Popular Bible Verses from Obufwimbuli 5

Share

Nibeemba olwimbo oluyia, bari Niwe oukwanile okhubukula eshitabu, nokhufunaka ebibalikho biashio; shichila weerwa, khandi khulwa amabangako wamukulila Nyasaye abomubuli luyia, nabuli lulimi, nabuli bandu, nabuli lihanga

nibalanjisia bosi, nomwoyo omukhongo, bari Likondi elieerwa nilio elikwanile okhuheebungwa obunyali, nobuyinda, nobuchesi, netsingufu, neifuma, noluyali, nende obwitsoomii!

nobakhola babe obwami, okhuba abakuhani baNyasaye weefwe; khandi balaruka khushialo.

Mana ndahulila buli shilonje shiosi eshili mwikulu, nende mushialo, nende musi weshialo, nende munyanza, halala nende biosi ebilimwo, nibiboola biri Obwitsomii, neifuma, noluyali, nobunyali, nebia oyo owikhaale khushifumbi, khandi ebieLikondi, ebisoni nebisoni.

Mana oundi owokhubakofu abo niyamboolela ari Oralila tawe; lola, Italanyi eyo eyili yoluyia lwaYuda, Eshisina shiaDaudi, wamala okhuhula, ne ye anyala okhukanyulula eshitabu nokhufunaka ebibalikho biashio.