Obufwimbuli 7
7
Abo 144,000 baIsiraeli bareebwakhwo ebibalikho
1Olunyuma lwa ako ndalola abamalaika bane nibasinjiile khukoona tsine tsiosi tsieshialo, nibatiilile emiyeka chine chiosi chieshialo, mbu omuyeka kwosi kwosi kuleshe okhuhuutsa khushialo, kata khunyanza, kata khumusaala kwosi. 2Mana nindola malaika undi nakulukba okhurula ebukwe, nali nende eshibalikho shiaNyasaye oubeetsangaho mwoyo; naye nalanga abamalaika abo bane abali nibafuchiiliilwe okhwonoonia eshialo neinyanza, nende omwoyo omukhongo, 3ari Muroonooniakhwo eshialo, kata inyanza, kata emisaala ta, okhuula olwa khuba nikhureele ebibalikho khubweni bwabasumba baNyasaye weefwe. 4Khandi ndahulila obunji bwabo abareebwakhwo ebibalikho, mbu ebikhumila eshikhumi amakhumi kane nabine, abarula mubuli luyia lwabaana baIsiraeli nibareebwakhwo eshibalikho. 5Abokhuluyia lwaYuda, abandu ebikhumila ekhumi nabibili bareebwakhwo eshibalikho; abokhuluyia lwaReubeni, ebikhumila ekhumi nabibili; abokhuluyia lwaGadi, ebikhumila ekhumi nabibili; 6abokhuluyia lwaAsheri, ebikhumila ekhumi nabibili; abokhuluyia lwaNafutali, ebikhumila ekhumi nabibili; abokhuluyia lwaManase, ebikhumila ekhumi nabibili; 7abokhuluyia lwaSimeoni, ebikhumila ekhumi nabibili; abokhuluyia lwaLawi, ebikhumila ekhumi nabibili; abokhuluyia lwaIsakhari, ebikhumila ekhumi nabibili; 8abokhuluyia lwaZabuloni, ebikhumila ekhumi nabibili; abokhuluyia lwaYusufu, ebikhumila ekhumi nabibili; nabokhuluyia lwaBenyamini, abandu ebikhumila ekhumi nabibili bareebwakhwo eshibalikho.
Omukanda omukhongo okwarula mubuli lihanga
9Olunyutna lwa ako ndahenga, nindola omukanda omukhongo ngwokwo, okwa omundu yesi aranyala okhubala ta, abarula mubuli lihanga, abetsimbia tsiosi, nabandu bosi, netsinimi tsiosi, nibasinjiile imbeli weshifumbi shioburuchi khandi imbeli weLikondi, nibeefwalile tsingubo tsirambi tsindafu, nibali namashindu mumakhono kabwe; 10nibalanjisia nomwoyo omukhongo, bari
Obuhonia nobwaNyasaye weefwe, owikhaale khushifumbi shioburuchi, nende obweLikondi!
11Nabo abamalaika bosi bali nibasinjiile nibabotokhana eshifumbi shioburuchi nende abakofu nende ebilimwoyo ebio bine, nibeekhupa mafumama imbeli weshifumbi shioburuchi, nibamwinamila Nyasaye, 12nibaboola bari
Amina! Obwitsoomii, noluyali, nobuchesi, nokhwishieela, neifuma, nobunyali, netsingufu, nebiaNyasaye weefwe ebisoni nebisoni. Amina.
13Mana mulala khubakofu abo niyareeba ari Bano abeefwalile tsingubo tsirambi tsindafu etsio, nibanga wina? Khandi barula heena? 14Nasi nimukalusia ndi Omwami wanje, niwe oumanyile. Naye niyamboolela ari Bano nibo abarula mumasila amakali; ne bayoosiye tsingubo tsiabwe nibatsilabia mumabanga keLikondi. 15Ne niko akachila nibasinjiile imbeli weshifumbi shioburuchi shiaNyasayene bamukhalabanilanga eshilo neshiteere muhekaluye; noyo owikhaale khushifumbi tsana alabashinga neshiinikhashie 16Inzala shiyilabaluma kata obuloho okhubalia khandi ta; kata omubasu shikulabalia, kata oluuya tawe; 17okhuba Likondi elili hakari weshifumbi shiobwami alabeetsanga Omwayi wabwe, naye alabeemilila okhuula khutsisebele tsiamatsi kobulamu; ne Nyasaye alabeeya amasika kosi mumoni tsiabwe.
Currently Selected:
Obufwimbuli 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
