Tsinjelo 12
12
1Ouba naheelanga obuchesiyi aheelanga obumanyi;
ne oukiyanga obuloshelwi ali eshinasolo.
2Omundu omulayi alakoosibwa nOMWAMI;
ne omundu omurecheshi wamabii, OMWAMI alamukhalachila eshiina.
3Omundu shiaralisibwa nobutamaanu ta;
ne eshisina shiabalunji shishilasikukha kuru.
4Omukhaye omulayi nolusimbi khumusaatsawe;
ne oufwimbinjia omurwe ali shinga oumubosinjia amakumba.
5Amapaaro komulunjishi kali habwene;
ne ameebaalo komumayaanu nobukaatii.
6Amakhuwa komumaayanu kakoneshela amabanga;
ne omunwa kwomukololofu kulahonia.
7Abatamaanu bakwisibungwa, mana babulaho;
ne eshilibwa shiomulunji shilasinjila.
8Omundu aleetsoomibwa khubuchesibwe shinga olwa buli;
ne oyo ouli nomwoyo omurambatsanu alalekwa.
9Omumanani owikholelanga omwene ali bulayi okhushila owiheelesinjia omwene oluyali, ne natakha eshiokhulia.
10Omulunjishi yeetsulilanga obulamu bwomurukokwe;
ne kata eshisa shiomutamaanu shibula tsimbabasi.
11Oulimanga omukundakwe alaba nebiliibwa ebinji;
ne oulondanga akabutswa ahumanga oburechelefu.
12Olukoba lwababii lulikulukha,
ne eshisina shiabalunjishi shihandanga mwiloba.
13Omundu omubii atiilwa mukhwonoona khwomunwakwe,
ne omulunjishi alarula mumanyakhano.
14Omundu aleekura obulayi khulwa ebiamo biomunwakwe;
ne alakalusilibwa obukholi bwamakhonoke.
15Injila yomusilu yibeetsanga habwene mumonitsie omwene;
ne omuchesi arechelesinjia ameebaalo.
16Obusinyishi bwomusilu bumanyikhanga habwene nahabwene;
ne omundu omwitembelesi amaayia linyeko.
17Ourumbulangal akatoto atsitsachisia obuyaasii bwahabwene,
ne omuloli omubeeyi, obukaatii.
18Aliho ourimukhanga okhuboola shinga okhufumira khwolukanga;
ne olulimi Iwomuchesi luhoninjia.
19Omunwa kwakatoto kularalila inziayo;
ne olulimi olubeeyi luliho eshise eshituutu butswa.
20Obukaatii buli mumioyo chia abo abarechekhanga amabii;
ne obusangaali buliho khubeebaali bomulembe.
21Amabii kosi shikalakwila abalunjishi ta;
ne abamayaanu baleetsula nobubii.
22Eminwa chiobubeeyi neshisinyo khuMWAMI;
nabakholanga akobwisiikwa nibo abamuchamisinjia.
23Omundu omwitembelesi abisanga obumanyibwe;
ne emioyo chiabayingwa chiilwatsanga obusilu habulafu.
24Omukhono kwoweshinani kularuka;
ne omutofu alareebwa khumilimo chiokhulunyibwa.
25Obuhertdi mumwoyo kwomundu bukusitohelanga,
ne likhuwa lilayi likutsatsahasia.
26Omulunjishi yeehaanya obubii,
ne injila yabamayaanu yibashiaminjia.
27Omukara shiasambanga eshiomuluyitsilwe tawe;
ne oweshinani alanyoola emiandu echishila obukusi.
28Munjila yobulunji mulimwo obulamu;
ne omuhanda kwobukori kuchooma enakhufwa.
Currently Selected:
Tsinjelo 12: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
