Popular Bible Verses from Mateus 15

Share

Ge abaŋ me i auanlonge beŋten iduime me bubenlonge itasaime, ŋan me tamolpain foa inauime. Bubenlonge kankan salan itasaime, funek imatnen, betezemanek pitiŋinek, jait, ponau, uf nauk, azu salan mai.

Abaŋ auanlon idulaime mewoi tamolpain so foaime, tea, abaŋ auanlonge itasaime me tamolpain foa inauime.

Tamolpainbadim e fiziŋodinlon ŋa biŋag dibisadime, ge bubudin ŋawoi o ibennen ien, izignen tea. I se mok biŋag dibisadime, Anut kagin abenlon i tamol nadin kagin tamolpain depeteŋanadime.

Me uzig Jesus auan jabig ipai, O pain, oina ilolon maliknen me zen! O ilo ibolime megin inauwoi. Inan nanunpain buntaimon tinin pasa ibol.

Ge pain me iseg Jesus naonnen dagun sebenaig ibol, Ujazen, aneg udupe! I auan jabig ibol, Ai kamo nadin sepalaŋ zudinpa gaun tanip pinidinmap me kagin gauai tea. Ge i ibol, Au, Ujazen, gaun bo nadin temadin nadin anaŋ nenamun idumeg me dianidime.