Mateus 16
16
Farisea sadukea mai bagozoi dibol
1Farisea sadukea mai izinnen diseg dikibianimeg depai, i didnen bagoz ta peteŋanawoi.#Mat 12:38 2Ge i auadin jabig pidin, Juza idumap aŋ abol, Did dazanlakoi fatu gauaioi. 3Bomonlon aboloi, Gazomnen did dazan giziguz mailakoi fatu salanoi. Did naon abetenaenen aloŋ, aŋ saen inan bagoz abetenaenen so aloŋ?#Mat 11:4 4Daz wozou salan jaitwain mai bagozoi dedaleldime, ge bagoz ta so pinidinoi, tea, Jona inan bagoz me mon. I ibinge ile.#Mat 12:39, 40
Farisea nadin sepalaŋ dideknen abaŋoi dukukuaiwoi
5Inan meglaum mas dil aentalon diseg i sepalaŋ ladin padal, so deŋale. 6Jesus ipidin, Dab anau, farisea sadukea mai nadin sepalaŋ dideknen abaŋoi akukuai. 7I mewoi nug dikibiaig dibol, Id sepalaŋ so teŋaleg taselak. 8Ge Jesus me iloŋmeg ibol, O tamol ladinlon maliknen kitekdaŋan, aitoige aŋ sepalaŋ tealak mewoi ikibiaiame?#Mat 6:30 9Aŋ mug kin dab so apaniame? Aŋ 5000 nadin sepalaŋ faif sazeg pite aŋ nenamun anonlak me lami so isouime?#Mat 14:17–21 10Tamol 4000 nadin sepalaŋ sewen sazeg pite aŋ anonlak me lami so isou?#Mat 15:34–38 11Dodinge ŋa sepalaŋoi so ŋabolŋame me dab so apanilak? Aŋ farisea sadukea mai nadin sepalaŋ dideknen zagunoi akukuaipa amado. 12Meginge i diloŋ i sepalaŋ inan dideknen zagunoi dukukuaioi so pidinlak, tea, fariesea sadukea mai nadin kaginoi.#Joh 6:27
JESUS ALAN INAUWOI PIDIN. JERUSALEMNEN DILAWOI, 16:13–17, 23
Petrus Jesus fun blani
13Ge Jesus Kaisarea Filipi tuzuteklon iseg i inan meglaum sidiziag ibol, Tamolaioi tamolpain dodin dibol, i itai? 14I dibol, Aenta dibol, Flaneknen Johanes, aenta dibol Elias, aenta Jeremia, teap profet getnen ta tat.#Mat 14:2; 17:10 15Ge i pidin, Aŋ dodin abol, ŋa itai? 16Simon Petrus auan jabig ibol, O Kristus, Anut bas inan Ai.#Joh 6:69 17Jesus auan jabig ipai, Patu isap mado, Simon Bariona, tini daz mai e so peteŋanolak, tea, inag Mam i didlon madoime.#Gal 1:15, 16 18Ge ta mai ŋepao, O Petrus, pat e fonlak ŋainag eklesia ŋesasewoi, Hades inan dalauan fuep inan gaten didup me dipitiŋininen so diloŋoi.#Kan 9:14; 107:18 19Ŋa didnen kiŋdom inan ki ŋepanowoi. Abaŋte tat o tan upauume me didlon mai paup ienoi. Abaŋte tat o tanlak seflalemap me didlon mai seflalep ienoi.#Mat 18:18 20Meginge i niman tikun biseg inan meglaum ipidin, i Kristus me tata so depaiwoi ibol.#Mat 17:9
Jesus alan naukoi ibol
21Saen melonge Jesus fun inaug inan meglaum ipidin, i Jerusalemnen ila mokoi, abaŋ kuzumlon alan inauwoi, matugaz, waliŋgatengaz gazekmaŋaugaz mai dufunip imatoi, nal tollon ifuŋunip imaisoi.#Mat 12:40; Joh 2:19 22Ge Petrus duzig ibennenge bebanig ibol, Ujazen, sibe ilo panopŋan, e me o folak so iduwoi. 23Ge i idaŋseg Petrus ipai, Satan, muzignen ula! O naog dal faleume, o Anut inan wozou mai tea, o tamol se maig anauame.#Mat 4:10; Pet I 2:8
Jesus sunuzekoi
24Me uzig Jesus inan meglaum ipidin, Ta i ŋa sunuzagpa itozoi ibolime, i siben dadon zezeŋaniwoi, inan jakebazek bisap ŋalep ŋa sunuzagpa itozoi.#Mat 10:38, 39 25Ta i tinin inan bas madoknen me jabip itozoi ibol i me jabi bedaniwoi, ge ta i ŋawoi tinin baslon imatmap i jabip ŋalewoi. 26Tamol ta fatufatu nadin biauŋ daŋan iŋalmap ge melon padaltap i naon ait iŋalewoi? I padaltap me naon ait inaup faun bas gauai madowoi?#Mat 4:8 27Tamolai inan eŋel maip Taman inan kubelkubellon disowoi, saen melon i tamol dadodado inaulak menen naon ipaniwoi.#Rom 2:6 28Malik ŋa aŋ ŋepaiaŋ, ta elak ditiuzdime i mateŋ so denasiwoi, Tamolai get inan kiŋdomlon isemap eginmap.#Mat 10:28
Currently Selected:
Mateus 16: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
