Mateus 14
14
JESUS GALILEANEN FATU AENTALON MAI ITOZLAK INAN SAI, 14:1–16, 12
Herodes Johanes funig imat
1Saen melon Herodes Tetrark Jesusoi biŋ iloŋ. 2I inan ai pidin, Me Flaneknen Johanes, i mateŋlonge fuŋunilak, mewoi tiwon me i‐lon uzat inauime. 3Herodes i inan tain Filipus inan pain Herodiasoi Johanes jabig sebaneklon inaulak. Johanes i ipiailakoi,#Mat 11:2 4O i ŋalelak me kagin tea.#Lew 18:16; Mat 21:26 5I funip imatoige i tamolaioi izez, i profet e dibollakoi. 6Ge Herodes inan nal idumeg inan nanunpain mezazeŋgaz meladinlon dug itazig Herodes gamun funi. 7Meginge i stemanek azulon malik ibol, i abaŋtewoi tat ibolmap i me naon ipani mokoi. 8Tinan i egin ipailakoi i ibol, Flaneknen Johanes inan gaten tabizdaŋan aben elaknen panagpe. 9Kiŋ i teŋaen alan, ge inan stemaneknen azuoi, inan mezazeŋgaz meladinoi mai i paniwoi ibol. 10I opas ta inaug Johanes sebaneklon klagun gusuti. 11Inan gaten tabizdaŋan deŋaleg diseg aipain depani. I ŋaleg ileg tinan ipani. 12Inan meglaum diseg sesanun deŋaleg denau. I dileg Jesus depai.
Tamolpain 5000 Futua
13Ge Jesus me iloŋge i waglon saziz ibennen fatu udaulon ile. Tamolpain malanzen panupanulon dimaisge lol depasig duzig dile. 14I ibalge i tamolpain malanzen il. I iwoi teŋaen alange inadin tamolai subdaŋan me kibinia.#Mat 9:36 15Juzameg meglaum i izinnen diseg depai, E me fatu udau, ad mai mug iduime, tamolai malanzen kin ubinpa dilap panupanulon anaŋ didadpa dianiwoi. 16Jesus ibol, Aitoige i dibinadpa dilawoi, aŋ janeknen ta pinidinpa diani. 17I depaig dibol, Am elak sepalaŋ faif ij azug mon. 18I ibol, Me aŋalp asop apanag. 19I tamolpain malanzen kebasiklak demataloi ipidin. I sepalaŋ faif ij azug mai iŋalge i didlak itad baz pinidinge bufateg meglaumgaz pinidin. Meglaum i tamolpain malanzen dipinidin. 20I daŋan dianig loadin didi. I nenamun subuŋan dinonge sazeg twelf auadinnen.#Kiŋ II 4:44 21Me i dianilak i tamol 5000, pain aikamo mai so suta.
Jesus mas atenlak itoz
22Buntaimon i tamolpain malanzen ibinge dilemeg i Meglaumgaz seseŋana, i waglak didusap dimugpa dil aentalon dilawoi. 23I tamolpain malanzen inauge dilelag i siben didlak godoanekoi iduse. Tidommeg i siben taimon melak made.#Luk 6:12; 9:18 24Ge wag me mug laŋ ibinig kin launen ilaime, kizikoz ifuni alan, tim i diŋialakoi. 25Ge kekazek alanlon i zidinnen mas fonlak itozge ise.#Luk 24:37 26Ge inan meglaum i mas fonlak itozmeg denasig i bezeteŋanag dibol, Me buga, gauz dizutmeg dibob. 27Ge Jesus pasak ipidin, Lami gauaiŋan, me ŋa! So azez mon! 28Petrus auan jabig ibol, Ujazen, me otap paiagpa ŋa mas fon mon o izinen ŋalawoi. 29Jesus ibol, Uso! Petrus waglak tapas idug mas fonlak itozge Jesus izinnen ile. 30Ge tim inasig i izut, itoglawoi inaumeg ibobge ibol, Ujazen, titiziag ŋiliagpa. 31Buntaimon Jesus inan niman iwoteg jabig ipai, Ilolon maliknen kitek o, aitoi ilose ilole?#Mat 8:26 32I waglak diduseg tim i to ibol. 33Waglon demadodime me dugudinlon didug dibol, Malik, o Anut inan Ai.
Maiaidaŋan me Jesus kibinia
34I mas dedaialag i Genesaretnen dibal. 35Panu me inan tamol i diloŋge i fatu me daŋanlon totol denaug i maiaidaŋan me Jesus izinnen diŋalge dise. 36I dogodoani, i inan jamel didin mon kin dititiwoi. Tata i dititilak i tinidin gauai.#Mat 9:21; Luk 6:19; Num 15:38, 39
Currently Selected:
Mateus 14: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
