Obufwimbuli 19
19
1Olunyuma lwamakhuwa ako ndahulila amayoosi amakhongo akeengana akomukanda omukhongo mwikulu, nikasunga mbu
Haleluya! Obuhonia noluyali nobunyali nebia Nyasaye weefwe. 2Okhuba obukhalachibwo nobwatoto khandi nobulunji; shichila wamukhalachiile eshiina omutamba omukhongo oyo, owalinji niyoonoonia eshialo nobuheyibwe; khandi wamalile eshikwoli shiamatsayi kabasumbabe khuye.
3Nibaboola olwakhabili, bari
Haleluya! Omwosi kwano kulatuumuukhanga ebisoni nebisoni!
4Mana abakofu abo amakhumi kabili nabane, nebili mwoyo ebio bine, nibiikhupa hasi mumakulu kaNyasaye, nibimwinamila ye owikhaale khushifumbi shioburuchi, nibiboola biri
Amina! Haleluya!
5Omwoyo nikurula mushifumbi shioburuchi, kuri
Mumwitsoomie Nyasaye weefwe, inywe abasumbabe mwesi, inywe abamuriitsanga, kata abatuutu kata abakhongo.
Lisabo lieshiselelo shieLikondi
6Nimbulila amayoosi akeengana akomukanda omukhongo, khandi shinga amayoosi kamatsi amanji, khandi shinga amayoosi kemikukumo emikhongo, nikasunga kari
Haleluya! Omwami Nyasaye weefwe, oyo Ounyala biosi, uliile obwamibwe! 7Khwikhoye nikhusangaala muno nikhumuheelesia oluyali lwosi; okhuba eshiselelo shieLikonde shiulile. Omwehawe wirecheeshe. 8Afuchiiliilwe okhwifwala ikitani indorotoro indafu tsererere ing'inang'inu.
Nayo ikitani indorotoro niyo ebikhole ebilunji biabatakatifu.
9Mana niyamboolela mbu Handiika, ori Nabeikhabi abalangwa mwisabo lieshiselelo shieLikondi. Nameeta naboola mbu Kano namakhuwa kaNyasaye akatoto. 10Mana ndeekhupa hasi mumakuluke okhumwinamila. Niyamboolela mbu 'A, orakhola orio ta; endi omusumba owashio, khandi owashiabwe abaana beenywe abahanda khumakhuwa koburumbusi bwaYesu. Owa okhoyile okhwinamila niNyasaye. Shichila oburumbusi bwaYesu niroho yobunabii.
Oweekhala Ikhufarasi indafu
11Mana nindola likulu niliikuushe; neifarasi indafu njieyo; ne oyo owali niyeekhaalekhwo alangwa mbu Omwisiikwa khandi Owatoto; nomuIunjishi mubuyaasii khandi mwihe. 12Tsimonitsie nitsio olumemu Iwomulilo; ne khumurwekwe bilikhwo ebimwata biobwami ebinji. Yalikhwo neliira lindi eliahandiikwa khuye; ne abulaho oulimanya, narali ye omwene, 13Yali niyeefwalile ingubo eyamiitswakhwo amabanga; ne eliiralie niye Likhuwa liaNyasaye. 14Amahe ako akaliho mwikulu nikalonda munyumawe, nikachendela khutsifarasi tsindafu, nibeefwalile ikitani indorotoro indafu tsererere. 15Okhurula mumunwakwe mwarulamwo olukanga olumemu, olwokhuremela amahanoa; ne alabaruka neindabushi yeshibia, naswala eshitiinyilo shiobululu bwoburima bwaNyasaye Ounyalabiosi. 16Ne yalikhwo neliira eliahandiikwa khunguboye nende khwirangolie, mbu Omuruchi wabaruchi, khandi Omwami wabaami.
17Mana nindola malaika nasinjiile khuliuba; nalanjisia nomwoyo omukhongo, nasunjila amanyonyi kosi akapulukha mwikulu hakari, ari Mwitse mukhung'aanile khwisabo likhongo liaNyasaye, 18mulie inyama yemilambo chiabaruchi, neyemilambo chiabaseesia, neyemilambo chiabalulu; neinyama yetsifarasi nende eyemilambo chia abo abeekhaalekhwo, neinyama yemilambo chiabandu bosi, kata abeebule kata abasumba, abatuutu nabakhongo.
19Mana nindola isolo tsana, nabaruchi abomushialo, namahe kabwe, nibakhung'aana halala okhuseera oyo owali niyeekhaale khufarasi, khandi okhuseera abelihelie. 20Nayo isolo yahambwa, nende omunabii wobubeeyi halala ninayo; oyo owakhola ebilolelo imbeliwe, ebia yakaatilia abo abali nibaheebwa eshimanyilo shieisolo, nende abo abeenamila eshifwananishie; abo bombi basukunwa munyanza yomulilo okuyiitsanga namalesi keshiberiti, nibali mwoyo. 21Nabo abatong'a beerwa nolukanga lwa oyo owali niyeekhaale khufarasi, olwenolwo olwarula mumunwakwe; amanyonyi kosi nikeekura inyama yemilambo chiabwe.
Currently Selected:
Obufwimbuli 19: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
