Popular Bible Verses from GEN 11

Share

Ülepeiha KUKANETÜGÜ kilü: "Aetsingo geleha akagoi isitagüko, tatute geleha itaginhundako aetsingoi titaginhukoi. Üle ateheha ege agage tingunkgingumbesukoi kapohongo ngüne tsekegü tẽgipotahitsekinhü tüitagü ihekeni. Hotugu geleha egei egeaha nhüitakoi, ülepene leha aitsükü tatuteha ngiko tüilüti itsohoko tüilüingo ihekeni", Deusu kita leha. Deusu ogopijü leha kahü ati, nügüha iheke: "Kekeba, küntegüngiha isakisükope hetselü inha, kunhimokitüngiha aetsini itaginhukope, egea leha tüakisüko tatela inhünkgoingo", nügü leha iheke.

Ülepeiha nügü ihekeni: "Eteha kengüitüngi, aetsiha ngüne kapohongo tẽgipohitsekinhüpi tetimbeha kahü heke. Egea leha tuhuti kunhünkgoingo. Aetsingoi gele atsange kutsüngi kagakutegüinginiha tatute ngongo ahi", nügü leha ihekeni tepeheni. Ülepea leha tüilü ihekeni.

Ete ititü inhügü leha Babeui KUKANETÜGÜ hekeha tatute ngongoho itaginhukope hetsepügü atehe, titalüpenginhe leha akutelüko iheke tatute ngongo ahi.

Egetaha uãke, kugeko itaginhukilü aetsingoi gele titaginhukoi, tatute geleha titaginhuko talükilü ihekeni.

Ülepei leha KUKANETÜGÜ üntelü itukona, kapohongo ngüne tẽgipotahitsekinhü kugeko nkganügü ingilü inha.

Egea leha KUKANETÜGÜ heke tüipügüko atehe agakutelüko leha tatute ngongo ahi, akinünkgo leha tüituko tüilü heke.