Popular Bible Verses from Obufwimbuli 6

Share

Ndahenga, nindola if arasi eyali niyifumiire omubili shinga indwale njieyo; noyo owali niyeekhaalekhwo yakulikhwa mbu Oluumbe; Makombe naye namulonda inyuma. Nabo nibaheebwa obunyali khushitonye shiakhane shieshialo, okhwira nolukanga, neinzala, noluumbe, nende tsisolo tsinabulimo etsiomushialo.

Ndahenga, nindola ifarasi indafu njieyo; noyo owali niyeekhaalekhwo yali nobuyingo. Yaheebwa olusimbi, narula nahulanga, mbu ahulile elala.

Ne olwa yafunaka eshibalikho shiakharaano ndalola mulwalo weshimalilo shiemisango emioya chia abo abali nibeerwa khulwa likhuwa liaNyasaye khandi khulwa obuloli obwa barumbulanga.

Nibalanjisia nomwoyo omukhongo bari E Nabongo, iwe omutakatifu khandi owatoto, okhuula liina kho olakhalache eshiina nomala eshikwoli shiamatsayi keefwe khubamenya mushialo? Nibaheebwa buli mulala ingubo irambi indafu; nibaboolelwa mbu bakhole nibashihuluukhakhwo, okhuula olwa abasumba abashiabwe bosi nende abaana babwe, abakhabe nibali okhwirwa shinga bo, bakhabe nibahelile.

Eyindi niyirula, ifarasi inzakhanyu; noyo owali niyeekhaalekhwo yafuchiililwa okhuyinia omulembe mushialo, mbu abandu beeranenje; naye yaheebwa olukanga olukali.

Okhuba induukho ikhongo yoburima bwabwe yulile; ne niwina owakhanyala okhusimbiila?

Khandi ndalola olwa yafunaka eshibalikho shiakhasasaba; mana eshialo shiarenga obutinyu; eliuba nalio nilimaliha ti, shinga ingubo yeikanichi, omwesi nikukwa shinga amabanga; tsinyininyini etsiomwikulu nitsiakukha khushialo, shinga omukhuyu olwa kubungulusia amakhuyu; kakwo nikashili amachiishi, olwa omuyeka omukhongo kuba nikukureesia.

Ne olwa yafunaka eshibalikho shiakhataru, ndahulila eshilimwoyo shiakhataru nishiboola shiri Yitsa! Ndahenga, nindola if arasi imali njieyo; noyo owali niyeekhaalekhwo yali neshichelelo mumukhonokwe. Nimbulila omwoyo okufwana shinga okurula hakari webilimwoyo ebio bine, nikuboola mbu Itinari khulwa eshibabal shiobusie bweingano; itinari khulwa ebibaba bitaru bieishayiri. Ne oroonoonia amafura neidivai ta.

Likulu nalio liarusibwaho, shinga likanya liamahandiiko nilikanywa; buli shikulu nende buli shikhalachinga shiosi nibirusibwa habundu wabio. Nabo abaruchi beshialo, nabakhulundu, nabaseesia abakhongo, nabayinda, nabetsingufu, kata nende buli mundu yesi, nali omusumba kata nali omundu omwibule, nibeebisa mumbinga nende munyanda etsiomubikulu