Obufwimbuli 18
18
Okhukwa khwaBabeli
1Olunyuma lwamakhuwa ako ndalola malaika undi khandi niyeekha okhurula mwikulu, nali nobunyali obunji; oluyalilwe nilulangaalila eshialo shiosi. 2Nalanjisia nomwoyo omukhongo, ari Likwile; Babeli litookho likhongo likwile, niliikalula eshimenyo shiamadimoni, aha abaroho aha abaroho beshifwabwi namanyonyi kosi akebisinyo nakemisilo kayinyanga okhuba. 3Shichila amahanga kosi kanyweele khudivai indulu yobuheyi bwalio; abaruchi abomushialo baheya ninalio; abobukhala abomushialo nabo nibayindihala khulwa obunyali bwemienya chialio.
4Mana ndahulila omwoyo kundi khandi okurula mwikulu, nikusunga mbu Inywe abandu banje, murulemwo, muleshe okhusanjilana mubionoono bialio, mubule okhukabilwa khumanyasio kalio; 5okhuba ebionoono bialio biicheleeshe kata okhuula khwikulu; ne Nyasaye yeetsulilanga tsimbii tsialio. 6Mulikalusilie ebikhole bialio biene shinga olwa bialinji; mulikalusilie shikhabili ebia liakhola. Mushikombe eshia liatsokasiamwo omunywo, mulitsokasiliemwo shikhabili. 7Shinga olwa lieekhulumamia nilimenya mumienya, nilwo olwa olalichelela obusaalili nende eshibeela; okhuba liboolanga mumwoyo, liri Isie endi omukhaye omuruchi; isie shindi omukhasi omulekhwa, kata shindalalola eshibeela tawe. 8Khulwako, amanyasio kalio kaleetsa khunyanga ndala; mbu oluumbe, namasila, neinzala; khandi lilasambilwa elala nomulilo; shichila Omwami Nyasaye owalikhalachiile eshiina nowobunyali.
9Nabo abaruchi abomushialo abaheyanga nibamenya mumienya ninalio, balalila nibaliikhuula olwa balahenga nibalola omwosi kwokhuyia khwalio. 10Balasinjila ehale khulwa okhutechelela obusaalili bwalio, nibasunga bari Woowe! Woowe! Litookho likhongo, Babeli litookho liamaani! Shichila khushise shilala eshiinashio shiulile.
11Nabo abobukhala abomushialo balalila nibalibeelelela, shichila bulaano abulaho oukula emiandu chiabwe; 12emiandu chieitsahaabu, neifeetsa, netsinyuma tsiobukusi obutinyu, netsilulu, neikitani indorotoro, netsingubo tsieisambarau, netsieilasi, netsiranzayi; tsimbaho tsiosi tsieshiuya, nebindu biosi biameeno ketsinzofu, nebiebibaho biobukusi obutinyu, nebiemikasa, nebieshibia, nebiamarimari; 13nomutalasini, namalesi keshiuya, namalesi kelibuuliesi, namafura keshing'aari, nobubaane; nende idivai, namafura, nobusie obunyuushe, neingano, netsing'ombe, namakondi; tsifarasi, namakaari, nabandu abakula; kata nende obulamu bwabandu. 14Bari, Ebiamo ebia omwoyokwo kweekomba bikhurulilekhwo; ebindu biosi ebinulu ebioluyali bikhukorilekhwo; shibilanyoolekha khandi ta. 15Abo abobukhala bwebindu ebio, aba litookho elo liayindihasia, balasinjila ehale khulwa okhutechelela obusaalili bwalio, nibalila nibaba neshibeela; 16nibasunga bari Woowe! Woowe! Litookho likhongo! Oyo owali niyeefwala tsingubo tsieikitani indorotoro netsieisambarua netsiranzai, niyeesiaha ebieitsahaabu netsinyuma tsiobukusi obutinyu netsilulu! 17Obuyinda obunji burio okhutibibwa khushise shilala!
Mana buli mukhulundu weliaro, nabuli mundu ouchendelanga munyanza, nabakholi abomumaaro, nende abo bosi abanyoolanga inganga khunyanza, nibasinjila ehale, 18nibaayula olwa balola omwosi kwokhuyia khwalio, nibasunga bari Lili heena litookho elifwana shinga litookho likhongo elo? 19Nibeepuuka olufu khutnirwe chiabwe, nibaayula, nibalila nibaba neshibeela, bari Woowe! Woowe! Litookho likhongo, omwa bayindihasilibungwa bosi abali namaaro khunyanza, khulwa obuyinda bwalio! Shichila khushise shilala likwisiibwe likunda. 20Wikhoye khukalio, iwe likulu, nineenywe abatakatifu, nabarume, nabanabii! Shichila Nyasaye wamukhalachiile eshiina shieenywe khulio.
21Mana malaika mulala owetsingufu yabukula lichina eliingana oluchina olukhongo, nalifuuba munyanza, nasunga mbu Nilwo olwa Babeli litookho likhongo lilakokwa omunyikha omukhongo lirio, niliranyoolekha khandi ta! 22Kata amayoosi kaboopi bamatungu, nabobukhana, nabamalele, nabetsinzika shikalahuliilishilakhwo mwiwe khandi ta; kata omundu omusitsa owobusitsa bwosi bwosi shialanyooleshelakhwo mwiwe khandi ta; kata amayoosi koluchina shikalahuliilishilakhwo mwiwe khandi ta; 23kata obulafu bweitaha shibulaashilakhwo mwiwe khandi ta; kata omwoyo kwomwene shiselelo nomwehawe shikulahuliilishilakhwo mwiwe khandi ta; shichila abobukhalabo balinji abakhulundu mushialo; ne wakaatia amahanga kosi nobufilabwo.
24Okhuba mulio nimwo omwa amabanga kabanabii nabatakatifu kanyooleshela, nakabo bosi abeerungwa mushialo.
Currently Selected:
Obufwimbuli 18: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
