Yakobo 1
1
Lishiesio
1Eyirula khuYakobo, omusumba waNyasaye nende owOmwami Yesu Kristo; yule khutsimbia ekhumi natsibili etsiOmusalaano; amashiesio khwinywe.
Obusuubili nobwituutuyi
2Baana beefwe, mulolenje mbu nobusangaali olwa munyoola obuteemwi lukano lukano, 3nimumanyile mbu obuteemwi bwobusuubili bweenywe bwibulanga obutinyilifu. 4Obutinyilifu nabwo bukholele elala emilimo chiabwo, mbu mube abalamba habwene nimuraleema mwikhuwa liosi ta. 5Ne oundi yesi khwinywe naba natakha obuchesi, amusabe Nyasaye, ouhaanilanga bosi nomukhono omusiro, narabakondeshela ta; mana alaheebwa. 6Ne akhoyile okhusaba nobusuubili, oburakanakaniakhwo ta; shichila oukanakaninjia yeengana amarunda akokhunyanza akarundwa nomuyeka nikaboyongoyibwa. 7Omundu oyo arakaala mbu alaheebwa eshindu nOmwami tawe; 8noweshikhabili, oubeeyabeeya munjilatsie tsiosi.
9Omwana weefwe ouli omumanani yeeyitsialile obukhulundubwe; 10naye omuyinda, yeeyitsialile obutuutuyibwibwe; shichila alihwaho shinga eshimuli eshiomubulimo. 11Okhuba eliuba lifwinda, nilileera omuyeka okuyiile pia, nilifululusia obunyasi; eshimuli nashio shibungulukha, obukaasu bwokhulolekha khwashio nibuhwaho; nindio omuyinda yesi aniala ario mukhukholakhwe.
Obuteemwi noburechekhwi
12Noweikhabi omundu yesi owifwila mubuteemwi; shichila olwa alaba nafuchiililwa alanyoola olusimbi Iwobulamu olwa Omwami yabasuubisia abo abamuheelanga. 13Olwa omundu yesi ateemwa, aleshe okhusunga mbu Nyasaye niye oundeemanga; shichila Nyasaye shiateemungwa namabii ta, kata ye omwene shiateemanga omundu yesi tawe; 14ne buli mundu ateemwa olwa akhweswa nobwikombi bubwe omwene, nahombelesibwa ninabwo. 15Mana obwikombi olwa buba nibubeleeshe bumalanga bwibule eshionoono; eshionoono nashio, olwa shiba nishikhulile, shiibula okhufwa. 16Murashiamibungwa ta, baana beefwe abaheelwa.
17Buli shihaanwa eshilayi, kata buli mukabo omulamba, kurulanga ikulu, nikwikha okhurula khuMwibusi webiashilo; khuye bubulakhwo obukalukhani bwosi, kata esbiilima eshia okhushiukhana khuleera ta.
Akokhuhulila likhuwa nokhulikhola
18Khulwa okhuchama khukhwe yakhwibula nelikhuwa liobwatoto, khube shinga omurongole kwebilonjebie. 19Mumanyile likhuwa elo, baana beefwe. Ne shiomundu abe omwangu okhuhulila, habula ashindenje okhusunga kata okhutiilwa oburima; 20shichila oburima bwomundu shibuleera obulunjishi bwaNyasaye ta. 21Khulwako, mwinaabule akeshifwabwi kosi, nobushilaani bwobumayaanu; nimwinjisia nobwongoli likhuwa elo eliraakwa mwinywe, elinyala okhuhonia emioyo chieenywe.
22Mubeetsenje abakholi belikhuwa, ne muraba abahulili butswa ta, abeekaatia abeene. 23Shichila omundu yesi ouli omuhulili welikhuwa narali omukholi ta, yeengana omundu owihenga mumonimwe mwoburulanda mushiilolelo; 24okhuba yeelola omwene, natsia butsia, habwenaho niyeebilila okhufwanakhwe. 25Ne ouhenjelesia mwilako elo lilamba, nilio lilako liobulekhuule, nalumilila ario, narabeetsanga omuhulili oweshiibililwa ta, habula omukholi oukholanga, omundu oyo alaheebwa ikhabi mukhukholakhwe.
26Omundu yesi naba niyeepaarakhwo mbu noweidini, ne narahania olulimilwe ta, habula niyeekaatinjia, idini yomundu oyo nibutswa. 27Idini inzeleleshe, eyibulamwo eshikha imbeli waNyasaye weefwe khandi Seefwe, njieyino, mbu okhukoonyanga abaana ababisandu nabakhasi abalekhwa, mumatinyu kabwe, khandi okhwilinda aleshe okhumiitswakhwo eshiroonyelesi shiosi shieshialo ta.
Currently Selected:
Yakobo 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
