Mateus 15
15
Jesus farisea mai niman flanekoi dizoi
1Meginge farisea gazekmaŋau mai Jerusalemnenge Jesus izinnen diseg dibol, 2Aitoige oina meglaum tubudingaz nadin kibiaik duzi so depanidime? I anaŋ dianiwoimap nimadin so deflanadime. 3Ge i auadin jabig pidin, Aitoige aŋ nami kibiaikoi Anut inan kibiaiŋ uzi so apaniame?#Deut 4:2; Luk 11:38 4Anut ibollak, O tina tama zidinnen dagom naup madowoi. Ta mai, I me inan taman tinanoi azu salan ibolime me imat mokoi.#Ekso 20:12; 21:17 5Ge aŋ abol, Ta i inan taman, tea, tinan ipaitap, Lo abaŋ o ŋepanowoige ŋa mug Anutoi sagen ŋenaulak, iwoi aŋ abol i segauz inan taman dab so paniwoi. 6Aŋ sesgaz nadin kaginoi Anut azu inan niŋon apasiame. 7Malabiab aŋ, Jesaia gauai aŋoi imugseg ibollak,#Jes 29:13 8Tamolpainbadim e fiziŋodinlon ŋa biŋag dibisadime, ge bubudin ŋawoi o ibennen ien, izignen tea. 9I se mok biŋag dibisadime, Anut kagin abenlon i tamol nadin kagin tamolpain depeteŋanadime.
Abaŋte tamolpain foanen iloŋ?
10I tamolpain malanzen wigidinge ipidin, Tiliŋamilon dab apanip aloŋ gauai. 11Abaŋ auanlon idulaime mewoi tamolpain so foaime, tea, abaŋ auanlonge itasaime me tamolpain foa inauime.#Mat 12:34; Tim I 4:4 12Me uzig inan meglaum izinnen diseg depai, O uloŋume, farisea azu e diloŋmeg i demagu? 13I auadin jabig ibol, Biab daŋan me inag Mam so ipaelak me zabewoi. 14Segauz demaguwoi. I duzektamol ge meladin itaulak. Ge ta malan itaulak me ta malan itau me duzimap i auzun loflon dibal diduwoi. 15Petrus auan jabig ipai, Azu faŋan e flalep penama. 16Ge i ibol, Aŋ get aseg mai aloŋnen tea? 17Aŋ me dab so apaniame, abaŋ daŋan me i auanlon idulaime me teŋaenlon ilaime, uzig tezameklon iduime. 18Ge abaŋ me i auanlonge beŋten iduime me bubenlonge itasaime, ŋan me tamolpain foa inauime. 19Bubenlonge kankan salan itasaime, funek imatnen, betezemanek pitiŋinek, jait, ponau, uf nauk, azu salan mai.#Gen 8:21 20Abaŋ e tamolpain foa pinidinime. Ge niman so flanig abaŋ janiime, melon tamolpain so foaime.
Kanaan pain inan nanunpain ikibine
21Jesus menge ileg i Tirus Sidon tuzuteklon isaziz. 22Ge nasi, Kanaan pain ta fatu menge iseg ibobge ibol, Ujazen, Dawid ai, ilo panagpa! Buga salan ta i ŋainag nanugpain gauz tetaleime. 23Ge i auan kin so jabi. Inan meglaum izinnen diseg i dogodoanig dibol, Upaip imuloi, i muzidnen ibobimelakoi. 24Ge i auadin jabig ibol, Israel belelek depadal dilelak, iwoi mon ŋa noaglak.#Mat 10:6 25Ge pain me iseg Jesus naonnen dagun sebenaig ibol, Ujazen, aneg udupe! 26I auan jabig ibol, Ai kamo nadin sepalaŋ zudinpa gaun tanip pinidinmap me kagin gauai tea. 27Ge i ibol, Au, Ujazen, gaun bo nadin temadin nadin anaŋ nenamun idumeg me dianidime. 28Me uzig Jesus auan jabig ipai, O pain, oina ilolon maliknen me zen! O ilo ibolime megin inauwoi. Inan nanunpain buntaimon tinin pasa ibol.#Mat 8:10, 18
Jesus tamolpain malanzen kibinia
29Jesus menge ileg i Galilea wililuk inan laŋ uzig ise. I did talak iduseg men matal. 30Tamolpain malanzen izinnen dise, aenta i laleg, meladin itau, auadin itau, tinidin kesepazup, aenta kuzum mai inan nien funlon denaug ikibinia.#Mar 3:10 31Tamolpain malanzen i megin dilge dizut, ŋan auan itaulak me azu ibolime, tinidin kesepazuplak pasa ibol, laleglak me ditozdime, meladin itaulak abaŋ denasidime. I Israel nadin Anut biŋan dibise.#Mar 7:37
Jesus tamol 4000 futua
32Meginge Jesus meglaum iwigidin, izinnen disowoi. I ipidin, Tamolpain malanzenoi teŋaeg alan, i mug nal tol ŋa maig amadoame, ge janeknen tea. Ge i teŋeadindaŋan ŋenaup dilanen me ŋamoi, i dallak so dimiliauwoi.#Mat 14:14 33Meglaum i depai, Am domten sepalaŋ kuzum i egin fatu udaulon aŋalpa malanzen e loadin didiwoi? 34Jesus ipidin, Aŋ sepalaŋ pite? I dibol, Sewen, ij kinkin taitai mai. 35I tamolpain malanzen kibiai pinidin i tanlak demataloi. 36Meg i sepalaŋ sewen ij mai iŋalge baz panig bufate idug inan meglaum ipinidin, meglaum i tamolpain malanzen dipinidin. 37I daŋan dianig loadin didilak. Nenamun wadan dinonge sazeg sewen auadinnen. 38Ge me i dianilak me tamol 4000, pain aikamo mai so sutalak. 39Tamolpain malanzen me inauge dilemeg i waglak iduseg Magadan fatulon ile.
Currently Selected:
Mateus 15: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
