Popular Bible Verses from Tsinjelo 13

Share

Ouchenda nabachesi, naye alaba omuchesi; ne ouchenda nabayingwa alasaalila.

Oulindanga omunwakwe akuranga obulamubwe; ne owirobotsanga alakora koru.

Oulekhanga okhurumishilal olusaalalwe akiyanga omwanawe; ne oumuheelanga amuchesiyinjia khale.

Eshinaaywa nishishindanga okhwikhola, shilwasinjia omwoyo; ne eshienywa olwa shinyoolekhanga, shibeetsanga omusaala kwobulamu.

Obulunjishi bumulindanga oyo ouli omukololofu khunjila; ne obumanyaanu bukwisinjia omwonooni.

Obuyinda obunyoolwa munjila inyangu bulatuutuha; ne oubunjelesinjia shihatu shihatu, bulameetekha.

Omwichinjimisii omusilu aleeranga amayingaane konyene; ne obuchesi buli khubeebaalilungwa.

Omundu omulayi aleshelanga abeetsukhulube obulaame; ne obuyinda bwomwonooni bubiishilungwa omulunjishi.

Omwana omuchesi ahulilanga obuchesiyi bwasamwana; ne omukokonyi shiahulilanga obuhalabili ta.

Obumanani nende tsisoni bilaba khu oyo oulobanga okhuchesiyibwa; ne oyo ouhulilanga obuloshelwi alaheebwa oluyali.