Popular Bible Verses from Tsinjelo 17

Share

Omwitsa aheelanga tsindaalo tsiosi, ne owomweenywe yeebulilwa okhukhoonyelela mumanyakhano.

Omwoyo omutsatsahafu neindesi indayi, ne omwoyo okufwile kuhungalasinjia amakumba.

Oufuunikhanga obwonooni yeenyanga obuheeli; ne ouhonjelanga likhuwa akabukhasinjia abeetsa abatinyu.

Owikalilanga amakhuwake ali nobumanyi; ne owomwoyo kwokhwiyila kahala nomundu wokhumanyilisia.

Kata omusilu, olwa asiling'ana, abasibungwa mbu nomuchesi; olwa asuna omunwakwe, apaarungwa mbu nomurechelefu.

Akharonje akhakhaya halala nobuholeelefu nobulayi okhushila inzu eyitsuulemwo lisabo halalanobusoolo.

Obuchaachilo bwobusoolo buli shinga olwa omundu yeekulilanga amatsi; khulwako, lekha amayinje kabe, obusoolo niburashiarula ta.

Oyo oukalushilanga omutamaanu mbu nomulunjishi, khandi oyo owirilanga omulunjishi eshiina, abo bombi neshisinyo khuMWAMI.