GEN 17

Hüge Ingüpe Itsaketühügü: Aki Atapügü Uhutohoi

199ha Apagãu isũandühügü atai, KUKANETÜGÜ apakilü inha, nügüha iheke: "Deusuha ugei Aitsüküngo Tinhaheninhü. Uikenikeha engüikeha hekini tuhugu. 2Uakisü atapügü tüilüingo leha uheke ake. Kaküngi leha ehigükuẽgükope hünenümingo uheke", nügü leha iheke Apagãu heke.

3Ülepei leha Apagãu etipondelü, tühinitü akanenügü leha iheke ngongohonga, itsangiha Deusu ingilü anügü ateheha iheke. Deusu kilüha iheke: 4"Uakisü atalüha ake: kukitagü ngaũpügüi tuhuguha einhümingo", nügüha iheke. 5"Igepei leha eititüpe etimokilüingo Apagahãui, Apagãupenginhe leha, kaküngingo naha kukitagü ngaũpügü kuẽgüi tuhugu leha egei eüilüingo uheke. 6Kaküngi leha ehigükuẽgükope tunümingo uheke, akaengope nginheha kitagü tüilüingo tuhuguha uheke, akaengope nginheha anginikope tüilüingo leha uheke anetüi itsokomi. 7Uakisü atapügü ongitelüingo leha uheke, ungüipügüha einha, ehigükuẽgükope inha gehale, eDeususüiha uitsomi ehigükuẽgükope Deususüi gehale tapüngui leha. 8Tatute leha Kanahã ngongogu tunümingo leha uheke einha, ngongoha telo itagüaha eitsoho tunümingo leha uheke einha, ehigükuẽgükope inha gehaleha tapüngui leha; iDeususükoi leha uinhümingo", ta leha iheke Apagahãu heke.

9Deusu kilü gehale Apagahãu heke: "Ongitekeha egea uakisü atapügü ake. Egeha tatute gehale ehigükuẽgükope heke. 10Uakisü atapügüha igei ake ongitegomiha ehekeni, ehigükuẽgüko ake gehale: Tatuteha amago utotoko ehügiko ingüpe itsakenümingoha", Deusu kilüha iheke. 11"Kupügi ingüpe itsakenügü inhümingoha uakisü atapügü uhutohondetohoiha uheke ehekeni gehale. 12Igepei leha tatute kangamuke hügi ingüpe itsakenümingo eheke tilako inkgugetohoiha isigotisü ankgipügüko atai, kinhakugulalü ngingokuko hügi ingüpe itsakenümingo gehale tankginhükopeha eituani, telo itaha tihipütenhükope gehale. 13Tatuteha ihügiko ingüpe itsakenümingo, tankginhükopeha eitua, tihipütenhükope gehale ngingokui itsokomi hügi ingüpe itsakenümingo gehale. Uakisü atapügü uhutohondetohoiha akeni ungüipügü, egeha eihüko kaengo, uakisü atapügü akeni inhümingo leha tapüngui", ta leha iheke Apagahãu heke. 14"Inhalüha titsaketilaha tühügi ingüpe tatinhüpe itu inhümingoi ehujani, uakisü atapügüpe ake ikenitela naha egei inhügü leha", Deusu kilü leha Apagahãu heke.

15Ülepeneha Deusu kilü Apagahãu heke: "Igepeiha inhalü leha ehitsü itanümingoi eheke Sagahi, Sagai#17.15 'Anetü indisü' nügü hunguha egei Sagai Isigaeu itagü itaginhui. leha hüle itanümingo eheke", nügü leha iheke. 16"Hekite leha Saga tüilüingo uheke, emugu tüilüingo leha uheke itsehualüpe nginheha. Hekite hekugu leha hüle Saga tüilüingo uheke, ihigükuẽgükope inhümingo leha kukitagüi tuhugu; ihigükuẽgüko hujalüpenginhe leha anetüko inhümingo tuhugu", Deusu kita leha iheke.

17Apagahãu etipondelü leha, ngongohonga leha tühinitü akanenügü iheke itsangiha Deusu ingilü hakitomi iheke, ihosigu muke leha egeaha ingukgingitote iheke: "Angi niküle 100 tüisũandinhüpe etijilüingo? Ta leha iheke. "Angi niküle Saga 90i tüisũandinhüpe mukugu inhümingo?" Ta muke gehale iheke. 18Ülepeiha Apagahãu kilüha Deusu heke: "Laha Isimaeu itsai egea uinha enguletegatühügü otoi tuhugu!", nügü leha iheke.

19Deusu kilü leha hüle. "Inhalüha ege agage inhümingoi, ehitsüha Saga hekeha hüle egei emutelüingo heke ukitagü. Itanümingo leha eheke Isaki#17.19 "Ihosigu" nügü hunguha egei Isaki Isigaeu itagü itaginhui.", nügü leha iheke. "Isaki akeha uakisü atapügü igelüingo geleha uheke ihigükuẽgükope inha gehaleha tapüngui. 20Ekipügüpe tüilüingoha uheke Isimaeu kae. Hekiteha tüilüingo uheke. Ijimo itsomi leha kaküngi tüilüingo uheke kaküngi gehale ihigükuẽgükope itsomi. 12ha anetü limo apaiha inhümingo, ihigükuẽgükope itagü itsomiha tsekegüi tüilüingoha uheke", ta leha iheke. 21"Isaki ake geleha hüle uakisü atapügü tüilüingo uheke tipaki, Saga hekeha eijilüingo ege isũa ige hunda", Deusu kilü leha hüle Apagahãu heke. 22Deusu itaginhukitühügünginhe leha Apagahãu ake, Deusu itükaĩjü leha, inhondilü leha iheke.

23Üle igoti geleha Apagahãu heke leha Deusu kigatühügü tüilü. Tumugu Isimaeu hügi ingüpe itsakenügü leha iheke, tatute leha utotoko situalükope, kinhakugulalü ngingokukope kugiti gehale tankginhükope situa, tihipütenhükope muke gehale telote. 2499iha Apagahãu isũandühügü atai ihügi ingüpe itsakenügü, 2513ha imugu Isimaeu isũandühügü atai ihügi ingüpe itsakenügü; 26Aetsingo igotiha egea ihügiko ingüpe itsakenügü. 27Apagahãu itualüko hügi ingüpe itsakenügü tuhugu leha tatute, kinhakugulalü ngingokuko tankginhükope muke gehale situa, tihipütenhükope muke gehale telo itagü.

Currently Selected:

GEN 17: KUI-BIBLE

Highlight

Copy

Compare