Tsinjelo 13
13
1Omwana omuchesi ahulilanga obuchesiyi bwasamwana;
ne omukokonyi shiahulilanga obuhalabili ta.
2Omundu alalia obulayi khulwa ebiamo biomunwakwe;
ne emioyo chiabakhobani chilalia amayukuba.
3Oulindanga omunwakwe akuranga obulamubwe;
ne owirobotsanga alakora koru.
4Omwoyo kwomutofu kwikombanga, ne shikunyoola eshindu ta;
ne omwoyo kwoweshinani kulakhomesibwa.
5Omulunjishi akiyanga obubeeyi;
ne omutamaanu neshisinyo, namalanga yoole musoni.
6Obulunjishi bumulindanga oyo ouli omukololofu khunjila;
ne obumanyaanu bukwisinjia omwonooni.
7Aliho owikhola mbu nomuyinda, nebutswa abula eshindu;
ne aliho owikhola mbu nomumanani, nebutswa ali nobuyinda obunji.
8Obuyinda bwomundu nibwo obununuli bwobulamubwe;
ne omumanani shiahulilangakhwo obusiomelwi ta.
9Obulafu bwomulunjishi bwakhanga;
ne itaha yomutamaanu yilasimibwa.
10Omwichinjimisii omusilu aleeranga amayingaane konyene;
ne obuchesi buli khubeebaalilungwa.
11Obuyinda obunyoolwa munjila inyangu bulatuutuha;
ne oubunjelesinjia shihatu shihatu, bulameetekha.
12Eshinaaywa nishishindanga okhwikhola, shilwasinjia omwoyo;
ne eshienywa olwa shinyoolekhanga, shibeetsanga omusaala kwobulamu.
13Ouba nalekanga likhuwa yeleerelanga okhusasibwa;
ne ouriitsanga lilako alaheebwa amatani.
14Ameebaalo komuchesi neisebele yobulamu,
mbu omundu yeehaanye khumareko kokhufwa.
15Oburechelefu buleeranga okhukoosibwa;
ne injila yabakhobani neindinyu.
16Buli mundu omurechelefu akholelanga mubumanyi;
ne omuyingwa abakalanga obusilubwe.
17Omurume omumayaanu aleeranga amatinyu;
ne omurume omwisiikwa aleeranga obuhonii.
18Obumanani nende tsisoni bilaba khu oyo oulobanga okhuchesiyibwa;
ne oyo ouhulilanga obuloshelwi alaheebwa oluyali.
19Akeenywa nikeekholile, namabuulu khumundu;
ne okhwihaanya obubii neshisinyo khubayingwa.
20Ouchenda nabachesi, naye alaba omuchesi;
ne ouchenda nabayingwa alasaalila.
21Obubii bulondachililanga aboonooni;
ne abalunjishi, obulayi nibwo amatani kabwe.
22Omundu omulayi aleshelanga abeetsukhulube obulaame;
ne obuyinda bwomwonooni bubiishilungwa omulunjishi.
23Ebiliibwa ebinji bili mumukunda kwomumanani okwakonela,
ne binyala okhukora khulwa obukhalachi obushiamu.
24Oulekhanga okhurumishilal olusaalalwe akiyanga omwanawe;
ne oumuheelanga amuchesiyinjia khale.
25Omulunjishi aliitsanga niyeekura;
ne omutamaanu alaba inzala.
Currently Selected:
Tsinjelo 13: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
