Obufwimbuli 11
11
Abaloli babili
1Mana ndaheebwa litundu eliokhuchela, elifwana shinga indabushi; nimboolelwa mbu otsie ochele ihekalu yaNyasaye, nende eshimalilo shiemisango, nende abo abeenamilangamwo. 2Ne olwanyi oluli elwanyi weihekalu, lekha lube; oraluchela ta; okhuba lwaheebwa abamahanga; nabo balaseenela litookho litakatifu hasi wamakulu kabwe emiesi amakhumi kane nachibili. 3Ne ndalaheelesia abaloli banje babili obunyali, nabo balalakulanga tsindaalo eshikhumila ebikhumi bibili namakhumi kasasaba, nibeefuubila amakunia. 4Abo nibo emitseituni echio chibili khandi nebichibi bietsitaha ebio bibili ebibeetsangaho imbeli wOmwami weshialo 5Ne omundu yesi naba niyeenya okhuboonoonia, omulilo kurulanga muminwa chiabwe nikulia abasuku babwe; kata omundu yesi naba niyeenya okhuboonoonia, khatimba yeerwe ario. 6Abeenabo bali nobunyali okhwikala likulu ifula yileshenje okhukwa mundaalo tsiobulakusi bwabwe; khandi bali nobunyali khumatsi okhukakwisia amabanga, nende okhuupa eshialo namanyasio kosi, akhandi akhanji shmga abeene olwa baleenya. 7Ne olwa balaba nibamalile oburumbusi bwabwe, isolo eyo eyirula mubuko yilabaseera, niyibahula, niyibeera. 8Nachio emilambo chiabwe chilakona khunjila yelitookho likali elilangungwa mushiroho mbu Sodoma, khandi Misiri; ne yaho niho aha Omwami wabwe yabambilwa khumusalaba. 9Tsindaalo tsitaru neinusu, abarula mubuli bandu, nende mubuli luyia, nende mubuli lulimi, nende mubuli balahenganga emilambo chiabwe, nibarafuchiilila emilambo tsana okhubiikhwa mushilindwa ta. 10Ne abo abamenya mushialo balabeekhoyela, nibatsatsahala; khandi balakoobelana ebihaanwashichila abanabii abo bali nibabasaalisinjia abamenya mushialo. 11Mana olunyuma lwetsindaalo etsio tsitaru neinusu emiuya chiobulamu echirula ewaNyasaye nichiinjila mbu, nabo nibasinjila nebilenje biabwe; oburii obunji nibubahamba abo ababalola. 12Nibahulila omwoyo omukhongo okurula mwikulu nikubaboolela kuri Tikulushe mwitse hano. Nabo nibakulukha nibatsia mwikulu mwileesi; abasuku babwe nibabalola. 13Ne mushise shieneshio eshialo shiarenga obutinyu, eshitonye shielikhumi shielitookho nishikwa; ne abeerwa mukhurenga khweshialo okhwo bali abandu ebikhumila musaafu; nabo abasikala indenga yabatiila, nibamuheelesia Nyasaye owelikulu oluyali.
14Aka Woowe yakhabili kahweele; lola, Woowe yakhataru niieyo; yitsa bwangu.
Itarumbeta yomusaafu
15Malaika womusaafu yakhupa olwikalwe; nichibaho emioyo emikhongo mwikulu, echiaboola mbu
Obwami bweshialo bukwile obwOmwami weefwe, nendeobwa Kristowe; naye alarukanga ebisoni nebisoni.
16Nabo abakofu abo amakhumi kabili nabane, ababeetsanga imbeli waNyasaye nibeekhaale khubifumbi biabwe bioburuchi, nibeekhupa mafumama nibamwinamila Nyasaye, 17nibasunga, bari
Khukhuupila orio, e Omwami Nyasaye, iwe Ounyalabiosi, oubeetsangaho, nowalinjiho; shichila weebukulila omwene obunyalibwo obukhongo nolia obwamibwo. 18Amahanga kosi katiilwa oburima; ne oburima bubwo bwoola, nende induukho yabafwa okhuyaasibwa, nende eyabasumbabo abanabii, halala nabatakatifu, nende abo bosi abariitsanga eliiralio, abatuutu nabakhongo bosi, okhuheebwa amatani kabwe; nende eyokhumulala abo abamulula eshialo.
19Mana ihekalu yaNyasaye eyili mwikulu niyiikulwa; lisanduku lieindakanoye nalio nililoleshela muhekaluye; mana nibibaho tsimbenu, nemioyo, nemikukumo, nokhurenga khweshialo, nende ifula yamachina amanji muno.
Currently Selected:
Obufwimbuli 11: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
