Popular Bible Verses from मती 27

Share

तीन बजे लगेभगे ईसु जोड़ राव एते कुर्री केते गाम्‍मेताय, एली, एली, लमा सबक्‍तानी? मोतलोब, “ए इञ रिई परमेसर, ए इञ रिई परमेसर, आम इञ के चिलिमेन बगी कदेञाम?”

इमिन रिगी मरंग बिनती ओड़ाः रआ परदा चेतान एते लतार तक ओड़ेच केते बार हिस एना अरो ओते भुइडोलेना अरो चटाइन दरकावेना। नोन्डो तक चि मरघाटी निच्‍चेना अरो गोच वन रे एते बेचोट पबितर होर रआ गोच-होड़मो जुवेत बिरीतेनाकु।

ईसु ता अरो मिसा जोड़ राव एते होहो केते जीव आड़ाः एताय।

रोमी पलटनकु रिई मुध होर अरो ईसु के होरहो वनकु भुइडोल अरो इनकन नाः एटाः घटना ता नेल केते बोरो वनाकु। अरो उनकु ता गाम्‍मेताकु, “ईसु निचित गी परमेसर रिई होपोन तेः हेरेल तहिकेनाय।”

सिंगी बारो बजे एते लेयकेते तीन बजे तक गोटा दुनिया रे लुबाः एना।

पिलातुस ता उनकु के कुलिवेःकुवाय, जे ईसु मसी गमुः कनाय उनी ईसु के चिलियिञ? सुबिन होर ता मेताःदेयाकु, “उनी के कुरुस रे रकापिया।” पिलातुस ता कुलिवेःकुवाय, “चिलिमेन, उनी ता चिलि गुनाह एकाःआय?” मुदा उनकु अरो ढेर कुर्री एताकु, “उनी के कुरुस रे रकापिया।”