Popular Bible Verses from Obufwimbuli 19

Share

Khwikhoye nikhusangaala muno nikhumuheelesia oluyali lwosi; okhuba eshiselelo shieLikonde shiulile. Omwehawe wirecheeshe.

Ne yalikhwo neliira eliahandiikwa khunguboye nende khwirangolie, mbu Omuruchi wabaruchi, khandi Omwami wabaami.

Mana nindola likulu niliikuushe; neifarasi indafu njieyo; ne oyo owali niyeekhaalekhwo alangwa mbu Omwisiikwa khandi Owatoto; nomuIunjishi mubuyaasii khandi mwihe.

Tsimonitsie nitsio olumemu Iwomulilo; ne khumurwekwe bilikhwo ebimwata biobwami ebinji. Yalikhwo neliira lindi eliahandiikwa khuye; ne abulaho oulimanya, narali ye omwene, Yali niyeefwalile ingubo eyamiitswakhwo amabanga; ne eliiralie niye Likhuwa liaNyasaye.

Okhurula mumunwakwe mwarulamwo olukanga olumemu, olwokhuremela amahanoa; ne alabaruka neindabushi yeshibia, naswala eshitiinyilo shiobululu bwoburima bwaNyasaye Ounyalabiosi.

Nayo isolo yahambwa, nende omunabii wobubeeyi halala ninayo; oyo owakhola ebilolelo imbeliwe, ebia yakaatilia abo abali nibaheebwa eshimanyilo shieisolo, nende abo abeenamila eshifwananishie; abo bombi basukunwa munyanza yomulilo okuyiitsanga namalesi keshiberiti, nibali mwoyo.