GEN 16
16
Isimaeu Ankgipügü
1Sagahi itsagüha Apagãu hitsüi, inhalüha tünho mutelüi uãke iheke. Aetsiha nhingokugui ngingoku itsagü Ejitu itagü igatohoha Haga. 2Sagahi kilüha Apagãu heke: "Inhalü naha leha KUKANETÜGÜ heke utijilü unümi, ungingokuguha ingambake, ẽ atai ngapoha tulemila imukugu inhümingo isiha uitsomi", nügü leha iheke. Apagãu gipehilü leha hüle Sagahi akisü heke. 3Sagahi heke leha tüngingokugupe tunügü Apagãu hitsüi leha itsomi ijatongoi. Timüho leha egitundepügü isũandühügü atai Kanahã ngongoguho egea inhügü. 4Apagãu heke leha Haga ingambalü, inhohanügü leha.
Haga heke leha tütehualü uhunügütse ingugi tüanetügü Sagahi igelü leha iheke tüĩgohoi. 5Ülepeiha Sagahi kilüha Apagãu heke: "Egeha eulegüi igei ugitamitagü. Ungingokugu tunügüha uheke einha, inhohandote leha tüĩgohoi uigelü inenügü iheke. Lapa KUKANETÜGÜ heke ngikonaingo ngapoha hesinhüi tinhübokongo ingitai ẽ ngapa ege ẽ ngapa uge", nügü leha iheke tünho heke.
6Ülepeiha Apagãu heke itüjü: "Engingokugu benaha ekisei. Ege tsapa akiti tüike üngele", nügü leha iheke. Ülepei leha Sagahi heke tüihesu inenügü aitsükü ihilü muke leha.
7KUKANETÜGÜ Ngingokugu Kahüalü hekeha Haga hogijü tuã elipoitoho gepo, ngongo kugepingo hüngüte#16.7 Ngongo kugepingo hüngü, katohola unkguha i tita gehale, anginita ekugu hüle nhetune tsügütse inhügü., Suhi imagüte, 8Ülepeiha ijeginügü iheke: "Haga, Sagahi ngingokugu, undongopenginhe nile igei etsagü, una nile igei etetagü?", nügüha iheke Sagahi heke.
Ülepeiha itüjü iheke: "Uihitagü igei Sagahi hinhe uihope hinhe", nügü leha iheke.
9Ülepeiha KUKANETÜGÜ Ngingokugu Kahüalü kilüha: "Ogopitseha eiho kaengaha ikeninakeha üngele einhakongondote iheke". 10Ülepeiha KUKANETÜGÜ Ngingokugu Kahüalü kilü geleha: "Kaküngi leha ehigükuẽgüpe hünenümingo uheke, inhalütsema isakünginduko igükilüingotsei angini heke", nügü leha iheke.
11KUKANETÜGÜ Ngingokugu Kahüalü kitagü geleha aitsükü iheke:
"Tütehuandiha anügü, emukugu inhümingoha igei,
ititü inhümingoha Isimaeui#16.11 "Deusu heke itsalü" nügü hunguha egei Isimaeui Isigaeu itagü itaginhui.
KUKANETÜGÜ heke naha egei atapügü atehe
ijatsitsüiha einhügü hata", nügü leha iheke.
12"Jumento gehujalü agageha inhümingo kutagela;
tatute leha kugeko imütongoi inhümingo,
tatute leha kugeko heke imütonkgijüingo,
haki leha egitundelüingo
episunkgitsohoko heke tuhugu", KUKANETÜGÜ Ngingokugu Kahüalü kita leha Haga heke.
13Ülepei leha Haga heke KUKANETÜGÜ ititü tüilü igia: "Deusuha egei uingini", la leha tüilü iheke. "Uingini nikaha ekisei ungingilüi?" tühügü ateheha iheke. 14Üle ateheha tuã ngagü kipügüte, tatinhü Kajisi londa Begeji ake igatohoi Begehi-Lagai-Hoi#16.14 Ekiseha tingugingo, uingilü hokongo gehale nagü tükinhüpe nügü hunguha egei Begehi-Lagai-Hoi Isigaeu itagü itaginhui. atühügü.
15Haga mukugu ankgigoteha, Apagãu heke leha ititü tüilü Isimaeui. 1686ha Apagãu isũandühügü atai imugu Isimaeu ankgilü.
Currently Selected:
GEN 16: KUI-BIBLE
Highlight
Copy
Compare
Share
Want to have your highlights saved across all your devices? Sign up or sign in
© Associação Linguistica Evangélica Missionária
