Popular Bible Verses from Tsinjelo 15

Share

Likalusio lihooya likalusinjia oburima inyuma; ne likhuwa litinyu liyakulanga oburaasi.

Okhuria OMWAMI nikhwo obuchesiyii bwobuchesi; ne obwituutuyi buranjililanga oluyali.

Olulimi oluholo nomusaala kwobulamu; ne oburambatsanu mulwo bufubesinjia omwoyo.

Aha omuse kubula, akachoomilwe kafubanga; ne mubachesiyii abanji karalisibungwa.

Omwoyo omutsatsahafu kusangaasinjia mumoni; ne eshibeela shiomwoyo nishio eshiiranga roho.

Tsimoni tsiOMWAMI tsibeetsangaho buli habundu hosi, nitsihenganga amabii nende amalyi.

Okhuba nebituutu, halala nende okhuria OMWAMI nokhulayi okhushila obuyinda obunji halala nende amanyakhano.

Omundu omuraasi abuusinjia obusoolo; ne ourali omwangu okhutiilwa oburima ta asiling'asinjia obusoolo.

Omwoyo kwomulunjishi kuyililisinjia akokhukalusia; ne omunwa kwomutamaanu kusindobokhanga amakhuwa amabii.