Popular Bible Verses from Rom 1

Share

Aloŋ, ŋa totol gamunoi mamai tea, daŋan i me ilonlon malikmap i patun isanenoi Anut tiwon ŋaleime mewoi, malanmalan Judawain, ge Grik i mai.

Melon ilonlon maliknen sedagep ilemap mon Anut inan taoz niŋon boboloaniime, gazelak egin, Taozwain i ilonlon maliknenlon mon bas madowoi.

Tan funlonge inan bunun tenasinen tealak ŋan me inan dedeŋaneknen tiwon, i Tibud mailak, me abaŋ inaulak melon gauai mok beŋten itaselak. Am so aloŋ e dibolnen tea.

I bo Anut diloŋmeg i Anut bas egin biŋan so dibise, pez mai so depani, tea, nadin kankanlon lasenge ditoz, bubudin mafuz panig deladal.

I Anut inan azu malik dubulig abenlon azu sekauk denau, dazuk abaŋ inaulak me Fun Anut, gadon dedeŋanip patun isap madowoi, malik! i abenlon biŋadin dibise biadin mai depalu.

Tamol me Anut kilian teag aupasekbibiadin ditozmeg azu malik dubutunidimelak me Anut inan buzunlon didlonge diŋiaime.

Abaŋ ewoilakoi Anut ibinge i nadin kagin salan mih dibolge denau, nadin pain mai tinidin inan kagin dubuliseg kagin so denaunen me denau. Tamol mai mug nadin pain maig so ditoz, tea, tamol nugnugoi tinidin debezaug ditoz, tamol i tamol ta mai kagin salan denaumeg tiniktinik nadin zegail inan naon idusanen deŋale. I kagin debetenaeg Anut daŋe paninen iwoi so iduse dibolge Anut ibinge kankan salanlon, abaŋ tamol denaunen tea me denaumeg demade.

I ladin kaginkagindaŋan e dibolge i gedagad denaulak. Anut bas inan kubel me dubulig tamol kilian mazoz deteŋanalak, ma mai, dazuk, abaŋ tanlak kiziakime me mai metelaen deteŋana.