Tsinjelo 16
16
Tsinjelo etsiokhubulamu nobwiyili
1Aka omwoyo kurechekhanga nakomundu;
ne likalusio liolulimi lirulanga khuMWAMI
2Tsinjila tsiomundu tsiosi netsisiiyikhu mumonitsie omwene;
ne OMWAMI achelanga iroho.
3Ore khuMWAMI emilimochio,
amapaaroko nako kalaralisibwa.
4OMWAMI akholile buli shindi khulwa eshifune shiashio shiene,
yee, kata abatamaanu khulwa inyanga yamaraba.
5Buli mundu owichinjimisia mumwoyo neshisinyo khuMWAMI;
kata amakhono nikatiilana karie, shialachweya okhukuumwa ta.
6Obubii butiswa nende tsimbabasi nakatoto;
ne khulwa okhuria OMWAMI abandu beehaanyanga khububii.
7Tsinjila tsiomundu olwa tsichamisinjia OMWAMI,
achilanga kata abasukube babe ninaye nomulembe.
8Okhuba nebituutu, halala nobulunji, nokhulayi okhushila inganga inyinji halala nobukhalachi bwobushiamu.
9Omwoyo kwomundu kukasinjia injilaye;
ne OMWAMI niye oumwibaalilanga injendaye.
10Obukhalachi bwobulakusi buli mumunwa kwomuruchi;
omunwakwe shikuloonoona mubukhalachi bweshiina ta.
11Eshichelo nende tsiratili tsiahabwene nebiOMWAMI;
amachina kosi akamuloloti nomulimokwe.
12Neshisinyo khubaruchi okhukhola obutamaanu;
okhuba eshifumbi shioburuchi shiralisibungwa nobulunjishi.
13Eminwa chiobulunjishi nichio echichamisinjia abaruchi;
nabo baheelanga oyo ouboolanga habwene.
14Oburima bwomuruchi buli shinga omurumwa woluumbe,
ne omundu omuchesi alabuhosia.
15Mubulafu bwomumoni mwomuruchi mulimwo obulamu;
ne okhukoosibwa ninaye khuli shinga olucheka Iweifula yeirootso.
16Okhunyoola obuchesi shikhushila okhunyoola itsahaabu!
Yee, okhulobola okhunyoola obumanyilisii khushila ifeetsa.
17Omuhanda kwomukololofu nikwo okhwihaanya obubii;
oyo oulindanga injilaye yeelindanga omwene.
18Obwichinjimisii buranjililanga okhukwa,
nomwoyo kwokhwilola kuranjililanga okhwisichirala.
19Nobulayi okhuba nomwoyo omwituutuyi halala nabamanani,
okhushila okhukabulana ebiobunuuli nende abeechinjimisii.
20Ourechelesinjia likhuwa alakaasanga;
ne ouba nasuubililanga muMWAMI, noweikhabi.
21Owomwoyo omuchesi alalangwa mbu omwitembelesii;
ne obubuulu bwamasungo buhombelesinjia.
22Obuchesi neisebele yobulamu khu oyo ouli ninakhwo;
ne okhuchesiyibwa khwabasilu nobusilu bwabwe.
23Omwoyo kwomuchesi kuchesiyinjia omunwakwe,
nikumeetela omunwakwe obuhombelesii.
24Amakhuwa amalayi kali shinga okhuroonyelela khwobuushi;
namabuulu khumwoyo, kandi obulamu khumakumba.
25Yiliho injila eyilolekha khumundu mbu neinunji,
ne obumaliilishi bwayo netsinjila tsiokhufwa.
26Inzala yomukhalabani yimukhalabanilanga;
okhuba indaye yimulunyinjia.
27Omundu oubula okwa anyala, arechekhanga amabii;
ne mumunwakwe mulimwo shinga omulilo okufululusinjia.
28Omundu omukhayikhanu amiitsanga inzoka;
ne omutswanzwanii akabukhasinjia abeetsa abatinyu.
29Omundu wamayukuba ahombelesinjia owashie,
namwimilila munjila eyirali indayi ta.
30Outimbanga tsimonitsie, eshifuneshie nokhurechekha akobukhayikhanu;
ousuninjia omunwakwe achilanga amabii nikeekhola.
31Omurwe kwetsimbutsi nolusimbi lwoluyali,
nikuba nikunyoolekhanga khunjila yobulunjishi.
32Ourali omwangu okhutiilwa oburima ta, ashila abalulu;
ne oyo ourukanga omwoyokwe ashila ouhula litaala.
33Ikha yikhupilungwa mungubo;
nebutswa obukhalachi bwene bwosi nobwOMWAMI.
Currently Selected:
Tsinjelo 16: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
