Rom 1
1
Tabei panek
1Paulus, Jesus Kristus inan begabeg, apostel uzat inauwoi wagig Anut inan totol gamunoi gun inaulak.#Apos 9:15; 13:2; Gal 1:15 2Me i wagam profet auadinlon azu gazeklon blani pinidinlak,#Tit 1:2; Rom 16:25, 26 3totol gamun, inan Ai Jesus Kristus idinad Ujanzenoi, inan tinin Dawid inan dazlon itaselak me.#Sam II 7:12; Mat 22:42; Rom 9:5 4Me get dibollak egin Anut Ai tiwondaŋan, gun niŋon inan Uz sinan mateŋlon imaislak ŋan Jesus Kristus idinad Ujanzen.#Apos 13:33 5I‐lon kanim ŋaleg panad, apostel uzatoi mai wigiad, panupanu i neanoi ladinlon malikmap dagom depaniwoi.#Apos 26:16–18; Rom 15:18; Gal 2:7, 9 6Gob ilonlon aŋ mai Jesus Kristus inanŋan wigiaŋlak. 7Romnen Anut inan bubengaz gun demadowoi wigidinlak, aŋ daŋan Anut, idinad Mam, Jesus Kristus inad Ujanzen mai inan kanim mazoz mai stoanaŋ.#Kor I 1:2; Kor II 1:1; Ef 1:1; Num 6:25, 26
Krisgaz Romnen Paulus mai
8Malanmalan ŋa Jesus Kristuslon aŋ daŋanoi Anut pez ŋepaniŋame, aŋnami lamilon maliknenoi panupanu sai dipinidinlakoi.#Rom 16:19; Tes I 1:8 9Anut inan Ai inan totol gamunoi inan uzat ŋa bubegdaŋan ŋenauŋame, i iloŋ ŋa sededeŋanig gadiŋlon aŋ ilog isouime.#Fil 1:8; Ef 1:16 10Ŋan ŋagod Anut iboltap ŋa mug dal talon ziminen ŋalanen ŋaloŋoi tat.#Apos 19:21; 15:23, 32 11Ŋa aŋ ŋenasaŋoi ilog jaeŋ funiime, Uz inan zaiŋ paneknen abaŋ ta ŋepeteŋanaŋmap aŋ asegatip amadowoi.#Apos 28:31 12Meginpe id nugnug inad ilonlon maliknenlon segatek teŋalewoi, ŋa aŋlon, aŋ ŋalon.#Pet II 1:1 13Aŋ me aloŋoi ŋabol, taiggaz, ŋa saen kuzum ziminen ŋalawoi ilog ibollak, ge naog dal faleg ien, meginpe kagin inan niŋon mai aŋ leŋamilon ŋeŋalewoi, gobgaz aenta ilonlon egin.#Joh 15:16; Rom 11:25 14Ŋa laŋwainoi jabwainoi mai, ladin kaginkagindaŋan, kaginkagin tealak iwoi mai awadandaŋan. 15Mewoi aŋ Romnen amadoame mai ŋa otol gamun ŋepaiaŋoi ilog sisikime.
Aitoi Paulus totol gamun sililig ibolime?
16Aloŋ, ŋa totol gamunoi mamai tea, daŋan i me ilonlon malikmap i patun isanenoi Anut tiwon ŋaleime mewoi, malanmalan Judawain, ge Grik i mai.#Kan 119:46; Kor I 1:18, 24; Apos 13:46 17Melon ilonlon maliknen sedagep ilemap mon Anut inan taoz niŋon boboloaniime, gazelak egin, Taozwain i ilonlon maliknenlon mon bas madowoi.#Rom 3:21, 22; Kan 98:2; Jes 56:1; Hab 2:4
PANUPANUOI ANUT INAN TAOZ TAIMON, 1:18—4:25
Gobgaz nadin zegaik ujan
18Tamol me Anut kilian teag aupasekbibiadin ditozmeg azu malik dubutunidimelak me Anut inan buzunlon didlonge diŋiaime.#Joh 3:19; Tes II 2:12 19Abaŋ me Anutoi taloŋnen dal ienime me beŋten denasidime, Anut siben peteŋanalakoi.#Apos 14:15–17; 17:24–28 20Tan funlonge inan bunun tenasinen tealak ŋan me inan dedeŋaneknen tiwon, i Tibud mailak, me abaŋ inaulak melon gauai mok beŋten itaselak. Am so aloŋ e dibolnen tea.#Kan 19:2; Heb 11:3; Joh 15:22, 24 21I bo Anut diloŋmeg i Anut bas egin biŋan so dibise, pez mai so depani, tea, nadin kankanlon lasenge ditoz, bubudin mafuz panig deladal.#Ef 4:18; Bo 14:7 22I ladin kaginkagindaŋan e dibolge i gedagad denaulak.#Jer 10:14; Kor I 1:20 23Anut bas inan kubel me dubulig tamol kilian mazoz deteŋanalak, ma mai, dazuk, abaŋ tanlak kiziakime me mai metelaen deteŋana.#Deut 4:15–19; Kan 106:20
Anut aupasek naon inauime
24Mewoilakoi Anut i ibinge nadin bubudin imaisnenlon kagin ikok tealak melon sebadin nugnug tinidin nun depani.#Apos 14:16 25I Anut inan azu malik dubulig abenlon azu sekauk denau, dazuk abaŋ inaulak me Fun Anut, gadon dedeŋanip patun isap madowoi, malik! i abenlon biŋadin dibise biadin mai depalu.#Rom 9:5 26Abaŋ ewoilakoi Anut ibinge i nadin kagin salan mih dibolge denau, nadin pain mai tinidin inan kagin dubuliseg kagin so denaunen me denau. 27Tamol mai mug nadin pain maig so ditoz, tea, tamol nugnugoi tinidin debezaug ditoz, tamol i tamol ta mai kagin salan denaumeg tiniktinik nadin zegail inan naon idusanen deŋale.#Lew 18:22; 20:13; Kor I 6:9
28I kagin debetenaeg Anut daŋe paninen iwoi so iduse dibolge Anut ibinge kankan salanlon, abaŋ tamol denaunen tea me denaumeg demade.#Rom 13:13; Luk 18:11; Kor I 5:10 29Kagin taoz tealak ifofok, aupasek salasala, bulases, sekaukbibian, jenain isuinen ifofok, tamol funek, pusaik, se wozaik, nauknauk wagai, 30azu sepalek fun, Anut mugunek, bilaubazok, ŋagas, auan fezafuz, kagin salan fun, tinantaman dagom so panek, 31ilon tea buben malik tea, ilopanek tea, teŋaen alannen tea. 32I Anut inan kibiaiŋ diloŋ, tamol i abaŋ megin denaudime i naon mateŋ deŋalewoi, ge i sebadin mon so denaudime, tea, aenta i abaŋ salan me denaumap Es e dipidindime.#Tes II 2:12
Currently Selected:
Rom 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
