Yeremia 4
4
1OMWAMI aboola mbu
E Isiraeli, noba niwenya okhukalukha,
nisie owa okhoyile okhukalushila.
Noba norusiaho ebisinyobio mumoni tsianje,
ne norasikukha ta;
2khandi noba niwitsuba mbu Shinga OMWAMI olwa ali mwoyo,
mubwatoto nakahabwene nakobulunjishi,
kho abamahanga baleesabilanga ikhabi nibarumbula eliiralie,
khandi muye baleeyitsiala.
3Okhuba kano niko aka OMWAMI asunjila abaYuda, nende abamenyanga muYerusalemu, mbu
Fungula omukundakwo okwakonela,
oburaraaka mumarakalu ta.
4Mwishebe abeene khuMWAMI,
murusieho amafunga kemioyo chieenywe,
inywe abaYuda, nabamenyanga muYerusalemu;
obululu bwanje buleshe okhurubukha shinga omulilo nibusamba busamba oburasimibwa ta,
khulwa obubii bwebikholebio.
Yuda yasiotnelwa, tnbu abasuku beetsa
5Mukarumbulile muYuda, nimukhupa omulome muYerusalemu, muri
Khupe olwika mushialo,
khupe omulome, muri Khung'aane halala,
khutsie mumataala akali netsingoba.
6Sinjisie ipendela enaSayuni;
yilushe mbu mwihonokoshe; murasinjila butswa ta;
okhuba endeera amabii okhurula enotsi,
nende obumululi obukhongo.
7Italanyi yirulile mushitsakha shiayo;
omumululi wamahanga ali khunjila;
arulile hawuwe;
yeetsa okhwonoonia eshialoshie;
amataalako kalakwisibwa amakunda,
aharali abamenyamwo ta.
8Khulwako mwibohe tsingubo tsiamakunia,
mwikhuule, nimukhupa tsimbungu;
okhuba oburima obululu bwOMWAMI shibushiukhaane bwakhurulakhwo ta.
9OMWAMI aboola mbu Khunyanga eyo omuruchi alifwa omwoyo, nende abakhulundu bario; abakuhani nabo balachenya, abanabii nibahuka. 10Mana nisunga mbu E Omwami NYASAYE! Toto mwene, obakaatiye abandu bano nende abeYerusalemu muno, noboola mbu Mulabeetsanga nomulembe; nebutswa olukanga luulile khubulamu bwabwe bwene.
11Khushise eshio abandu bano nende abeYerusalemu balaboolelwa mbu Omuyeka kweshimiyu kurula khubutenje obukhaya bwebikulu ebiomushitsiimi nikuchooma khumukhaana wabandu banje; ne khulwa okhuseesa kata okhulabia ta; 12nomuyeka kwamaani okushila ako, okuleetsa khulwanje; kho bulaano nisie oubarumbulila akobukhalachi.
13Lole, aniina shinga olucheka,
namakaarike shinga eshiimbalakusi;
tsimbilo tsietsifarasitsie tsishila etsietsinditsu.
Wowe! Okhuba khwonooniibwe.
14Iwe Yerusalemu, wiyosie obubii obwomumwoyo,
mbu ohonibwe.
Amapaaroko amabii kalamenya mumwoyokwo okhuula liina?
15Okhuba omwoyo okurula eDani kurumbukha,
nikukhupa omulome kwamabii okhurula khubikulu bieEfuraimu;
16mbu Khupile amahanga omunwa;
khupile Yerusalemu omulome mbu abeekalili barula mushialo shiehale nibachinga olukhu okhuyinga amataala kaYuda.
17Balifumbila shinga abalindi bomukunda,
okhuba liayakholeele induli;
nilwo olwa OMWAMI aboola.
18Injendayo nebikholebio nibio ebiakhuchemela kano;
imongoyo njieyino;
neindulu; yula khumwoyokwo kwene.
19Obusaalili bwanje, obusaalili bwanje!
Enzuunwa mumwoyo mukari;
omwoyo kwanje kwikhupatsakana;
shinyala okhuholeela ta,
okhuba embuliile omwoyo kwolwika,
oluhungu Iwelihe.
20Obumululi bulonda khubumululi,
okhuba eshialo shiosi shionooniibwe;
nonoho amaheema kanje kamululwa,
netsingubo tsinzelesia mukhase akhati.
21Ndalalolanga ipendela okhuula liina,
nimbulila omwoyo kwolwika?
22Okhuba abandu banje nabasilu,
shibayamanya ta;
nabaana abayingwa,
babula oburechelefu.
Mukhukhola obubii, nabachesi;
ne mukhukhola obulayi, bakorwa pe.
23Ndahenga eshialo, ne shieshio,
shiali eshikhaya, nishirali nobukondo ta;
khandi likulu, nalio nilibul a obulafu.
24Nihenga tsingulu, ne nzietsio,
nitsirengarenganga,
ebikulu biosi nibisitasitanga.
25Ndahenga, ne ngaho,
shiyaliho omundu yesi ta;
kata amanyonyi kosi akokhwikulu kali nikapuluushe nikahweeleho.
26Ndahenga, ne shieshio,
eshialo eshiaamanga muno nishiakwa eshitsiimi,
amataala kashio kosi nikalikuluushe imbeli wOMWAMI,
imbeli woburimabwe obululu.
27Okhuba kano niko aka OMWAMI aboola;
mbu Eshialo shiosi shilakwisibwa likunda;
nebutswa shindalashiakamilia elala ta.
28Khulwako eshialo shileekhuula,
likulu nilimaliha ti;
shichila nisie owaboolile, nirakhwo omwoyo;
shindeekalukhasia, kata shindalashiukhanakhwo ta.
29Khulwa emiyindili chiabachendela khufarasi nabalasi bobuyingo abomumataala kosi beelukha;
beenjila mubitsakha; baniina mumachina;
buli litaala lileshilwe likhaya;
abulaho oumenyamwo.
30Nawe, iwe omulekhwa, okhali orie niwifwala tsingubo tsinzakhanyu,
niwisiaha ebimili bieitsahaabu,
nokhongoyia tsimoni neiranji?
Okhwing'oonakhwo khwosi nibutswa;
abatiabo bakhuleka; bayiima obulamubwo.
31Okhuba embuliile okhulakaya shinga okhwomukhasi oulumwa okhwibula,
okhwobusaalili shinga bwa oyo owibula omwanawe omwikulanda,
omwoyo kwomukhaana weSayuni, naheesela, nakalikha amakhono, ari
Woowe! efwilanga imbeli wabeeri.
Currently Selected:
Yeremia 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
