Obufwimbuli 9
9
1Malaika wakharaano yakhupa olwikalwe, mana nindola inyininyini eyomwikulu niyikwile khushialo; naye naheebwa eshibohololo shiokhumunwa kwobuko. 2Naye niyeekula omunwa kwobuko obwo, mana omwosi nikutuumuukha okhurula mubuko, shinga omwosi kwelirumbi likhongo, eliuba nende olwanga nibimaliha khulwa omwosi bwobuko tsana. 3Ne mumwosi mwarulamwo tsisiche khushialo; nitsiheebwa obunyali shinga obwamakatia akali khushialo. 4Natsio nitsikaanibwa mbu tsiroonoonia obunyasi bweshialo ta, kata omumela kwosi kata omusaala, habula abandu abo ababula eshibalikho shiaNyasaye khubweni bwabwe. 5Shitsiafuchiililwa okhubeera ta, habula okhubasaalisia emiesi chiraano; nokhusaalila khwene khwali shinga okhwokhusaalisibwa, likatia olwa liluma omundu. 6Mundaalo etsio abandu balikhaabanga okhufwa, nibarakhunyoolakhwo ta; baliikomba okhufwa, ne oluumbe lulibeelukha.
7Ne likondo lietsisiche tsana liali shingana tsifarasi nitsiirechesheele lihe; khumirwe chiatsio bialiho ebiingana tsisimbi tsieitsahaabu; ne mumoni mwatsio mwafwana shinga mumoni mwabandu. 8Tsiali nende liswi lirambi eliingana liswi liabakhasi; ne ameeno katsio shinga aketsitalanyi. 9Tsialikhwo nebitsengwa ebieengana ebitsengwa bieshibia; oluyoka Iwetsimbaha tsiatsio Iweengana oluyoka lwamakaari amanji, kata olwetsifarasi tsinyinji, nitsitsia mwihe tsimbilo. 10Tsiali nemishila shinga echiamakatia, nende olubalamwo; ne mumishila chiatsio nimwo omwalimwo obunyali okhusaalisia abandu emiesi chiraano. 11Omuruchi watsio outsiruka niye malaika oyo wobuko, eliiralie muluHeburania niye Abadoni; ne muluYunani ali neliiralie mbu Apolioni.
12Aka Woowe yambeli kahweele; ne lole, Woowe tsibili nzietsio, etsili okhwitsa.
13Malaika wakhasasaba yakhupa olwikalwe, mana nimbulila omwoyo nikurula hakari wetsinzika tsieshimalilo shiemisango eshieitsahaabu eshili imbeli waNyasaye, 14nikusunjila malaika oyo wakhasasaba owali nende olwika kuri Boholola abamalaika abo bane ababohwa enamwalo omukhongo kwaEufurate. 15Nabo abamalaika bane nibabohololwa mbu beere eshitonye shiokhutaru shiabandu; ne bali nibarecheshelwa isaa eyo, neinyanga, nomwesi, nomuyika. 16Nobunji bwamahe kabachendela khutsifarasi bali tsimilioni ebikhumi bibili; ndahulila obunji bwabwe.
17Nilwo olwa ndalola tsifarasi tsana mwibisulo elo, nende abali nibeekhaale khutsio; mbu bali nebitsengwa ebiakhanyu shinga omulilo, nebiabuluu, nebiomunyuria. Tsifarasi natsio, emirwe chiatsio chieengana chietsitalanyi; ne muminwa chiatsio mwarulamwo omulilo nende omwosi nende omwosi nende amalesi keshiberiti. 18Amanyasio ako kataru keera eshitonye shiokhutaru shiabandu; ngakano, mbu omulilo nomwosi namalesi keshiberiti ebiarula muminwa chiatsio. 19Obunyali bwetsifarasi tsana bwali muminwa chiatsio, khandi mumishila chiatsio; shichila emishila chiatsio chieengana tsinzokha, nichili nemirwe; ne nichio echia tsioonoonilinjia.
20Nabo abandu bosi abasikala, abarayeerwa namanyasio ako ta, shibamala beekalukhasie okhulekha emilimo chiamakhono kabwe, kata okhulekha okhwinamila amadimoni, nebifwanani bieitsahaabu, nebieifeetsa, nebiomukasa, nebielichina, nebiebibaho, ebiralolanga kata okhuhulila kata okhuchenda ta. 21Kata shibayeekalukhasia okhulekha obwiri bwabwe, nobufila, nobuheyi, nende obwibi ta.
Currently Selected:
Obufwimbuli 9: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
