मती 26

ईसु के गोगोच रआ उपाय

(मरकुस 14:1–2; लूका 22:1–2; जोहन 11:45–53)

1जोब ईसु नुवां सुबिन गानाम गाम्‍मेताय इना तयोम उनी अपन चेलाकु के मेताःकुवाय, 2#उठ 12:1–27“अपे सारीइ कनगियापे चि बार हिलोः तयोम पसका पोरोब हेके। अरो मनवा रिई होपोन तेः हेरेल के कुरुस रे रकाप कथिर सापइरियाकु।”

3तोब मुध जाजक अरो होरकु रेन पुरखाकु जहुदी नेता कयफा लुतूम मुध जाजक रआ बंगला रआ राचा रे जामाएनाकु। 4अरो अकु-अकु रे बिचार एकेनाकु चि अबुन ईसु के छल एते सापइरी केते गोजेयाबुन। 5मुदा उनकु गाम एकेनाकु, चि पसका पोरोब हिलोः बङा, नुंका ओलो होयुःका चि होरकु रे झमेला होयुःका।

बेतनिया रे ईसु के अभिसेक कराव

(मरकुस 14:3–9; जोहन 12:1–8)

6जोब ईसु बयतनियाह हातु रे, सिमोन कोढ़ रोगी वनीः रआ ओड़ाः रे तहिकेनाय। 7#लूका 7:37,38 दो मिहोर एरा संगमरमर दिड़ी रआ सिसी रे बेचोट किमती रआ सो सुनूम अगु केते ईसु ठिनुः हेच्‍चेनाय अरो जोब ईसु जोजोम कथिर दुरुप केनाय, दो ईसु रआ बोहोः रे दुल कताय। 8उना नेल केते, ईसु रेन चेला तेः खिसावेनाकु आर गापाम हेलावेनाकु, नुवां चिलिमेन नास एताय? 9नुवां दो बुगिन गोनोंङ एते अखरीञ केते रेंगेच-रबंङ होर के हटिञ वकुवा होनांङ।

10ईसु ता नुवां सारी केते अपन चेलाताय के मेताःकुवाय एरा तके चिलिमेन परेसान एय कनापे? उनी इञ लोः भलाय एकाःआय। 11#नियम 15:11रेंगेच-रबंङइकु दो अपे लोः सोबदिन गी तहीःकानाकु, मुदा इञ अपे लोः सोबदिन काइञ तहिनोःओ। 12उनी एरा इञ रआ होड़मो रे, जे नुवां सो सुनूम ओजोः एकाःदेञाय, उना एते इञ रआ होड़मो, तोपाञाकु उना रआ तेयारी एकाःआय। 13इञ अपे के सच गामवापे कनिञ, चि सुबिन दुनिया रे अरो सुबिन ठांव रे बुगिन खभेर रआ परचार इयाकु, ओन्डो उनी रआ नियां कामि रआ बाखान हों उनी रआ ओयहर रे करावियाकु।

जहुदी इसकारियोति रआ बिसवासघात

(मरकुस 14:10–11; लूका 22:3–6)

14तोब जहुदा इसकोरोती जे बारहों चेलाकु रे एते मिहोर, मुध जाजककु ठिनुः सेन केते मेताःकुवाय। 15#जक 11:12जदि इञ ईसु के अपे रआ ती रे सापइरीपिञ रेदो, इञ के चिलिकाः एमाञापे? मरंग जाजककु ता चांदी रआ तीस टका एएम कथिर गछावेनाकु। 16इमिताः एते गी जहूदा ईसु के धोखा एते सासप इरी रआ मोका दंड़ा हेलावेनाय।

चेलाकु लोः ईसु रआ पसका पोरोब रआ भोज

(मरकुस 14:12–21; लूका 22:7–13,21–23; जोहन 13:21–30)

17बिन जोजो रआ पिठा रआ पोरोब रआ पहिल हिलोः ईसु रेन चेलाकु ता हेनात हेच केते कुलिएदेयाकु, “आम चिलिकाः चहाः कनाम चि आले आम रआ जोजोम आना पसका भोज कारे सेन केते तयनात इयाले?”

18“ईसु ता मेताःकुवाय, चट्टी रे उनी होर ठिनुः सिनुःपे अरो उनी के मेतायपे, गुरु गाम एकावाःलेयाय, ‘इञ रआ निचित समेय हेनात गिया, इञ आम रआ ओड़ाः रे अपन चेलाकु लोः पसका पोरोब मनाव वाला हेनाञा।’”

19अरो चेलाकु ता इनकागी कराव एताकु जे लेका ईसु उदुःवाःकुकेनाय इनका गी पसका पोरोब रआ तयनात एताकु।

20बेरा ढरकावेना दो ईसु अपन बारहों चेलाकु लोः जोजोम कथिर दुरुप केनाय। 21जोब उनकु ता जोजोम केनाकु दो ईसु ता मेताःकुवाय, “इञ अपे के सच गामवापे कनिञ, चि अपे रे एते गी मिहोर इञ के सापइरिञाय।”

22इना रे उनकु बेचोट उदास एनाकु अरो सुबिन होर ईसु के कुली हेलावेनाकु, ए परभु, चिलि इञ दो बङ हेकेञ?

23 # सिरिञ 41:9 ईसु ता जबाब एमाःकुवाय, चि जे इञ लोः थाड़ा रे ती संजो एकाःआय, इनिगी इञ के साप इरीञाय। 24मनवा रिई होपोन हेरेल दो जेलेका उनी रआ बबेत रे परमेसर रआ बचन रे ओल्‍लेकाना, सिनुः कन गियाय; मुदा उनी मनवा के बेचोट कोसोट होयुःआ जेकर दोवासते मनवा रिई होपोन तेः हेरेल के सापइरिइ कनाय जदि उनी मनवा रआ जनम गी का होय लेन रेदो बुगिन होयुःआ होनांङ।

25तोब ईसु के सासप वनीः जहुदा ता मेताःदेयाय, “ए रबी, चिलि इञ हेकेञ?”

तोब ईसु ता जबाब एमाःदेयाय, “हें, आम गी हेकेम।”

परभु भोज

(मरकुस 14:22–26; लूका 22:14–20; 1 कुरुन्थी 11:23–25)

26जोब उनकु जोजोम केनाकु दो, ईसु ता पिठा साप्पेताय अरो धेनयाबाद केते खेचाःएताय, अरो चेलाकु के एम केते मेताःकुवाय, “ने, जोमपे, नुवां इञ रआ होड़मो हेके।”

27अरो ईसु ता डुभनी साप केते, धेनयाबाद एताय अरो चेलाकु के एम केते मेताःकुवाय, अपे सुबिन नुवां रे एते नुयपे। 28#उठ 24:8; जिरमि 31:31–34चिलिमेनचि नुवां करार रआ इञ रआ उना मयम हेके, जे बेचोटकु कथिर पाप रआ छमा कथिर अतु एकाना। 29इञ अपे के गामवापे कनिञ, चि अंगुर रआ रस#26:29 अंगुर रआ रस आरखी लेका बाय वनाः, दाखरस रआ रास उना हिलोः तक केहयो काइञ नुयां, जोब तक अपे लोः अपन आपु रआ राइज रे नवां काइञ नुयां।

30अरो उनकु भोजोन सिरिञ केते जायतून टोंगरी रे देच्‍चेनाकु।

पतरस रआ मुकराः रआ आगमजानी

(मरकुस 14:27–31; लूका 22:31–34; जोहन 13:36–38)

31 # जक 13:7 अरो ईसु ता उनकु के मेताःकुवाय, अपे सुबिन तिहिञ निदा गी इञ रआ बबेत रे ठोकोरा जोम्‍मापे, चिलिमेनचि परमेसर रआ बचन रे ओल्‍लेकाना चि, इञ चारवाहा के गोजेयिञ अरो गोहड़ा रेन भेड़िकु छितीर-बितीर वोःओकु। 32#मती 28:16मुदा इञ अपन जुवेत बिरीत तयोम अपे एते पहिल गलील पोरदेस सिनुःइञ।

33इना रे पतरस ता ईसु के मेताःदेयाय, सुबिन होर आम रआ बबेत रे ठोकोरा जोम दो जोम्‍माकु, मुदा इञ केहयो गी ठोकोरा काइञ जोम्‍मा।

34ईसु ता पतरस के मेताःदेयाय, “इञ आम के सच गाम वामकानिञ, चि तिहिञ निदा गी सिम सांड़ी राः एते पहिल गी, आम पेय इसा इञ के मुकराव ओःवोम।”

35पतरस ता ईसु के मेताःदेयाय, “जदि आम लोः गोजुः हों होयुःआ, रेहों गी आम के केइध काइञ मुकराव ओःओ,” अरो इनका गी सुबिन चेलाकु हों गाम्‍मेताकु।

गतसमनी रे ईसु रआ पराथना

(मरकुस 14:32–42; लूका 22:39–46)

36अरो ईसु अपन चेलाकु लोः उना ठांव रे हेच्‍चेनाय जे गतसमनी गामुः काना। अरो ईसु अपन चेला के मेताःकुवाय, “इञ ओन्डो पराथना कथिर सिनुःकानिञ तोब तक अपे नेंडे गी दुरुप एकानोःपे।” 37अरो ईसु, पतरस अरो जबदी रेन बनार होपोन हेरेल के संघे इदी वेःकिनाय, अरो ईसु दुखी आर बेयाकुल एनाय। 38तोब ईसु ता अपन चेला के मेताःकुवाय; इञ रआ जीव बेचोट उदासेना नोन्डो तक चि इञ रआ जीव उडुङओः लेका अटकार वोःकाना अपे नोन्डो गी ठहराःपे, अरो इञ लोः जगवार तहीःपे।

39अरो मीःजंग लहा बड़हावेनाय अरो ओते रे उकरुम केते पराथना कराव हेलावेनाय, चि ए इञ रिई आबा, जदि होय सकाः रेदो नुवां डुभनी इञ ठिनुः एते ओचोः जोनका; रेहों जे लेका इञ चहाः कनिञ उनका बङा, मुदा जेलेका आम चहाः कनाम इनका गी होयुःका।

40अरो चेलाकु ठिनुः हेच्‍चेनाय दो उनकु के गितीच गी नमेःकुवाय अरो पतरस के मेताःदेयाय; चिलि अपे इञ लोः मीः घरीक हों कपे जगवारोः दड़िवाता? 41जगवार तहीःपे, अरो पराथना चित तहीःपे चि अपे परीछा रे ओलोपे पोड़ाव वो:का रावा दो तेयार गिया, मुदा होड़मो कोमजोर गिया।

42अरो उनी ता अरो मिसा सेन केते नुवां पराथना एताय चि; “ए इञ रिई आबा, जदि दुख रआ नुवां डुभनी, इञ रआ बे नु एते का टलाः कन रेदो आम रआ हिछा पुराःका।” 43तोब ईसु ता हेच केते उनकु के गितीच गी नमेःकुवाय, चिलिमेनचि उनकु रआ मेत नींद एते पेड़ेच केना।

44अरो उनी उनकु के बागी केते अरो तोराया, अरो इना गानाम गाम केते, अरो मिसा पराथना एताय। 45अरो ईसु अपन चेलाकु ठिनुः तोराया अरो उनकु के कुलिवेःकुवाय, “चिलि अपे निमीः एते हों निफिकिर अराम एते गितीच गियापे? ओनावेपे, समेय हेच चुकावेना, मनवा रिई होपोन तेः हेरेल के पापिकु रआ ती रे सापइरिइ कनाकु। 46बिरितपे, अबुन सिनुःअबु! नेलपे, इञ के सासप इरीवानीः हेनात हेच तेबाः एकानाय!”

ईसु के सासप

(मरकुस 14:43–50; लूका 22:47–53; जोहन 18:3–12)

47ईसु गाम्‍मेकेन गियाय रिगी, जहुदा जे बारहों चेलाकु रे एते मिहोर तहिकेनाय, हेच्‍चेनाय। उनी लोः तलवाइर अरो ठेंगा साप केते मुध जाजककु अरो होरकु रेन जहुदी नेताकु सोझ एते मियाः मरंग भीड़ हों तहिकेनाकु। 48जहूदा ता जे ईसु के सासप इरीवानीः तहिकेनाय, उनकु के चिनहा एमाःकुकेनाय चि जेके इञ चुमायिञ इनिगी ईसु हेकेय, उनी के साप केयपे,

49अरो उनी ईसु ठिनुः तोराया अरो मेताःदेयाय, “ए गुरु! आम के जोहार,” गाम वते जहूदा ता ईसु के चुमाएदेयाय।

50ईसु ता उनी के मेताःदेयाय, “गाति जे कामि कथिर हेच एकानाम, उना करावेम,”

तोब उनकु लहा हेच केते ईसु के साप केते तोलेःदेयाकु। 51अरो नेलपे, ईसु रेन गाति रे एते मिहोर अपन तलवाइर ओर उडुङ केते मुध जाजक रिई बन्धुवा रे छेंव चलाव केते उनी रआ लुतूर माः सीत कताय 52तोब ईसु ता उनी के मेताःदेयाय; अपन तलवाइर ठोंघा रे दोहोयमी। जे तलवाइर चलाव कनाकु उनकु के तलवाइर तिगी गोच कुवाकु। 53चिलि अपे कपे सारीइकाना चि इञ अपन परम आबा के गोहराव दड़िवाइञ अरो उनी एनेन गी सोवारागदूत रेन बारो गो पलटनकु एते हों ढेर इञ ठिनुः कुलकुवाय? 54मुदा इञ नुंका कराविञ रेदो परमेसर रआ बचन रे ओल अनाः नुवां गानाम चिलका ते पुराव वोःओ। सुबिन्‍नाः निंका गी होयुःआनाः हेनाःआं?

55 # लूका 19:47; 21:37 इमिताः गी ईसु ता भीड़ के मेताःकुवाय, “अपे तलवाइर अरो ठेंगा साप केते इञ के सासप कथिर नुंका चिलिमेन हेच एकानापे जे लेका जहय डाकुत के सासप कथिर हिजुः कनाकु? इञ सोबदिन मरंग बिनती ओड़ाः रे दुरुप केते परचार एकेनिञ अरो अपे इञ के कपे सापलेदेञा। 56मुदा नुवां इनाते होयना चि परमेसर सोझ एते नधनी वनकु रआ ओल अनाः पुराव वोःका।”

अरो ईसु रेन सुबिन चेलाकु उनी के बागी केते निर एनाकु।

महासभा रआ लहा ईसु

(मरकुस 14:53–65; लूका 22:54–55,63–71; जोहन 18:13–14,19–24)

57जे ईसु के साप लेदेयाकु, उनकु ईसु के कयफा लुतूम मुध जाजक ठिनुः इदिएदेयाकु। ओन्डो धरम पोथी सिखाविकु अरो पुरखाकु जामा केनाकु। 58अरो पतरस ईसु एते थोड़ संगिञ तयोम सेनवाते मुध जाजक रआ राचा भीतरी तक तोराया अरो चिलकायाकु उना नेनेल कथिर ओन्डो सिपाहिकु लोः दुरुपेनाय। 59मुध जाजक अरो सुबिन महासभा ईसु के गोगोच कथिर उनी रआ खोनोस रे झुठ-मुठ रआ साबुद दंड़ा रे तहिकेनाकु, 60मुदा काकु नाम दड़िवाता। बेचोट एते झुठा गोवाही एएमवान हेच्‍चेनाकु। अखरी रे बार होर साबुद एएमवान हेच केते 61#जोह 2:19गाम्‍मेताकिन, “नोंय गाम लाःआय, इञ परमेसर रआ मरंग बिनती ओड़ाः ता नठाव दड़ी किञ आर पेय हिलोः रे उना अरो बाय दड़िकिञ।”

62अरो मुध जाजक ता तिंगु केते ईसु के कुलिएदेयाय, “नोंकु होर आम रआ खोनोस रे, जे गोवाही एम कनाकु, चिलि नुवां रआ बदले आम चिलिमेन जबाब कम एमुःकाना?” 63मुदा ईसु ता हपे गी तहिएनाय। अरो मुध जाजक ता ईसु के कुलिएदेयाय, “इञ आम के जुवेत परमेसर रआ लुतूम एते हुकूम एमाम कनिञ चि आम परमेसर रिई होपोन तेः हेरेल मसी हेकेम रेदो, आले के गाम वलेम।”

64 # दानि 7:13 ईसु ता उनकु के मेताःकुवाय, “हें, जे लेका आम गाम कनाम। इञ अपे के गामवापे कनिञ चि नेबरीक एते अपे मनवा रिई होपोन तेः हेरेल के सुबिन एते बोलगार परमेसर रआ जोम ती सोझ दुरुप वते, अरो सिरमा रआ लिम्बीर रे हिजुः वते नेलेयापे।”

65 # लेवी 24:16 तोब मुध जाजक ता अपन किचरीः ओड़ेच केते गामवादेयाय, नोंय ता परमेसर के निन्दा वेदेयाय, निमीः दो गोवाहिकु रआ चिलि दरकार हेनाःआं नेलपे, अपे निमीः नुवां निन्दा ओनाव एतापे? 66अपे चिलिकाः सोमझाः कनापे?

उनकु ता जबाब एमाःदेयाकु, “नोंय बलिदान गोच लाइख हेनाया।”

67 # जसा 50:6 तोब उनकु ता ईसु के मेत-मोचा रे बेच वदेयाकु अरो उनी के घुसा मइर एदेयाकु, अरोकु ता चटाः एदेयाकु अरो मेताःदेयाकु। 68“ए मसी, आले एते आगमजानी केते गाम्‍मी चि ओकोय ता आम के रुवेःमाय?”

पतरस ता ईसु एते मुकराव नय

(मरकुस 14:66–72; लूका 22:56–62; जोहन 18:15–18,25–27)

69अरो पतरस राचा रे दुरुप केनाय चि मिहोर धंगरीन कुरी उनी ठिनुः हेच केते मेताःदेयाय, आम हों गलील रे तहीः वनीः ईसु लोः तहिकेनाम। 70पतरस ता सुबिन होर रआ सामने नुवां गाम केते मुकरावेनाय अरो मेताःकुवाय, इञ काइञ सारीइकाना आम चिलिकाः गाम कनाम। 71जोब उनी टांड़ी हाता दुवेर ठिनुः तोराया, दो अरो मिहोर धंगरीन ता उनी के नेल केते गामवादेयाय नोंय होचो नासरत लुतूम चट्टी रिई ईसु लोः तहिकेनाय। 72पतरस ता किरया जोम केते गामवादेयाय अरो मुकराव एनाय चि इञ उनी मनवा के काइञ सरिइ काना। 73मीःजंग तयोम, जे ओन्डो तिंगु केनाकु, उनकु ता पतरस ठिनुः हेच केते मेताःदेयाकु, निचित गी आम हों उनकु रे एते मिहोर हेकेम; चिलिमेनचि आम रआ बोली आम रआ भेद रड़ायकानाय। 74तोब पतरस सरफाः हेलावेनाय अरो किरया जोजोम हेलावेनाय, चि इञ उनी मनवा के काइञ सारीइकाना; इमिताः गी सिम सांड़ी ता राःएताय। 75तोब पतरस के, ईसु ता गाम वदेयकेनाय उना गानाम ओयहर हेच्‍चेना, चि सिम सांड़ी राः एते पहिल आम पेय इस्सा इञ के मुकराव वो:ओम अरो पतरस ता टांड़ी सेन केते खोभराव-खोभराव ते इयाम हेलावेनाय।

Currently Selected:

मती 26: BIY

Highlight

Compare

Copy