Obufwimbuli 5
5
Eshirabu eshikanye, neLikondi
1Mana ndalola, mumukhono musaatsa kwa oyo owali niyeekhaale khushifumbi shioburuchi, eshitabu eshikanye eshiahandiikwa tsimbeka tsiombi, nishiboheelwe butinyu ebibalikho musaafu. 2Khandi ndalola malaika undi owamaani narumbukha nomwoyo omukhongo, ari Niwina oukwanile okhukanyulula eshitabu nokhufunaka ebibalikho biashio? 3Ne yabulayo mwikulu, kata mushialo, kata musi weshialo, owali nanyala okhukanyulula eshitabu, kata okhushihengakhwo. 4Nasi ndalila muno, shichila shiyanyoolekha omundu yesi oukwanile okhukanyulula eshitabu, kata okhuhengamwo ta. 5Mana oundi owokhubakofu abo niyamboolela ari Oralila tawe; lola, Italanyi eyo eyili yoluyia lwaYuda, Eshisina shiaDaudi, wamala okhuhula, ne ye anyala okhukanyulula eshitabu nokhufunaka ebibalikho biashio.
6Mana hakari weshifumbi shiene nende ebilimwoyo ebio bine, hakari wabakofu abo, ndalola Likondi lieshimwamwane nilisinjiileho, shinga eliali niliirilwe; liali nende tsinzika musaafu netsimoni musaafu, nibo Abaroho musaafu baNyasaye abarumwa mushialo shiosi. 7Mana Likondi oyo niyeetsa, nashibukula mumukhono musaatsa kwa oyo owali niyeekhaale khushifumbi shioburuchi. 8Ne olwa yali nabukuule eshitabu, ebilimwoyo ebio bine nende abakofu amakhumi kabili nabane bakwa mumakulu keLikondi tsana. Buli mukofu yali nelitungu; khandi bali nebikaye bieitsahaabu ebialimwo amalesi kelibuuliesi, niko amasaayo kabatakatifu. 9Nibeemba olwimbo oluyia, bari
Niwe oukwanile okhubukula eshitabu, nokhufunaka ebibalikho biashio; shichila weerwa, khandi khulwa amabangako wamukulila Nyasaye abomubuli luyia, nabuli lulimi, nabuli bandu, nabuli lihanga, 10nobakhola babe obwami, okhuba abakuhani baNyasaye weefwe; khandi balaruka khushialo.
11Mana nihenga, nimbulila emioyo chiabamalaika abanji ababotokhana eshifumbi tsana, nende ebilimwoyo ebio nende abakofu; obunji bwabwe bali ebikhumila nebikhumila, ebirabalikha ta; 12nibalanjisia bosi, nomwoyo omukhongo, bari
Likondi elieerwa nilio elikwanile okhuheebungwa obunyali, nobuyinda, nobuchesi, netsingufu, neifuma, noluyali, nende obwitsoomii!
13Mana ndahulila buli shilonje shiosi eshili mwikulu, nende mushialo, nende musi weshialo, nende munyanza, halala nende biosi ebilimwo, nibiboola biri
Obwitsomii, neifuma, noluyali, nobunyali, nebia oyo owikhaale khushifumbi, khandi ebieLikondi, ebisoni nebisoni.
14Mana ebilimwoyo ebio bine nibiboola biri Amina. Abakofu nabo nibeekhupa hasi nibamwinamila.
Currently Selected:
Obufwimbuli 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
