Popular Bible Verses from Obufwimbuli 10

Share

ne mbu olwa tsindaalo tsiliula etsia malaika wamusaafu nali okhuupa olwikalwe, habwenaho libiso liaNyasaye lilaba nilihweele, shinga amakhuwa amalayi olwa kali aka yarumbulila abasumbabe abanabii.

Mana nibamboolela bari Okhoyile okhulakula khandi khukabandu abanji, namahanga amanji, netsinimi tsinyinji, nende abaruchi abanji.

Mana nindola malaika undi wamaam myeekha okhurula mwikulu niyeefwalile lileesi; nalwo olulindi nilufumbiile omurwekwe; mumonimwe mwali nimwakhanga shinga eliuba, ebilenjebie nabio nibiingana tsisiilo tsiomulilo.

Nasi ninzia ewa malaika oyo yali, nimusaba mbu ambeelesie akhatabu akho. Naye nakalusia mbu Khabukule, okhalie; nakhalusie indayo papap'pa, ne mumunwakwo nakhabe akhamilamili shingana obuushi. Nimbukula akhatabu mumukhono kwamalaika, nikhalia kupu; ne mumunwa khali akhamilamili shingana obuushi; habula nimalile okhukhalia, munda mwanje nimulula.