Yeremia 3
3
1Ari, Omundu naba niyeelusia omukhasiwe,
naye namurulakhwo,
natsia okhuteeshela oundi;
kho omundu oyo alamukalusia khandi noho?
Eshialo eshio shishiakhaba nishionooneeshe muno?
Ne iwe wakwa omutamba wabatia abanji;
ne wenya okhungalushila noho?
Nilwo olwa OMWAMI aboola.
2Chinguula tsimoni, ohenje obutenje obukhaya bwebikulu, olole;
nihabundu shuina aha orakoneelwe ta?
Weekhalanga khundulo wetsinjila nobalindanga,
shinga omwArabu mushitsiimi;
woonooniye eshialo nobuheyibwo nende obumayaanubwo.
3Ne nibwo obwachila ifula niyiikalilwa,
kata ifula yeshiubwe niyirakwa ta;
nebutswa obwenibwo nobweni bwomutamba;
shiofuchiilila okhufwimbwa omurwe ta.
4Shiwakhananga bulaano mbu Papa,
niwe omusaatsa wanje owambula?
5Ne alabeetsanga noburima tsindaalo tsiosi?
Alalulanga okhuula khushihesi noho?
Lola, okhuboola wakhaboola;
ne okhukhola wakhola tsimbii tsiosi shinga olwa wanyala.
Isiraeli nende Yuda nibasaaywa okhwikalukhasia
6Khandi mundaalo tsiaYosia omuruchi OMWAMI yareeba ari Oluutsi aka yakholile, Isiraeli oyo omushiukhani? Yaniinile khubuli shikulu eshirambi, niyeenjila mushiinikha shiabuli musaala omutendeemu, nakholelayo akobutamba. 7Nasi nimbaara mbu olwa alaba namalile okhukhola ako kosi, alangalushila; nebutswa shiyayangalushilakhwo ta; naye omukhaana wabwe omukaatii Yuda nalola. 8Yalola mbu ndali nimurusiye Isiraeli oyo oubula obwisiikwa khulwa obuheyi obwa yakhola, nimuheelesia ibarwa yobukabukhani; nebutswa Yuda, omukhaana wabwe omukaatii, shiyariakhwo ta, habula mbu yesi yatsia nakhola akobutamba. 9Nikaba mbu okhuba obutamba bwali butswa likhuwa eliangu khuye, eshialo shionoonekha muno; naheyanga nemisaala nende amachina. 10Ne kata ako kosi nikali kario, omukhaana wabwe omukaatii Yuda shiyayangalushiile nende omwoyo kwosi ta, habula nobubatsa; nilwo olwa OMWAMI aboola.
11Khandi OMWAMI niyasunjila mbu Isiraeli oubula obwisiikwa yanyooleeshe nali omulunjishi okhushila omukaatii Yuda. 12Tsia orumbule amakhuwa kano nohenjile enotsi, ori
OMWAMI aboola mbu
Kalukha, iwe Isiraeli omushiukhani;
shindalakhuhenga noburima ta,
okhuba endi owetsimbabasi,
nilwo olwa OMWAMI aboola;
shindalabiikhanga oburima inziayo ta.
13Wiyame butswa obumayaanubwo,
shinga olwa wamukhaya OMWAMI Nyasayewo,
nochendachendanga notsia khubacheni mushiinikha shiabuli musaala omutendeemu;
ne norahulila omwoyo kwanje ta;
nilwo olwa OMWAMI aboola.
14OMWAMI aboola mbu
Kalushe, inywe abaana abashiukhani;
okhuba nisie omwami weenywe;
ndalamubukula, mbu mulala mwitookho,
kata babili munzu, nimuusia eSayuni.
15Khandi ndalamuheelesia abayi, abandu aba emioyo chiabwe chiwinjana nende okwanje; nabo balamwayanga nobumanyi nende oburechelefu. 16Mana olwa muliba nimumeeteeshe nimwinjiihe mushialo, mundaalo etsio, OMWAMI aboola, shibalasunganga khandi mbu Lisanduku lieindakano yOMWAMI, tawe; kata shililapaarwakhwo mumwoyo, kata shibalaliitsulila kata okhulikhaabakata shililakholwa khandi ta. 17Mundaalo etsio balakulikha Yerusalemu mbu eshifumbi shiOMWAMI; nako amahanga kosi kalakhung'aanila khushio, khuliira liOMWAMI, eYerusalemu; kata shibaleechendelesia mubutinyu bwemioyo chiabwe emibii khandi ta. 18Mundaalo tsieenetsio inzu yaYuda yiloongana nende inzu yaIsiraeli; mana balarula bombi halala mushialo shienotsi nibeenjila bario mushialo eshia ndaheelesia abakuuka beenywe shibe obulaame.
19Ndayililisiakhwo shinga olwa ndakhakhura mubaana banje nikhuheelesia eshialo eshikaasu,
obulaame obushila obulayi mumahanga kosi.
Niyililisiakhwo shinga olwa wakhananga mbu Papa,
norashiukhana oburanondakhwo tawe.
20Okhuba toto mwene, inywe abeinzu yaIsiraeli,
shinga omukhasi omukaatii olwa arula khumusaatsawe,
nindio mwakholela akobukaatii;
nilwo olwa OMWAMI aboola.
21Omwoyo kuhuliilikha khubutenje obukhaya bwebikulu,
mbu amalilo namasaayo kabaana balsiraeli;
okhuba bashiamiye injila yabwe;
bamwibiliile OMWAMI Nyasaye wabwe.
22Kalushe, inywe abaana abashiukhani,
nasi ndalahonia obushiukhani bweenywe.
Lola, khukhwitsiile;
okhuba niwe OMWAMI Nyasaye weefwe.
23Toto mwene, akebikulu nakabutswa,
nobukoyaani obwokhungulu;
toto mwene, muMWAMI Nyasaye weefwe
nimwo omulimwo obuhonia bwaIsiraeli.
24Nebutswa okhurula khubwana bweefwe, eshietsisoni eshio shiliitsanga biosi ebia abapapa banyakhanila; mbu ebiayo biabwe netsing'ombe, abaana babwe abasiani nabakhaana. 25Khukone musoni tsieefwe; okhufwimbwa omurwe khukhufuunisheokhuba khwamwonooneele OMWAMI Nyasaye weefwe, ifwe nende abapapa, okhurula khubwana bweefwe okhuula olwa leelo; kata shikhwahuliile omwoyo kwOMWAMI Nyasaye weefwe ta.
Currently Selected:
Yeremia 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
