Obufwimbuli 10
10
Malaika nende akhatabu akhatiiti
1Mana nindola malaika undi wamaam myeekha okhurula mwikulu niyeefwalile lileesi; nalwo olulindi nilufumbiile omurwekwe; mumonimwe mwali nimwakhanga shinga eliuba, ebilenjebie nabio nibiingana tsisiilo tsiomulilo. 2Mumukhonokwe yali nakhatabu akhali nikhabambuushe; ne yaseena eshilenjeshie eshisaatsa khunyanza, neshikhasi khushialo; 3nalanjisia nomwoyo omukhongo, shinga okweitalanyi niyihoola; ne olwa yalanjisia, emikukumo musaafu chiosi nichirumbukha namayoosi kachio. 4Olwa emikukumo echio musaafu chiarumbukha, ndali nindi okhuhandiika; mana nimbulila omwoyo okurula mwikulu nikuboola mbu Boha amakhuwa aka emikukumo musaafu chirumbuule, ne orakahandiika ta. 5Mana malaika oyo owa ndalola nasinjiile khunyanza nende khushialo, yachinguula omukhonokwe musaatsa ikulu, 6niyeetsuba khu oyo oubeetsangaho mwoyo ebisoni nebisoni, owalonga likulu nebindu ebilimwo, nende eshialo nebindu ebilimwo, nende inyanza nebindu ebilimwo, mbu okhushinda shikhulabaho khandi ta; 7ne mbu olwa tsindaalo tsiliula etsia malaika wamusaafu nali okhuupa olwikalwe, habwenaho libiso liaNyasaye lilaba nilihweele, shinga amakhuwa amalayi olwa kali aka yarumbulila abasumbabe abanabii.
8Mana omwoyo okwo okwa ndahulila nikurula mwikulu kwahuliilikha khandi nikuboolana ninasi, kuri Tsia obukule eshitabu eshibambuushe eshio eshili mumukhono kwamalaika ousinjiile khunyanza nende khushialo. 9Nasi ninzia ewa malaika oyo yali, nimusaba mbu ambeelesie akhatabu akho. Naye nakalusia mbu Khabukule, okhalie; nakhalusie indayo papap'pa, ne mumunwakwo nakhabe akhamilamili shingana obuushi. 10Nimbukula akhatabu mumukhono kwamalaika, nikhalia kupu; ne mumunwa khali akhamilamili shingana obuushi; habula nimalile okhukhalia, munda mwanje nimulula.
11Mana nibamboolela bari Okhoyile okhulakula khandi khukabandu abanji, namahanga amanji, netsinimi tsinyinji, nende abaruchi abanji.
Currently Selected:
Obufwimbuli 10: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
