दिस.वचन 1

1नोःआँ ईसु ख्रीस्त आला दिसतार वचन हेके, जे होना के परमेसर निआँ लःअय एम लःअय ची, अपन से-सेवाकु के होना बात, जेकर तुरते हुयाअः दरकार एदनाआ के देखाय, आउर हुनी अपन सिरमादूत के कुलगोःड केते हुंकू तरअः अपन से-सेवाई जोहन के उदूऊई लःअय, 2जे परमेसर आला बचन के आउर ईसु ख्रीस्त आला गोवाही, माने कि जे हुनी नेल थिलाआय होना रेनअः गोवाही एम लःअय। 3धनया एदान कुआ हुंकू जे नोःआँ आगमजानी लअः वचन के पढ़ाव केते सुनाव उकुआकु आउर धनया एदान कुआ हुंकू, जे नोःआँ सबद के आयुमेआकु आउर नोःआँ रे लिखा लअः बात के मनाआकु, एता लःअय ची होना बेरा हेनाःड हीःग सोदोर ना।

सातो कलीसिया के जोहार

4-5 # उइठ 3:14; दि.वचन 4:5 # जसा 55:4; सिरिंग 89:27 आसिया रेनअः सातो कलीसिया रअः नुमू, जोहन लिखा लअः चिठी। जे एदानिया, जे ताही नेनाय आउर जे हिजोअ वाला एदानिया, आउर होना सातो आतमा पखा तरअः जे हुनी आला राईज गदी रेनअः हेनाःड एदानिया। आउर ईसु ख्रीस्त पखी तरअः बि-बिसवास लकान गोवाही आउर गोएःग उनकु मेसे पहिला जिवी:ड बिरिःड उनी धरती रिनकु राजाकु आली हाकिम हेके, आपे के दया आउर सानती भेटाव एकान।

हुनी आबु लो: दुलार दोहोयाय, आउर हुनी अपन मयोम तरअः आबु के पाप तरअः छोड़ाव तदबुआय, 6#उइठ 19:6; दि.वचन 5:10आउर आबु के अपन आपा परमेसर लःअय मियांड राईज आउर पुरोहित होः बनाव लिबुआय, हिनी आला गी महिमा आउर समरथ जुग-जुग बनाल ताहिन। आमीन।

7 # दानि 7:13; सं.मत्‍ती 24:30; सं.मर 13:26; सं.लुका 21:27; 1 थिस 4:17; जखरि 12:10; सं.जोह 19:34,37; जखरि 12:10; सं.मत्‍ती 24:30 नेलेपे, हुनी रिंबील लो: हिजोअ वाला एदानिया, आउर जामाकु हुनी के नेल कियाकु, जे हुनी के कुरूस रे ठोकाव लियाकु हुंकू होः नेल कियाकु, आउर धरती रिनकु जामा राईज रिनकु हुनी चलते छाती हुमाअ केते ईयाम केआकु। हाँ। आमीन। 8#दि.वचन 22:13; उइठ 3:14परभु परमेसर, जे एदानिया आउर जे ताही नेनाय आउर हिजोअ वाला एदानिया, जे जामा तरअः सवांगिया एदानिया हुनी कंहड़ीयाय, ची ईङ गी अलफा आउर ओमेगा माने कि “ईङ गी सुरू आउर आखरी हेके।”

जोहन के ख्रीस्त आला दरसन

9ईङ जोहन, जे आपे आली बोको आउर ईसु आला ससाईत आउर राईज आउर खातिर रे आपे आली भागी हेके, परमेसर आला वचन आउर ईसु आला गोवाही रेनअः चलते पतमुस नुमू रेनअः टापु रे ताही निनिङ। 10ईङ परभु आला दिन आतमा रे हीःग निनिङ, आउर ईङ पछली रे तुरही बाजा लकान आलय जोर रअः सबद नोःआँ कंहड़ी यअते आयुम लाईङ, 11“जे आम नेल दाम होना के पुथी रे लिखा केते सातो कलीसिया दुबाःड़े कुलगोडेमे, माने कि इफिसुस, आउर स्मुरना, आउर पिरगमुन, थुआतिरा, आउर सरदीस, आउर फिलदिलफिया, लौदीकिया के।”

12तब ईङ हुनी के, जे ईङ लो: बतियाय केनाय, हुनी के नेनेल लःअय लुड़ीःग चुवेर लाईङ, आउर पछली लुड़ीःग चुवेर केते ईङ सोना रअः सात गोड़ दीया दोदोहो रेनअः खुंटा नेल लाईङ, 13#दानि 7:13; दानि 10:5आउर होना दीया खुंटा रेनअः ताला रे मनवा होपोन आला भेस रे मियांड होड़ के नेल लियीङ, जे काटा जगुत गेन्दरअ सोलोंग थिलाआय आउर छाती रे सोना रअः पाटी तोल थिलाआय। 14#दानि 7:9#दानि 10:6हुनी आला बोहोअते आउर ऊ:बते पुँड़ी रूवा लकान माने कि रतांग लकान फिट-फिट पुँड़ी ताहिनेना, आउर हुनी आला मेःड सेंगेल धाईध लकान नेलोअ ताना। 15#जहेज 1:24; 43:2हुनी आला जांगा भठा रे अजम बेस केन आवा लअः आउर मंजाव लअः पीतड़ लकान लवकाअ केना, आउर हुनी आला सबद घाघ रेनअः दाअः लकान गिद-गिदाअ केना। 16हुनी आला जोम तीः रे सात गोड़ इपील ताहिनाकु आउर हुनी आला आहा तरअः बनार पखी चोख धार उना तलवाईर उड़ूंगोः केना आउर मेःड मुहांड़ ते दुपहरा रिनी बोंगा रअः कहकह सितोङ लकान चमकाअ केना। 17#जसा 44:6; 48:12; दि.वचन 2:8; 22:13जब ईङ हुनी के नेल लियीङ दो हुनी आला जांगा रे मुरदा लकान नुर निङ। हुनी ईङ तेंग रे अपन जोम तीः दोहो केते बेता लिङाय, “आलुम बोर!, सुरू आउर आखरी ईङ हेके। 18जिवी:ड एदानिङा ईङ गोएःग थिनिङ, आउर नहाअः दो नेलेपे जिनगी जुग-जुग जिवी:ड एदानिङा, आउर मराईन आउर पताल रेनअः कुंजी ईङ दुबाःड़े गी एदनाआ। 19हिना लःअय जे बात के आम नेल तदाम आउर जे बात हुयाअः ताना आउर नोःआँ तयोम हुयाअः वाला एदनाआ होना जामा के लिखाय मे। 20आम जे सात गोड़ इपील के ईङ आला जोम तीः रे नेल तदकुआम, आउर होना सात गोड़ सोना रेनअः दीया दोहो वाला खुंटा रेनअः भेद हुंकू सातो इपील सातो कलीसिया रिनकु दूत हेके, आउर होना सात दीया दोहो वाला खुंटा सातो कलीसिया हेके।

Currently Selected:

दिस.वचन 1: ASR

Highlight

Copy

Compare