Popular Bible Verses from मती 16

Share

अरो ईसु ता अपन चेलाकु के मेताःकुवाय, “अगर जहय इञ रआ तयनोम हिजुः चहाःअय दो, अपन-अपन तिगी इनकार एपे, अरो गोजुः तक अपन दुख रुपी कुरुस उठाव केते इञ तयनोम कोःपे।

इञ गाम कनिञ चि आम पतरस हेकेम। अरो नियां चटाइन रे इञ अपन कलीसिया बायिञ। अधोलोक रआ बोल उना रे धाक लगाव काय दड़िवाःआय।

इञ अपे के सोवाराग राइज रआ कुंजी एमापेकानिञ, ताकि जहन्‍नाः अपे ओते रे तोलियापे, उना सोवाराग रे परभु रआ दोवासते तोलियापे अरो जे अपे ओते रे रड़ायापे, सोवाराग रे परमेसर रआ दोवासते रड़ानोःओ।”

चिलिमेनचि जहय अपन जीव बनचाव चहाःआय, उनी उना आततियाय, अरो जहय इञ कथिर अपन जीव आततियाय, उनी उना बनचावियाय।

जदि जहय अपन जीव गवांव केते पुरा दुनिया ता हों नाम केयाय दो उनी के चिलि फयदा? चाहे मनवा अपन जीव रआ बदला चिलिकाः एम्‍माय?

ईसु ता उनकु के मेताःकुवाय, “अरो अपे चिलिकाः मेताञ कनापे चि इञ ओकोय हेकेञ?” सिमोन पतरस ता जबाब एमाःदेयाय, “आम मसी हेकेम, अरो जुवेत परमेसर रिई होपोन तेः हेरेल हेकेम।”

ईसु ता सिमोन पतरस के जबाब एमाःदेयाय, “जोना रिई होपोन तेः हेरेल सिमोन, आम धेनयाःआम चिलिमेनचि आम के नुवां गानाम जहय मनवा ता बङा, बलकी सोवाराग रे असतिर इञ रिई आबा ता दिसतार एकाःआय।