Popular Bible Verses from Yeremia 3

Share

Khandi ndalamuheelesia abayi, abandu aba emioyo chiabwe chiwinjana nende okwanje; nabo balamwayanga nobumanyi nende oburechelefu.

Kalushe, inywe abaana abashiukhani, nasi ndalahonia obushiukhani bweenywe. Lola, khukhwitsiile; okhuba niwe OMWAMI Nyasaye weefwe.

Tsia orumbule amakhuwa kano nohenjile enotsi, ori OMWAMI aboola mbu Kalukha, iwe Isiraeli omushiukhani; shindalakhuhenga noburima ta, okhuba endi owetsimbabasi, nilwo olwa OMWAMI aboola; shindalabiikhanga oburima inziayo ta.

Wiyame butswa obumayaanubwo, shinga olwa wamukhaya OMWAMI Nyasayewo, nochendachendanga notsia khubacheni mushiinikha shiabuli musaala omutendeemu; ne norahulila omwoyo kwanje ta; nilwo olwa OMWAMI aboola. OMWAMI aboola mbu Kalushe, inywe abaana abashiukhani; okhuba nisie omwami weenywe; ndalamubukula, mbu mulala mwitookho, kata babili munzu, nimuusia eSayuni.