के, आपे ताला रे गोएःग थिलयाकु जे एड़े सैतान ताही नोआय। 14#गन 22:5,7; 31:16; कन 23:4; गन 25:1–3बकिर ईङ के आम आला बिरोध रे थोड़ेक क-कंहड़ी एदनाआ, एता लःअय ची आपे दुबाःड़े उकिन झन दो नोकान एदान कुआ, जे बिलाम आला सीख के मनाआकु। जे बालाक के इसराइलीकु मड़ांग रे ठोकोर रआ कारन दोदोहो लःअय सिखाव लिकुआय। ची मुरती मड़ांग रे रका:ब लअः जिनीस के जोजोम आउर बेलाज कामीकु। 15हिना लकान आपे दुबाःड़े थोड़ेक नोकान एदानकुआ, जे निकुलाइ कु आला सिकछा के मनाआकु। 16हिना लःअय मन रूवाड़ेपे, कोवान दो ईङ जलदी गी आपे दुबाःड़े हीःग केते, अपन आहा रेनअः तलवाईर तरअः हुंकू लोः लड़ाईङ।
17 #
उइठ 16:14,15; 16:33,34; सं.जोह 6:48–50;
जसा 62:2; 65:15 “जेकर लुतूर एदनाआ, हुंकू आयुम केपे ची आतमा कलीसिया तरअः एतान कंहड़ीयाय!
“जे जीताआय, हुनी के ईङ उकु उना मन्ना मेसे एमायिङ, आउर हुनी के मियांड पुँड़ी टुकू होः एमायिङ, आउर होना टुकू रे नावाँ नुमू लिखा लअः ताही कोआ, जेके हुंकू ना-नामकु तरअः एटाअ इरकु पाड़ी दड़ीआ।
थुआतीरा रिनकु कलीसिया के ख्रीस्त आला संदेस
18“थुआतिरा रिनी कलीसिया रिनी दूत के नोःआँ लिखाय मे ची,
“परमेसर आली होपोन जेकर मेःड सेंगेल रेनअः धाईध लकान, आउर जेकर जांगा बेस पीतड़ लकान एदनाआ, नोकान कंहड़ीआय ची, 19ईङ आपे आला काम, आउर पेरेम आउर बिसवास आउर सेवा, आउर खातिर के पाड़ीईङ, आउर नोःआँ होः पाड़ीईङ ची आपे आला नहाअः रेनअः काम पहिल रअः काम तरअः बाईढ़ केते एदनाआ। 20#1 राजा 16:31; 2 राजा 9:22,30बकिर ईङ के आम आला बिरोध रे नोःआँ क-कंहड़ी एदनाआ ची आम हुनी आउराईत इजेबेल के सहाई यापे जे अनेःग के आगमजानी मेन गेआय, आउर मुरती रअः मड़ांग रे रकाःब लआ जिनीस के जोजोम लःअय ईङ आलकु से-सेवाकु के सिखाव कुआय आउर बहकाव कुआय। 21ईङ हुनी के मन फिराव लःअय मोका एमा लियीङ, बकिर हुनी बेलाज काम#2:21 बेलाज काम मुरती पुजा बेलाज काम लकान ताहिनेना। तरअः मन रूवाड़ लःअय काय नामा। 22हिना लःअय ईङ हुनी के बेमार केते खटिया रे लटकाव कियीङ, आउर जे हुनी लोः ब्यबिचार कामीयाकु जदि हुंकू होः हुनी लकान कामी तरअः मन इरकु रूवाड़ेआ दो हुंकू के मुरुक खिलपाईत रे घलाव कुईङ। 23#सिरिंग 7:9; जिर 17:10; सिरिंग 62:12आउर ईङ हुनी आउराईत आलकु चेंगाकु के नास कुईङ, हिमीन रे जामा कलीसिया रिनकु पाड़ी केआकु ची जीव आउर मन के प-परखाव वाला ईङ गी हेके आउर ईङ आपे मेसे जामे झन के हुनी आला काम रअः मोताबिक बदला एमा कुईङ।
24“बकिर आपे थुआतिरा रिनकु बंचाव उनकु होड़ तरअः जेतना नोःआँ सीख के काकु मनाआ, आउर होना बात के जेके सैतान आला उकु उना सीख के काकु पाड़ीआ, हुंकू के नोःआँ बेता कुईङ ची हुंकू तेंग रे आउर बगरा बोझा इरिंग तेंगड़ाया। 25बकिर हाँ, जे सिकछा आपे दुबाःड़े एदनाआ होना के ईङ हिजोअ जगुत थंभाव केते दोहो तापे। 26#सिरिंग 2:8,9जे जीताआय, आउर ईङ आला काम रअः मोताबिक आखरी जगुत कामी एकायाय, ईङ हुनी के, जाईतकु तेंग रे हक एमा कुईङ। 27आउर होना मेड़हेःड रेनअः राईज चलाव वाला हापा सा:ब केते राईज केआय, जे लकान ची कुंभरा आला हास रेनअः बसान चिरकुट जुनोआ, ईङ होः हिना लकान अपन आपा तरअः हक नाम तदिङ, 28आउर ईङ हुनी के निदवा रिनी भुरका एमायिङ।
29“जेकर लुतूर एदनाआ, हुंकू आयुम केपे ची आतमा कलीसिया तरअः एतान कंहड़ीयाय।
Currently Selected:
दिस.वचन 2: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
