दिस.वचन 3
3
सरदीस रिनकु कलीसिया के ख्रीस्त आला संदेस
1“सरदीस रेनअः कलीसिया रिनी दूत के नोःआँ लिखाय मे,
“जेकर दुबाःड़े परमेसर आलकु सात आतमा आउर सात इपील एदान कुआ, हुनी नोःआँ कंहड़ीआय ची ईङ आपे आला काम के पाड़ीईङ, आपे आला नुमू दो जिवीःड एदनाआ बकिर गोएःग उनकु हेके। 2चौंवचित ताहिन पे, आपे मेसे जे बाकी एदनाआ आउर जे गोजोअः वाला एदनाआ, होना के मजगुतेपे, आपे आला चाइल चलन के अपन परमेसर आला नजाईर रे ईङ पुरा काईङ नाम लाईङ। 3#सं.मत्ती 24:43,44; सं.लुका 12:39,40; दि.वचन 16:15हिना लःअय उईहारेपे ची आपे एतान सिकछा नाम तदापे आउर एतान आयुम तदापे, होना रे बनाल ताहिनपे आउर मन रूवाड़ेपे। जदि आपे चौंवचित एरपे ताहिनोआ दो ईङ चोर लकान हीःग जुनोईङ, आउर आपे हिरगीस एरपे पाड़ीआ ची ईङ ओका बेरा आपे तेङ रे हीःग हाड़ुपाव कोईङ। 4बकिर हाँ, सरदीस रे आपे दुबाःड़े थोड़ेक नोकान होड़ एदान कुआ जे अपन गेन्दरअ के काकु असुध तादा, हुंकू पुँड़ी गेन्दरअ सोलोंग केते ईङ लोः दंड़ा कोआकु, एता लःअय ची हुंकू नोःआँ जुकूर एदान कुआ। 5#उइठ 32:32,33; सिरिंग 69:28; दि.वचन 20:12; सं.मत्ती 10:32; सं.लुका 12:8जे जीताआकु, हुंकू के निआँ लकान पुँड़ी गेन्दरअ सोलोंग उकु केआकु, आउर ईङ हुंकू आला नुमू जिनगी रेनअः पुथी तरअः कितनो रे होः इरिंग मेटाया, बकिर हुनी आला नुमू अपन आपा आउर हुनी आलकु सिरमादूतकु मड़ांग रे मनाव कोईङ।
6“जेकर लुतूर एदनाआ हुंकू आयुम केपे ची पबितर आतमा कलीसिया तरअः एतान कंहड़ीआय।
फिलदिलफिया रिनकु कलीसिया के ख्रीस्त आला संदेस
7 #
जसा 22:22; अयु 12:14 “फिलदिलफिया रेनअः कलीसिया रिनी दूत के नोःआँ लिखाय मे,
“जे पबितर आउर सच एदनाआ, आउर जे दाऊद आला #3:7 कहियो का-अन्तोः वाला राईज के मेन गेआकु।कुंजी दोहोयाय, हुनी आला उघड़ाव लआ के ओके होः इरकु जापुःड दड़ीआ आउर हुनी आला जापुःड लआ के ओके होः इरकु जीःग दड़ीआ। हुनी नोःआँ कंहड़ीआय ची, 8ईङ आम आला काम के पाड़ीईङ, नेलेमे, ईङ आम मड़ांग रे मियांड दुवार जीःग तु तदिङ, जेके ओके होः इरकु जापुःड दड़ीआ, आम आला सवांग थोड़ेअ केन दो एदनाआ, सेरे होः आम ईङ आला वचन रेनअः पलान तदाम आउर ईङ आला नुमू रेनअः इनकार काम लआ। 9#जसा 49:23; 60:14; जसा 43:4थोड़ेक होड़कु खुद के जाहुदी मेन गेआकु आउर नलागे, झुठ कंहड़ीयाकु हुंकू सैतान के मनाअ अवला सभा हेके, नेलेमे ईङ नोकानेईङ ची हुंकू हीःग केते आपे आला जांगा रे नुर केते आराधना केआकु, आउर नोःआँ पाड़ी केआकु ची ईङ आम लोः दुलार दोहो लाईङ। 10आपे ईङ आला खातिर रेनअः वचन के थंभाव तदापे, हिना लःअय ईङ होः आपे के सताव रेनअः होना बेरा बंचाव पेईङ जे दुनिया रे तहिनोअ कु के परीकछा लःअय गोटा धरती रे हिजोअ वाला एदानिया। 11ईङ जलदी गी हिजोअ वाला एदानिङा, जे आपे दुबाःड़े एदनाआ होना के थंभाव तापे ची आपे आला मुकूट के जाहें होः आलकु रेःग के। 12#दि.वचन 21:2; जसा 62:2; 65:15जे जीताआय, हुंकू के ईङ अपन परमेसर आला ओड़ाअ रे मियांड खुंटा#3:12 खुंटा खुंटा मुरुक मजगुत ताहिनोआ आउर का हिलाआ, जामा बिसवासी परमेसर आला ओड़ाअ हेके। बनाव कुईङ, आउर हुंकू कहियो बाहरी इरकु उडुंगोआ, आउर ईङ हुंकू रे अपन परमेसर आला नुमू आउर अपन परमेसर आला सहर, जे ईङ आली परमेसर दुबाःड़े तरअः सिरमा तरअः अड़गुन वाला एदनाआ माने कि नावाँ जिरोसलेम रेनअः नुमू, आउर ईङ आला नावाँ नुमू होना खुंटा रे लिखायीङ।
13“जेकर लुतूर एदनाआ हुंकू आयुम केपे ची पबितर आतमा कलीसिया रिनकु तरअः एतान कंहड़ीआय।
लौदीकिया रिनी कलीसिया के ख्रीस्त आला संदेस
14 #
बेव 8:22
“लौदीकिया रेनअः कलीसिया रिनी दूत के नोःआँ लिखाय मे,
“जे आमीन आउर बि-बिसवास लकान आउर सचा गोवाह हेके, आउर परमेसर आला सिरजाव रेनअः मुसड़ा जाईर हेके, हुनी नोःआँ कंहड़ीआय, 15ईङ आपे आला काम के पाड़ीईङ ची आपे ना दो ठंड़ापे#3:15 ठंड़ापे लौदीकिया रेनअः पुरूब रे कुलोसी सहर ताहिनेना होनाःड़े रंग-रंग ठांड़ दाअः रअः कुंड़ ताहिनेना जेके उमोअ केते फरीचोअ लःअय आउर नुनू लःअय बेवहारे केनाकु। आउर ना लोलो#3:15 लोलो लौदीकिया रेनअः उत्तर रे हेरापुलिस एदनाआ होनाःड़े लोलो दाअः रेनअः कुंड़ ताहिनेना जेके दावा लःअय बेवहारे केनाकु। , बेस ताही कोआ ची आपे ठांड़ चाहे लोलो ताही कोआपे। 16हिना लःअय ची आपे सुसुमापे, आउर ना ठंड़ापे आउर ना लोलो, ईङ आपे के अपन आहा तरअः ऊउलगाव वाला एदानिया। 17आपे जे कंहड़ीआपे ची आले धनगाराले, आउर गीरहत नाले, आउर आले के एतान जिनीस रेनअः होः घटकमी कनोआँ, बकिर नोःआँ कापे पाड़ीआ ची आपे अभागा आउर गिरल-परल आउर रांगे:ग तेताङ आउर अंधरा आउर लंगटा एदान पेआ। 18हिना लःअय ईङ आपे के सलाह एमा पेईङ, आउर सेंगेल भाठा रे नावाँ से आवा लगाव लअः सोना के ईङ तरअः किरिङेपे जेकर से आपे गीरहत जुनोअपे, आउर पुँड़ी गेन्दरअ ईङ तरअः किरिङेपे आउर सोलोंगेपे जेकर से एसेन होड़ो रेनअः लाज के उकु दाड़ीपे, आउर मेःड रे ललगाव लःअय सुरमा ईङ तरअः किरिङपे ची आपे नेल दाड़ीपे। 19#बेव 3:12; इब्रा 12:6ईङ जे जे लो: दुलार दोहोयीङ हुंकू के डापटाव कुईङ आउर हुकूम ममनाव ची वाला बनाव कुईङ, हिना लःअय जलदी से फरहारोअपे आउर पाप तरअः मन रूवाड़ेपे। 20नेलेपे, ईङ दुवार रे तिंगु केते ठोकठोकाव दिङ, जदि जाहें ईङ आला सबद अयुम केते दुवार उघड़ायाय, दो ईङ हुनी दुबाःड़े भितरी हीःग केते हुनी लो: घोटो जोमेईङ आउर हुनी ईङ लो:। 21जे जीताआय, ईङ हुनी के अपन लो: अपन राईज गदी रे दुड़ूगियीङ, जे लकान ईङ होः जीताव केते अपन बाबा लो: साँघे हुनी आला राईज गदी रे दुड़ूः निङ।
22“जेकर लुतूर एदनाआ हुंकू आयुम केपे ची पबितर आतमा कलीसिया रिनकु तरअः एतान कंहड़ीआय।”
Currently Selected:
दिस.वचन 3: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
