Tsinjelo 17
17
1Akharonje akhakhaya halala nobuholeelefu nobulayi okhushila inzu eyitsuulemwo lisabo halalanobusoolo.
2Omusumba oukholanga akoburechelefu alaruka omwana omwibule oukholanga aketsisoni,
mana alakabulilwakhwo obulaame mubaana abeebule.
3Indibo yili khulwa ifeetsa, nomulilo omululumu khulwa itsahaabu;
ne OMWAMI ateemanga emioyo.
4Omukholi wobubii arechelesinjia eminwa chiobubeeyi;
ne omubeeyi arekanga amarwi khububooli obusasinjia.
5Outseshelela omumanani aseyanga Omulonjiwe;
ne ousangalilanga amasila shialachweya okhukuumwa ta.
6Abeetsukhulu nibo olusimbi lwabasaakhulu;
noluyali lwabaana nabasaabwe.
7Amakhuwa amalayi shikakaasa nikaboolwa nomuyingwa ta,
nokhushila muno, akobubeeyi shikakhoyela okhuboolwa nomukhulundu tawe.
8Eshiomufuusi shili shinga inyuma yobukusi obutinyu, mumoni mwa oyo ouli ninashio;
hosi aha ahenganga, akeke kakaasanga.
9Oufuunikhanga obwonooni yeenyanga obuheeli;
ne ouhonjelanga likhuwa akabukhasinjia abeetsa abatinyu.
10Obulosheli bwinjililanga muno mumundu ouli nokhumanyilisia,
okhushila tsikhoba eshikhumi khumuyingwa.
11Omundu omubii yeenyanga induli yonyene;
khulwako alarumilwa omurumwa oubula tsimbabasi.
12Lekha omundu yaakane neitubu eyinuulilwe abaana bayo,
okhushila okhwakaana nomuyingwa mubusilubwe.
13Oukalusinjia obubii khubulayi, obubii shibularula munzuye ta.
14Obuchaachilo bwobusoolo buli shinga olwa omundu yeekulilanga amatsi;
khulwako, lekha amayinje kabe, obusoolo niburashiarula ta.
15Oyo oukalushilanga omutamaanu mbu nomulunjishi, khandi oyo owirilanga omulunjishi eshiina,
abo bombi neshisinyo khuMWAMI.
16Mbushiina omuyingwa naba nomurungo mumukhono okhukula obuchesi,
olwa arali noburechelefu ta?
17Omwitsa aheelanga tsindaalo tsiosi,
ne owomweenywe yeebulilwa okhukhoonyelela mumanyakhano.
18Omundu oubula oburechelefu apatananga nabandu amakhono,
niyeekhola omusingo mumoni mwowashie.
19Ouheelanga obuyingani aheelanga obwonooni;
ouchinguulanga eshilibwashie ikulu yeekhaabilanga okhukwa.
20Owomwoyo omushiamu shianyoolanga obulayi bwosi ta;
ne owolulimi olurambatsanu akwitsanga mumasila.
21Owibula omuyingwa anyoolanga eshibeela;
ne samwana omusilu shiali nobusangaali ta.
22Omwoyo omutsatsahafu neindesi indayi,
ne omwoyo okufwile kuhungalasinjia amakumba.
23Omundu omumayaanu ayininjia eshiomufuusi mukwaha mbu ashiamie tsinjila tsiobukhalachi.
24Obuchesi buli imbeli wa oyo ouli nokhumanyilisia;
ne tsimoni tsiomuyingwa tsili mundulo tsieshialo.
25Omwana omuyingwa neshibeela khusamwana,
khandi obululu okhunyina.
26Khandi, okhukhalachila abalunjishi ifwaini shibuli bulayi,
kata okhunywekha abeifuma indayi shikhukhoyeele ta.
27Owikalilanga amakhuwake ali nobumanyi;
ne owomwoyo kwokhwiyila kahala nomundu wokhumanyilisia.
28Kata omusilu, olwa asiling'ana, abasibungwa mbu nomuchesi;
olwa asuna omunwakwe, apaarungwa mbu nomurechelefu.
Currently Selected:
Tsinjelo 17: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
