मती 16

सोवारगिये चिनहा रआ कोकोय

(मरकुस 8:11–13; लूका 12:54–56)

1 # मती 12:38; लूका 11:16 अरो फरीसिकु अरो सदुकिकु ईसु ठिनुः हेच्‍चेनाकु। उनकु उनी के परीछा कराव चहाः केनाकु, उनकु ता उनी एते सोवाराग रआ जहन चिनहा देखावेम मेताःदेयाकु, 2ईसु ता जबाब एमाःकुवाय, “सिंगी बोंगा डुबाःआय रे, गाम कनापे ‘तिहिञ मौसम बुगिन तहिनोःवो चिलिमेनचि सिरमा रंगा हेनाःआं’ 3अरो सिंगी बोंगा रकाप रे अपे गाम कनापे ‘तिहिञ आंधी हिजुःआ चिलिमेनचि सिरमा धुंधरा अरो रंगा हेनाःआं।’ अपे सिरमा रआ लछन-चिनहा ता सारी कनापे, मुदा समेय रआ लछन कपे सारीकाना। 4#मती 12:39; लूका 11:29नुवां पीढ़ी रेन कठिक होर अरो परमेसर के काकु मनाव होर गी चिनहा दंड़ाय कनाकु, मुदा जोना रआ चिनहा बगी केते उनकु के अरो जहन चिनहा काय एमाकुवाय।” अरो ईसु उनकु के बगी केते तोराया।

फरीसिकु अरो सदुकिकु रआ सिख

(मरकुस 8:14–21)

5ईसु रेन चेलाकु समुदर रआ परोम तोराकुवा, मुदा उनकु पिठा इदी रिड़िञ कताकु। 6#लूका 12:1जोब ईसु उनकु के मेताःकुवाय, “चेम्पोर तहीःपे। फरीसिकु अरो सदुकिकु रआ पिठा मोमो वनाः जिनिस एते बनचाव तहीःपे”,

7दो चेलाकु ता अकु-अकु रे गापाम हेलावेनाकु, “अबुन पिठा काबु अगु लाःआ, इनाते नोंय नुंका गाम कनाय।”

8नुवां सारी केते ईसु ता उनकु के मेताःकुवाय, “अधबिसवासिकु! अपे नुवां चिलिमेन सोंचाः कनापे चि अबुन ठिनुः पिठा बनुःआं, इनाते नोय नुंका गाम कनाय? 9#मती 14:17–21चिलि अपे निमीः तक कपे सोमझाः काना? पांच गो पिठा एते उनकु पांच हजार होर के अरो अपे चिमिन खन्ची पेड़ेच लाःआपे? उना अपे के ओयहर बनुःआं? 10#मती 15:34–38अरो सात गो पिठा उनकु चाइर हजार होर के अरो अपे चिमिन खन्ची पेड़ेच लाःआपे? 11अपे चिलिमेन कपे सोमझाः काना चि इञ पिठा रआ बबेत रे नुवां काइञ गाम लाःआ, मुदा फरीसिकु अरो सदुकिकु रआ पिठा मोमो वनाः जिनिस एते चेम्पोर तहीःपे?”

12तोब चेला सोमझाव एनाकु चि ईसु ता पिठा रआ मोमो वनाः जिनिस एते बङा, बलकी फरीसिकु अरो सदुकिकु रआ सिख एते चेम्पोर तहीः कथिर गाम एकाःआय।

ईसु गी मसी हेकेय

(मरकुस 8:27–30; लूका 9:18–21)

13जोब ईसु कयसरिया फिलिपी इलाका रे हेच्‍चेनाय दो उनी ता अपन चेला के कुलिवेःकुवाय, “होर चिलिकाः मेताञ कनाकु, चि मनवा रिई होपोन तेः हेरेल ओकोय हेकेय?”

14 # मती 14:1,2; मर 6:14,15; लूका 9:7,8 उनकु ता मेताःदेयाकु, “आधा गाम कनाकु चि बतिसमा एएम वनीः जोहन हेकेम, अरो एटाः होर गाम कनाकु चि एलियाह हेकेम अरो आधा गाम कनाकु चि जिरमियाह चाहे परमेसर सोझ एते नधनी वनकु रे एते जहय मिहोर हेकेम।”

15ईसु ता उनकु के मेताःकुवाय, “अरो अपे चिलिकाः मेताञ कनापे चि इञ ओकोय हेकेञ?”

16 # जोह 6:68,69 सिमोन पतरस ता जबाब एमाःदेयाय, “आम मसी हेकेम, अरो जुवेत परमेसर रिई होपोन तेः हेरेल हेकेम।”

17ईसु ता सिमोन पतरस के जबाब एमाःदेयाय, “जोना रिई होपोन तेः हेरेल सिमोन, आम धेनयाःआम चिलिमेनचि आम के नुवां गानाम जहय मनवा ता बङा, बलकी सोवाराग रे असतिर इञ रिई आबा ता दिसतार एकाःआय। 18इञ गाम कनिञ चि आम पतरस हेकेम। अरो नियां चटाइन रे इञ अपन कलीसिया बायिञ। अधोलोक रआ बोल उना रे धाक लगाव काय दड़िवाःआय। 19#मती 18:18; जोह 20:23इञ अपे के सोवाराग राइज रआ कुंजी एमापेकानिञ, ताकि जहन्‍नाः अपे ओते रे तोलियापे, उना सोवाराग रे परभु रआ दोवासते तोलियापे अरो जे अपे ओते रे रड़ायापे, सोवाराग रे परमेसर रआ दोवासते रड़ानोःओ।”

20अरो ईसु ता अपन चेलाकु के कड़ा हुकूम एमाःकुवाय चि उनकु जहय के नुवां ओलोपे उदुःवाकुवा चि उनी मसी हेकेय।

ईसु अपन गोनोच रआ बबेत आगमजानी एताय

(मरकुस 8:31–33; लूका 9:22)

21इमिन एते ईसु अपन चेलाकु के उदुः हेलावेनाय चि ईसु के जरुसलेम सिनुः चही, जहां उनी के धरम पोथी सिखाविकु, पुरखाकु, मुध जाजककु सोझ एते बेचोट दुख उठावियाय, गोजेयाकु अरो पेय हिलोः रे जुवेत बिरीताय।

22तोब पतरस ता ईसु के एटाः रे इदी एदेयाय अरो नुवां गाम केते डपटाव हेलावेनाय, “परभु! परमेसर आम रे दयाय काय। आम लोः केहयो नुंका ओलो होयुःका!”

23अरो ईसु ता पतरस सोझ नेल रुवाड़ केते मेताःदेयाय, “ए सयतान! इञ रआ हेनात एते संगिञ वोःमी; आम इञ रआ होरा कथिर ठोकोरा रआ कारन हेकेम। चिलिमेनचि आम परमेसर रआ गानाम रे बङा, मुदा होरकु रआ गानाम रे मोन लगाव कनाम।”

ईसु रआ तयोम सेसेन रआ ओरोथ

(मरकुस 8:34—9:1; लूका 9:23–27)

24 # मती 10:38; लूका 14:27 अरो ईसु ता अपन चेलाकु के मेताःकुवाय, “अगर जहय इञ रआ तयनोम हिजुः चहाःअय दो, अपन-अपन तिगी इनकार एपे, अरो गोजुः तक अपन दुख रुपी कुरुस उठाव केते इञ तयनोम कोःपे। 25#मती 10:39; लूका 17:33; जोह 12:25चिलिमेनचि जहय अपन जीव बनचाव चहाःआय, उनी उना आततियाय, अरो जहय इञ कथिर अपन जीव आततियाय, उनी उना बनचावियाय। 26जदि जहय अपन जीव गवांव केते पुरा दुनिया ता हों नाम केयाय दो उनी के चिलि फयदा? चाहे मनवा अपन जीव रआ बदला चिलिकाः एम्‍माय? 27#मती 25:31; सिरिञ 62:12; रोमि 2:6मनवा रिई होपोन तेः हेरेल अपन सोवारागदूतकु लोः अपन आपु तेः रआ महिमा रे हिजुःआय, अरो इमिन रे उनी हरेक के उनकु रआ कामि रआ मोताबिक परतिफोल एमाकुवाय। 28इञ अपे के नुवां सच गामवापे कनिञ आधा नुंकन होर हेनाकुवा जे तोब तक काकु गोजुःआ, जोब तक उनकु मनवा रिई होपोन तेः हेरेल के अपन राइज रे हिजुः वते काकु नेल केया।”

Currently Selected:

मती 16: BIY

Highlight

Compare

Copy