Popular Bible Verses from दिस.वचन 2

Share

बकिर ईङ के आम बिरोध रे नोःआँ क-कंहड़ी एदनाआ ची आम अपन पहिल लकान पेपेरेम बाई केदाम।

हिना लःअय उईहारेमे ची आम ओकाःड़े तरअः नुर तनाम, मन रूवाड़ेमे आउर पहिल लकान कामी मे, आउर जदि आम मन एरोम फिराया, दो ईङ आम दुबाःड़े हीःग केते आम आला दीया रेनअः खुंटा के होना ठाँव तरअः ओचोगेईङ।

जे बिपाईत आम के झेझेलाव पड़ाव कोआ, होना तरअः आलुम बोर, एता लःअय, ची नेलेपे सैतान आपे मेसे थोड़ेक के जेहेल रे घघलाव वाला एदानिया, जेकर से आपे के परीकछा पे, आउर आपे के दस दिन जगुत बिपाईत झेझेलाव पड़ाव कोआ। गोजोअः जगुत बिसवासी ताहिनापे, दो ईङ आपे के जिनगी रेनअः मुकूट एमा पेईङ।

“जेकर लुतूर एदनाआ हुंकू आयुम केपे ची पबितर आतमा कलीसिया के एतान मेन गेआय! “जे जीताव तनाकु सेके, ईङ हुंकू के जिनगी रेनअः सिंङ मेसे जे परमेसर आला सिरमा रेनअः बखड़ी रे एदनाआ, जोअ जोजोम लःअय एमा कुईङ।

ईङ आम आला काम, आउर आम आला मिहनाईत आउर आम आला खातिर के पाड़ीईङ, आउर नोःआँ होः, ची गादुस होड़ के काम नेल सहाव कुआ, आउर जे अपने के प्रेरित मेन गेआकु, आउर नलागे, आम हुंकू के परीकछा केते झुठा नाम लिकुआम।

आम खातिर दोहोयाम आउर ईङ आला नुमू लःअय बिपाईत सहाव सहाव काम थकाआ।

“जेकर लुतूर एदनाआ, हुंकू आयुम केपे ची आतमा कलीसिया तरअः एतान कंहड़ीयाय! “जे जीताआय, हुनी के ईङ उकु उना मन्‍ना मेसे एमायिङ, आउर हुनी के मियांड पुँड़ी टुकू होः एमायिङ, आउर होना टुकू रे नावाँ नुमू लिखा लअः ताही कोआ, जेके हुंकू ना-नामकु तरअः एटाअ इरकु पाड़ी दड़ीआ।