Obufwimbuli 6
6
Ebibalikho
1Mana nihenga olwa Likondi liafunaka shilala khubibalikho ebio musaafu, nimbulila shilala khubilimwoyo ebio bine nishiboola nomwoyo okwingana omukukumo, shiri Yitsa! 2Ndahenga, nindola ifarasi indafu njieyo; noyo owali niyeekhaalekhwo yali nobuyingo. Yaheebwa olusimbi, narula nahulanga, mbu ahulile elala.
3Ne olwa yafunaka eshibalikho shiakhabili, ndahulila eshilimwoyo shiakhabili nishiboola shiri Yitsa! 4Eyindi niyirula, ifarasi inzakhanyu; noyo owali niyeekhaalekhwo yafuchiililwa okhuyinia omulembe mushialo, mbu abandu beeranenje; naye yaheebwa olukanga olukali.
5Ne olwa yafunaka eshibalikho shiakhataru, ndahulila eshilimwoyo shiakhataru nishiboola shiri Yitsa! Ndahenga, nindola if arasi imali njieyo; noyo owali niyeekhaalekhwo yali neshichelelo mumukhonokwe. 6Nimbulila omwoyo okufwana shinga okurula hakari webilimwoyo ebio bine, nikuboola mbu Itinari khulwa eshibabal shiobusie bweingano; itinari khulwa ebibaba bitaru bieishayiri. Ne oroonoonia amafura neidivai ta.
7Ne olwa yafunaka eshibalikho shiakhane ndahulila omwoyo kweshilimwoyo shiakhane nikuboola kuri Yitsa! 8Ndahenga, nindola if arasi eyali niyifumiire omubili shinga indwale njieyo; noyo owali niyeekhaalekhwo yakulikhwa mbu Oluumbe; Makombe naye namulonda inyuma. Nabo nibaheebwa obunyali khushitonye shiakhane shieshialo, okhwira nolukanga, neinzala, noluumbe, nende tsisolo tsinabulimo etsiomushialo.
9Ne olwa yafunaka eshibalikho shiakharaano ndalola mulwalo weshimalilo shiemisango emioya chia abo abali nibeerwa khulwa likhuwa liaNyasaye khandi khulwa obuloli obwa barumbulanga. 10Nibalanjisia nomwoyo omukhongo bari E Nabongo, iwe omutakatifu khandi owatoto, okhuula liina kho olakhalache eshiina nomala eshikwoli shiamatsayi keefwe khubamenya mushialo? 11Nibaheebwa buli mulala ingubo irambi indafu; nibaboolelwa mbu bakhole nibashihuluukhakhwo, okhuula olwa abasumba abashiabwe bosi nende abaana babwe, abakhabe nibali okhwirwa shinga bo, bakhabe nibahelile.
12Khandi ndalola olwa yafunaka eshibalikho shiakhasasaba; mana eshialo shiarenga obutinyu; eliuba nalio nilimaliha ti, shinga ingubo yeikanichi, omwesi nikukwa shinga amabanga; 13tsinyininyini etsiomwikulu nitsiakukha khushialo, shinga omukhuyu olwa kubungulusia amakhuyu; kakwo nikashili amachiishi, olwa omuyeka omukhongo kuba nikukureesia. 14Likulu nalio liarusibwaho, shinga likanya liamahandiiko nilikanywa; buli shikulu nende buli shikhalachinga shiosi nibirusibwa habundu wabio. 15Nabo abaruchi beshialo, nabakhulundu, nabaseesia abakhongo, nabayinda, nabetsingufu, kata nende buli mundu yesi, nali omusumba kata nali omundu omwibule, nibeebisa mumbinga nende munyanda etsiomubikulu; 16nibasunjila ebikulu netsinyanda bari Khukwile, mukhubise khurule mumoni tsia oyo owikhaale khushifumbi shioburuchi, nomuburima bweLikondi. 17Okhuba induukho ikhongo yoburima bwabwe yulile; ne niwina owakhanyala okhusimbiila?
Currently Selected:
Obufwimbuli 6: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
