GEN 11
11
Ngüne Gipotahitsekinhü Tsekegü Babeute
1Egetaha uãke, kugeko itaginhukilü aetsingoi gele titaginhukoi, tatute geleha titaginhuko talükilü ihekeni.
2Anginiko kugeko ihujalüko telü leha giti ihatigoho inhongopenginhe, Sina ngongoguteha timüholinhü hogijü ihekeni, tita leha egitundelüko.
3Nügüha ihekeni tepeheni: "Eginheha kengüitüngi tijoloi ülepe hotegomi kotsi itsomi", nügü leha ihekeni. Tehuki leha ngüne hanügüpe opokinenügü ihekeni nhetune kugiti gehale cimento tüilüpe, tijolo leha hüle nhüilükoi, ama akondohoha asfalto nhüilükoi tijolo ikondohoiha ihekeni. 4Ülepeiha nügü ihekeni: "Eteha kengüitüngi, aetsiha ngüne kapohongo tẽgipohitsekinhüpi tetimbeha kahü heke. Egea leha tuhuti kunhünkgoingo. Aetsingoi gele atsange kutsüngi kagakutegüinginiha tatute ngongo ahi", nügü leha ihekeni tepeheni. Ülepea leha tüilü ihekeni.
5Ülepei leha KUKANETÜGÜ üntelü itukona, kapohongo ngüne tẽgipotahitsekinhü kugeko nkganügü ingilü inha. 6Ülepeiha KUKANETÜGÜ kilü: "Aetsingo geleha akagoi isitagüko, tatute geleha itaginhundako aetsingoi titaginhukoi. Üle ateheha ege agage tingunkgingumbesukoi kapohongo ngüne tsekegü tẽgipotahitsekinhü tüitagü ihekeni. Hotugu geleha egei egeaha nhüitakoi, ülepene leha aitsükü tatuteha ngiko tüilüti itsohoko tüilüingo ihekeni", Deusu kita leha. 7Deusu ogopijü leha kahü ati, nügüha iheke: "Kekeba, küntegüngiha isakisükope hetselü inha, kunhimokitüngiha aetsini itaginhukope, egea leha tüakisüko tatela inhünkgoingo", nügü leha iheke.
8Egea leha KUKANETÜGÜ heke tüipügüko atehe agakutelüko leha tatute ngongo ahi, akinünkgo leha tüituko tüilü heke. 9Ete ititü inhügü leha Babeui#11.9 "Ihetselü" nügü hunguha egei Babeui Isigaeu itagü itaginhui. KUKANETÜGÜ hekeha tatute ngongoho itaginhukope hetsepügü atehe, titalüpenginhe leha akutelüko iheke tatute ngongo ahi.
Sẽi Higü Kuẽgükopeha
10Sẽi higü kuẽgükope ititü ahehipügüha igei:
Takeko leha kahujü kuẽgüpe isũandühügünginhe, 100i leha Sẽi isũandühügü atai, imugu Ahapasaji ankgilü. 11Ahapasaji ankgipügü nginheha, Sẽi inhünu aitsükü 500i sisũanügü, aitsükü geleha ijimo inhügü.
1235iha Ahapasaji isũandühügü atai imugu Sela ankgilü. 13Ülepe nginheha Ahapasaji inhünu aitsükü 403i sisũanügü, aitsükü geleha ijimo inhügü.
1430iha Sela isũandühügü atai imugu Hebe ankgilü. 15Ülepe nginheha Sela inhünu aitsükü 403i sisũanügü, aitsükü geleha ijimo inhügü.
1634iha Hebe isũandühügü atai imugu Pelegi ankgilü. 17Ülepe nginheha Hebe inhünu aitsükü 430i sisũanügü, aitsükü geleha ijimo inhügü.
1830iha Pelegi isũandühügü atai imugu Hegu ankgilü. 19Ülepe nginheha Pelegi inhünu aitsükü 209i sisũanügü, aitsükü geleha ijimo inhügü.
2032iha Hegu isũandühügü atai imugu Segunkge ankgilü. 21Ülepe nginheha Hegu inhünu aitsükü 207i sisũanügü, aitsükü geleha ijimo inhügü.
2230iha Segunkge isũandühügü atai imugu Nao ankgilü. 23Ülepe nginheha Segunkge inhünu aitsükü 200i sisũanügü, aitsükü geleha ijimo inhügü.
2429iha Nao isũandühügü atai imugu Tega ankgilü. 25Ülepe nginheha Nao inhünu aitsükü 119i sisũanügü, aitsükü geleha ijimo inhügü.
2670iha Tega isũandühügü epugopetote tilako leha ijimo inhügü: Hotuguiha Apagãuha, ülepe nginheha Nao upügükoiha Hagã.
27Tahehisinhüpeha igei Tega limope kae:
Tilakoha uãke Tega limo inhügü, hotuguiha Apagãu, ülepe nginheha Nao upügükoiha Hagã. Hagã mugu inhügü leha, igatohoha Lo. 28Tega atai geleha tingugi imugu Hagã apüngu Babilonha ngongogute, ankgipügüpege Uhite. 29Apagãu itandu leha Sagahi ake Nao itandu hüle Miuka ake. Hagã indisüpeha akagoi Miukai Isika ake. 30Inhalüha uãke Sagahi limoi, tünohandimbüngüpeha ekisei.
31Tega telü leha ete Uhi tongopenginhe Babilonha ngongogu tongopenginhe, etetomi Kanahã ngongoguna. Tumugu Apagãu igelü leha iheke tike, ihigüha Lo, Hagã mugupeha, ihigüsiha Sagahi, Apagãu hitsüha. Etimbelüko leha Hagã ngongoguna tita leha ituko inhügü.
32Tega apüngu leha Hagã ngongogute, 205i leha sisũandühügü atai.
Currently Selected:
GEN 11: KUI-BIBLE
Highlight
Copy
Compare
Share
Want to have your highlights saved across all your devices? Sign up or sign in
© Associação Linguistica Evangélica Missionária
