Popular Bible Verses from GEN 17

Share

99ha Apagãu isũandühügü atai, KUKANETÜGÜ apakilü inha, nügüha iheke: "Deusuha ugei Aitsüküngo Tinhaheninhü. Uikenikeha engüikeha hekini tuhugu.

"Igepei leha eititüpe etimokilüingo Apagahãui, Apagãupenginhe leha, kaküngingo naha kukitagü ngaũpügü kuẽgüi tuhugu leha egei eüilüingo uheke.

Uakisü atapügü ongitelüingo leha uheke, ungüipügüha einha, ehigükuẽgükope inha gehale, eDeususüiha uitsomi ehigükuẽgükope Deususüi gehale tapüngui leha.

"Uakisü atalüha ake: kukitagü ngaũpügüi tuhuguha einhümingo", nügüha iheke.

Deusu kilü leha hüle. "Inhalüha ege agage inhümingoi, ehitsüha Saga hekeha hüle egei emutelüingo heke ukitagü. Itanümingo leha eheke Isaki", nügü leha iheke. "Isaki akeha uakisü atapügü igelüingo geleha uheke ihigükuẽgükope inha gehaleha tapüngui.

Tatute leha Kanahã ngongogu tunümingo leha uheke einha, ngongoha telo itagüaha eitsoho tunümingo leha uheke einha, ehigükuẽgükope inha gehaleha tapüngui leha; iDeususükoi leha uinhümingo", ta leha iheke Apagahãu heke.

Apagahãu etipondelü leha, ngongohonga leha tühinitü akanenügü iheke itsangiha Deusu ingilü hakitomi iheke, ihosigu muke leha egeaha ingukgingitote iheke: "Angi niküle 100 tüisũandinhüpe etijilüingo? Ta leha iheke. "Angi niküle Saga 90i tüisũandinhüpe mukugu inhümingo?" Ta muke gehale iheke.

Ülepeneha Deusu kilü Apagahãu heke: "Igepeiha inhalü leha ehitsü itanümingoi eheke Sagahi, Sagai leha hüle itanümingo eheke", nügü leha iheke.

"Kupügi ingüpe itsakenügü inhümingoha uakisü atapügü uhutohondetohoiha uheke ehekeni gehale.

"Isaki ake geleha hüle uakisü atapügü tüilüingo uheke tipaki, Saga hekeha eijilüingo ege isũa ige hunda", Deusu kilü leha hüle Apagahãu heke.

Igepei leha tatute kangamuke hügi ingüpe itsakenümingo eheke tilako inkgugetohoiha isigotisü ankgipügüko atai, kinhakugulalü ngingokuko hügi ingüpe itsakenümingo gehale tankginhükopeha eituani, telo itaha tihipütenhükope gehale. Tatuteha ihügiko ingüpe itsakenümingo, tankginhükopeha eitua, tihipütenhükope gehale ngingokui itsokomi hügi ingüpe itsakenümingo gehale. Uakisü atapügü uhutohondetohoiha akeni ungüipügü, egeha eihüko kaengo, uakisü atapügü akeni inhümingo leha tapüngui", ta leha iheke Apagahãu heke.