मती 27
27
ईसु के पिलातुस ठिनुः इदिएदेयाकु
(मरकुस 15:1; लूका 23:1–2; जोहन 18:28–32)
1जोब अंगाना दो सुबिन मुध जाजककु अरो होर रेन पुरखाकु ता ईसु के गोगोच रआ सलाह एताकु। 2अरो उनकु ईसु के तोल केते इदी एदेयाकु अरो राजपाल पिलातुस रआ ती रे सोंपाव कदेयाकु।
जहुदी रआ फांसी गोजुः
(कुलवानकु.कामि 1:18–19)
3 #
कु.कामि 1:18,19 ईसु के सासप वनीः जहुदा ता जोब सोचावेनाय चि इञ ईसु के दोसी ठहराव एदेयिञ, दो उनी बेचोट पसतावेनाय अरो उनी ता मुध जाजककु अरो जहुदी पुरखाकु के चांदी रआ तीस टका ता रुवाड़ वाःकुवाय। 4उनी ता मेताःकुवाय, “इञ मिहोर बेगुनाह होर के गोगोच कथिर सापइरी केते पाप एकाःइञ।”
इना रे उनकु ता मेताःदेयाकु, “आले चिलियाले! नुवां आम रआ अपन मामला हेके।”
5इना रे जहुदी ता चांदी रआ उना टका ता मरंग बिनती ओड़ाः रआ भीतरी लेबदा गिड़ी कताय अरो टांड़ी सेन केते अपन एते फंसरी लगावेनाय।
6मुध जाजककु ता उना टका हलङ एताकु आर गाम्मेताकु, “अबु रआ नियम रआ मोताबिक नियां टका ता मरंग बिनती ओड़ाः रआ खजाना रे दोहो उचित बनुःआं, नुवां दो मयम रआ गोनोंङ हेके।” 7इनाते उनकु ता फयसाला केते उना टका एते जरुसलेम रे एटाः पोरदेस एते हिजुःवन होर गोजुः अकु रे, तोपा कथिर, कुमहार रआ खेत किरीञ एताकु। 8इनाते उना खेत तिहिञ तक मयम रआ खेत गामुः काना।
9 #
जक 11:12,13 इना लेका परमेसर रिई परमेसर सोझ एते नधनी वनीः जिरमियाह सोझ एते गाम अनाः नुवां बचन पुरावेना। “उनकु ता चांदी रआ तीस टका लेयकेते, उना टका जे के इसराइल रेन होर ता उनी के एएम कथिर तायतपड़ा एताकु। 10अरो परभु सोझ इञ के एम अनाः हुकूम मोताबिक उनकु ता कुमहार रआ खेत किरीञ एताकु।”
पिलातुस रआ पुछ-ताछ
(मरकुस 15:2–5; लूका 23:3–5; जोहन 18:33–38)
11जोब ईसु हाकिम रआ लहा तिंगु केनाय दो, राजपाल ता उनी के कुलिएदेयाय चिलि आम जहुदिकु रिई राजा हेकेम? ईसु ता उनी के मेताःदेयाय, आम अपन तिगी गाम कनाम। 12जोब मुध जाजक अरो पुरखाकु उनी रे दोस लगावेकेनाकु, दो उनी जहन जबाब काय एमाःकुवाय।
13इना रे पिलातुस ता ईसु के मेताःदेयाय चिलि आम कम ओनाव काना, नोकु आम रआ बिरोध रे चिमीनुः गोवाही एम कनाकु?
14मुदा ईसु ता उनकु के मियाः गानाम रआ हों जबाब काय एमाःकुवाय, नोन्डो तक चि राजपाल ता बेचोट चकरितेनाय।
ईसु के गोगोच रआ हुकूम
(मरकुस 15:6–15; लूका 23:13–25; जोहन 18:39—19:16)
15अरो राजपाल रआ नुवां रिति तहिकेना, चि हरेक पसका पोरोब रे होरकु कथिर जहय मिहोर बंधुवा के जेके उनकु चहाः केनाकु, उनी के बागी केय केनाकु। 16इमिन रे ईसुस बराबस#27:16 बराबस आधा मरी वनाः पोथी रे उनी रआ लुतूम ईसु बराबस तहिकेना। लुतूम मिहोर नामी कयदी तहिकेनाय 17जोब होर तुन्दरा एनाकु, दो पिलातुस ता उनकु के मेताःकुवाय, अपे ओकोय के चहाः कनापे, इञ अपे कथिर बागी काइञ? बराबस#27:17 बराबस अपे कथिर ईसु बराबस के बागी चहाः कनापे चि ईसु मसी के। के चाहे ईसु के, जे मसी गमुः कनाय? 18चिलिमेनचि उनी सरिइ केनाय चि उनकु ईसु के हिंसगा एते सापइरी एकाःदेयाकु।
19जोब पिलातुस नेयाय रआ गदी रे दुरुप केनाय दो उनी रिई एरा तेः ता उनी के गाम कुल वदेयकेनाय, चि आम उनी धरमी रआ बबेत रे ओलोम जहानियां, चिलिमेनचि इञ तिहिञ कुकमु रे उनी रआ चलते बेचोट बेयाकुल इनिञ।
20मुदा मुध जाजककु अरो पुरखाकु ता होर के उकसाव वेःकुवाकु चि उनकु पिलातुस एते बराबस के कोवेयकाकु अरो ईसु के गोगोच रआ मांग एपे, 21राजपाल ता उनकु के कुलिवेःकुवाय, चि नोकिन बनार रे एते ओकोय के चहाःकानापे चि, अपे कथिर बागी काइञ?
उनकु ता मेताःदेयाकु, “बराबस के।” 22पिलातुस ता उनकु के कुलिवेःकुवाय, जे ईसु मसी गमुः कनाय उनी ईसु के चिलियिञ?
सुबिन होर ता मेताःदेयाकु, “उनी के कुरुस रे रकापिया।”
23पिलातुस ता कुलिवेःकुवाय, “चिलिमेन, उनी ता चिलि गुनाह एकाःआय?”
मुदा उनकु अरो ढेर कुर्री एताकु, “उनी के कुरुस रे रकापिया।”
24 #
नियम 21:6–9
जोब पिलातुस ता नेलेःकुवाय चि जहन फयदा बनुःआं। बलकी झमेला भड़काव वोःआनाः हेनाःआं। पिलातुस ता मीःजंग दाः लेयकेते अरो भीड़ रआ लहा अपन ती अबुंगएनाय अरो गामवाःकुवाय, “नोय मनवा के गोगोच रआ बबेत रे इञ बेगुनाह हेनाञा अपे गी सरिइपे।”
25सुबिन होर ता गाम्मेताकु, “नोय रआ गोनोच रआ दोस आले अरो आले रेन होपोन रे होयुःका।”
26तोब पिलातुस ता उनकु कथिर बराबस के बागी कदेयाय अरो ईसु के कोड़रा एते सोड़ेच इरी केते सोंपाव वाःकुवाय, चि कुरुस रे रकापियाकु।
सिपाहिकु ता ईसु के लेचेड़-लेचेड़ वदेयाकु
(मरकुस 15:16–20; जोहन 19:2–3)
27अरो पिलातुस रेन सिपाहिकु ता, ईसु के राजपाल रआ बंगला रे भीतरी इदी एदेयाकु अरो सुबिन सिपाहिकु के होहो केते ईसु रआ चइरो सोझ हुन्डीवेःकुवाय। 28उनकु ईसु रआ किचरीः होलोच एदेयाकु अरो मलमल रंगा किचरीः होरोः केते 29जनुम रआ मेंडरी गलंग केते ईसु रआ बोहोः रे खपाव कताकु। उनी रआ जोम ती रे मियाः ढोड़ही रआ ठेंगा साप वदेयाकु अरो ईसु रआ लहा उकरुम केते उनी के लेचेड़-लेचेड़वाय केनाकु अरो गाम वयकेनाकु, “जहुदिकु रिई राजा जोहार,” 30अरो ईसु रआ मेत-मोचा रे बेच वदेयाकु, अरो ढोड़ही रआ ठेंगा रेच केते बोहोः रे सोड़ेच हेलावेनाकु। 31जोब उनकु उनी के लेचेड़-लेचेड़ कराव चुकाव वदेयाकु दो ईसु के होरोः लेदेयाकु उना किचरीः होलोच एदेयाकु अरो पहिल रआ अपन किचरीः ईसु के होरोः केते कुरुस रे रकाप कथिर इदी हेलावेनाकु।
ईसु के कुरुस रे रकाप एदेयाकु
(मरकुस 15:21–32; लूका 23:26–43; जोहन 19:17–27)
32जोब उनकु टांड़ी सिनुः केन गियाकु रिगी सिपाहिकु ता कुरेन चट्टी रिई तहीः वनीः सिमोन लुतूम रिई मिहोर होर नपामेनाय उनकु ता उनी के जबरेय एदेयाकु चि उनी ईसु रआ कुरुस गोः केते सेनाय। 33तोब उनकु गुलगुता (जेकर ओरोथ “खपरोही रआ ठांव गमुः काना।”) ओन्डो तेबाःएनाकु 34#सिरिञ 69:21उनकु ता ईसु के पित मेसा वनाः अंगुर रास#27:34 आरखी लेका बाय वनाः, दाखरस रआ रास नुनू कथिर एमाःदेयाकु। मुदा जोब ईसु ता उना चाखा एताय दो उना नुनू काय चहावेनाय।
35 #
सिरिञ 22:18
तोब सिपाहिकु ता ईसु के कुरुस रे रकाप कदेयाकु अरो उनी रआ किचरीः, चुटका उडुङ केते हटिञ वनाकु। 36इना तयोम उनकु ओन्डो दुरुप केते ईसु के होरहो हेलावेनाकु। 37उनकु ता ईसु रे लगाव दोस, पाटी रे ओल केते उनी रआ बोहोः चेतान रे ठोकाव कताकु। “नुवां निया लेका हेनाःआं, नोय जहुदिकु रिई राजा ईसु हेकेय।” 38इमिन रिगी ईसु लोः बार होर डाकुत केहों कुरुस रे रकाप लेःकिनाकु मिहोर के जोम ती सोझ रे अरो मिहोर के लेंगा ती सोझ रे।
39 #
सिरिञ 22:7; 109:25 अरो हिजुः-सिनुः वन बोहोः हिलाव-हिलाव केते ईसु के निन्दा वेदेयाकु। 40#मती 26:61; जोह 2:19अरो नुवां गाम वयकेनाकु, “ए मंदिर ता धसाव उयुः वनीः अरो पेय हिलोः रे बबाय वनीः, अपन के बनचाव कोःमी। जदि आम परमेसर रिई होपोन तेः हेरेल हेकेम रेदो कुरुस एते लतार अरगु हिजुःमी।”
41इनका गी मुध जाजक, धरम पोथी सिखाविकु अरो मुध जहुदी पुरखाकु लोः उनी रआ नुवां गाम केते लेचेड़-लेचेड़ वयकेनाकु, 42“एटाः होर के बनचाव वेःकुवाय अपन के काय बनचाव दड़िवाकानाय! नोय इसराइल रिई राजा हेकेय। नोय कुरुस एते निमीः लतार अरगुः रेदोय अबुन उनी रे बिसवास इयाबुन। 43#सिरिञ 22:8नोय परमेसर रे भोरोसाय कनाय। परमेसर चहाः रेदोय निमीः उनी के बनचाव केयकाय। अखीर नोय दो गाम्मेकेनाय, इञ परमेसर रिई होपोन हेरेल हेकेञ।”
44इना लेका गी डाकुत हों जे उनी लोः कुरुस रे रकप लेःकिनाकु ईसु के उनकिन हों इनका गी लेचेड़-लेचेड़ वायकेनाकिन।
ईसु रआ गोनोच
(मरकुस 15:33–41; लूका 23:44–49; जोहन 19:28–30)
45सिंगी बारो बजे एते लेयकेते तीन बजे तक गोटा दुनिया रे लुबाः एना। 46#सिरिञ 22:1तीन बजे लगेभगे ईसु जोड़ राव एते कुर्री केते गाम्मेताय, एली, एली, लमा सबक्तानी? मोतलोब, “ए इञ रिई परमेसर, ए इञ रिई परमेसर, आम इञ के चिलिमेन बगी कदेञाम?”
47जे ओन्डो तिंगु केनाकु, उनकु रे एते थोड़गन ता नुवां अयुम केते गाम्मेताकु, उनी दो एलियाह के होहोय कनाय 48#सिरिञ 69:21अरो एनेन गी उनकु रे एते मिहोर निर इदिकेते ढोड़ही रआ ठेंगा रे दाः सोखावनाः जिनिस तोल केते जोजो अंगुर#27:48 जोजो अंगुर बुलुः लेकन बाय वनाः उना अंगुर रास। रास रे जोबे अगुवेताय अरो उना ईसु के चेपेच कथिर एमाःदेयाय।
49सरेच होरकु ता गाम एकेनाकु बगी कायपे, नेलेयाबुन चि एलियाह नोय के बनचाव हिजुः कनाय चि बङा?
50ईसु ता अरो मिसा जोड़ राव एते होहो केते जीव आड़ाः एताय।
51 #
उठ 26:31–33
इमिन रिगी मरंग बिनती ओड़ाः रआ परदा चेतान एते लतार तक ओड़ेच केते बार हिस एना अरो ओते भुइडोलेना अरो चटाइन दरकावेना। 52नोन्डो तक चि मरघाटी निच्चेना अरो गोच वन रे एते बेचोट पबितर होर रआ गोच-होड़मो जुवेत बिरीतेनाकु। 53अरो मरघाटी एते उडुङ हेच्चेनाकु अरो ईसु ता जुवेत बिरीत तयोम पबितर चट्टी#27:53 पबितर चट्टी जरुसलेम रे सेन केते बेचोट होर एते नेल इरिएनाय।
54रोमी पलटनकु रिई मुध होर अरो ईसु के होरहो वनकु भुइडोल अरो इनकन नाः एटाः घटना ता नेल केते बोरो वनाकु। अरो उनकु ता गाम्मेताकु, “ईसु निचित गी परमेसर रिई होपोन तेः हेरेल तहिकेनाय।”
55 #
लूका 8:2,3 ओन्डो बेचोट एते कुरी होपोन जे ईसु के सेवा-सुसार कथिर गलील एते उनी रआ तयोम-तयोम हेच केनाकु, उनकु संगिञ एते नेनेल केनाकु। 56उनकु रे एते मरियम मगदलना हातु रिई, जाकूब अरो जुसूफ रिई एंगातेः मरियम अरो जबदी रेन होपोन हेरेल रेन एंगातेः तहिकेनाय।
ईसु के तोपा एदेयाकु
(मरकुस 15:42–47; लूका 23:50–56; जोहन 19:38–42)
57अयुप पहरा अरमतिया चट्टी एते जुसूफ लुतूम रिई मिहोर धनगार हेच्चेनाय। उनी हों खुद ईसु रिई चेला तहिकेनाय। 58जुसूफ ता पिलातुस ठिनुः तोराया अरो ईसु रआ गोच-होड़मो ता कोवेःदेयाय तोब पिलातुस ता हुकूम एमाःदेयाय चि लास तके एमायपे। 59जुसूफ ता गोच-होड़मो ता लेयकेते उनी के मियाः मलमल कफन किचरीः रे पोतराव केते 60अरो उनी के अपन नवां मरघाटी रे दोहो कदेयाय जे उनी ता चटाइन रे उर इरीलेःकुवाय। अरो उनी ता मरघाटी रआ दुवेर रे मियाः मरंग दिड़ी ता पेलहो इदी हंडेत केते तोराया। 61मरियम मगदलना हातु रिई अरो एटाः मरियम ओन्डो मरघाटी रआ सामने दुरुप केनाकिन।
ईसु रआ मरघाटी रे पहरा
62हिजुः हिलोः जोब सुकूरवार बितावेना दो मुध जाजक अरो फरीसी पिलातुस एते नपाम एनाकु। 63#मती 16:21; 17:23; 20:19; मर 8:31; 9:31; 10:33,34; लूका 9:22; 18:31–33उनकु ता मेताःदेयाकु, “हुजूर आले ओयहर एकाःआले चि उनी भरमाव वनीः ता, जोब उनी जुवेत तहिकेनाय रे गाम लाःआय चि पेय हिलोः रआ तयोम इञ जुवेत बिरीतिञ। 64दो हुकूम एमुःमी पेय हिलोः तक मरघाटी ता पहरायाकु। जेकर ते नुंका ओलो होयुःका चि ईसु रेन चेलाकु हेच केते उनी रआ लास कुमरु इदी केयाकु। अरो होरकु के गाम वाकुवाकु चि उनी गोच केते जुवेत बिरीतेकानाय नुवां धोखा पहिल रआ धोखा एते अरो ढेर धोखा होयुःआ।”
65पिलातुस ता उनकु के मेताःकुवाय, “अपे पहरा एएम कथिर सिपाहिकु के इदी सकाव कुकानापे। सिनुःपे जे लेका चहाः कनापे इनका गी करावेपे।”
66तोब उनकु तोराकुवा अरो उना हरुप दिड़ी रे मरका एम केते पहरा एएम वन सिपाहिकु के ओन्डो दुरुप इरी केते मरघाटी ता पोबोंद कताकु।
Currently Selected:
मती 27: BIY
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
