Tsinjelo 15
15
1Likalusio lihooya likalusinjia oburima inyuma;
ne likhuwa litinyu liyakulanga oburaasi.
2Olulimi Iwomuchesi luchelelanga abandu obumanyi habwene;
ne omunwa kwabayingwa kusindobokhanga obusilu.
3Tsimoni tsiOMWAMI tsibeetsangaho buli habundu hosi,
nitsihenganga amabii nende amalyi.
4Olulimi oluholo nomusaala kwobulamu;
ne oburambatsanu mulwo bufubesinjia omwoyo.
5Omusilu alekanga obuchesiyi bwasamwana;
ne ouhulilanga obulosheli nomwitembelesii.
6Munzu mwomulunji mulimwo emiandu eminji;
ne munganga yomutamaanu mulimwo amanyakhano.
7Omunwa kwomuchesi kulandinjia obumanyi;
ne omwoyo kwomuyingwa ta.
8Omusango kwomutamaanu neshisinyo khuMWAMI;
ne lisaayo liomukololofu nilio elimuchamisinjia.
9Injila yomutamaanu neshisinyo khuMWAMI;
ne aheelanga oyo oulondanga obulunjishi.
10Buliho obuchesiyii obutinyu khumwenoyo oulekhanga injila,
naye ousinyishilanga obuloshelwi alafwa.
11Makombe nende Obutibi biasaame imbelo wOMWAMI;
ne emioyo chiabandu shichiakhashilakhwo muno okhuba chirio!
12Omukokonyi shiaheelanga okhukondeshelwa tawe;
kata shiatsia khubachesi ta.
13Omwoyo omutsatsahafu kusangaasinjia mumoni;
ne eshibeela shiomwoyo nishio eshiiranga roho.
14Omwoyo kwa oyo ouli noburechelefu kurunanga obumanyi;
ne omunwa kwabayingwa kuliitsanga obuyingwa.
15Tsindaalo tsiosi tsia abo abakhupanga khushibii netsindinyu,
ne ouli nomwoyo omusangaafu abeetsanga nelisabo liakhatsotso.
16Okhuba nebituutu, halala nende okhuria OMWAMI nokhulayi okhushila obuyinda obunji halala nende amanyakhano.
17Okhuliila tsifwa aha obuheelani buli nokhulayi okhushila okhuliila inyama yeing'ombe inulu, nobukiyaniho.
18Omundu omuraasi abuusinjia obusoolo;
ne ourali omwangu okhutiilwa oburima ta asiling'asinjia obusoolo.
19Injila yomukara yayumba;
ne injila yomulunjishi nomuhanda.
20Omwana omuchesi asangaasinjia samwana;
ne omundu omuyingwa achayanga nyina.
21Obusilu nobusangaali khwa oyo oubula obuchesi;
ne omundu wokhumanyilisia alunjisinjia injendaye.
22Aha omuse kubula, akachoomilwe kafubanga;
ne mubachesiyii abanji karalisibungwa.
23Omundu asangaalilanga likalusio liomumunwakwe;
ne likhuwa eliboolungwa khushise eshikhoyeele, mako nelilayi po!
24Khumuchesi, injila yobulamu yitikulukhanga, mbu yeebere eMakombe emwalo.
25OMWAMI asambula inzu yomwichinjimisii,
ne aralisia olwakho lwomukhasi omulekhwa.
26Amarechekho amabii neshisinyo khuMWAMI;
ne amakhuwa amalayi nameelelekhu.
27Oulangushilanga inganga anyasinjia inzuye omwene;
ne oukiyanga ebiomufuusi alaba mwoyo.
28Omwoyo kwomulunjishi kuyililisinjia akokhukalusia;
ne omunwa kwomutamaanu kusindobokhanga amakhuwa amabii.
29OMWAMI ali ehale khubatamaanu;
ne ahulilanga lisaayo liabalunji.
30Obumwemwendi obwomumoni busangaasinjia omwoyo;
ne amakhuwa amalayi kameetanga obuhaali mumakumba.
31Eshirwi eshikhulilanga obuloshelwi bwobulamu shilamenya mubachesi.
32Oyo oulobanga obuchesiyii yeelechelesinjia omwene;
ne ouhulilanga obuloshelwi anyoolanga oburechelefu.
33Okhuria OMWAMI nikhwo obuchesiyii bwobuchesi;
ne obwituutuyi buranjililanga oluyali.
Currently Selected:
Tsinjelo 15: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
