Popular Bible Verses from Yakobo 1

Share

Baana beefwe, mulolenje mbu nobusangaali olwa munyoola obuteemwi lukano lukano, nimumanyile mbu obuteemwi bwobusuubili bweenywe bwibulanga obutinyilifu.

Ne oundi yesi khwinywe naba natakha obuchesi, amusabe Nyasaye, ouhaanilanga bosi nomukhono omusiro, narabakondeshela ta; mana alaheebwa.

Mumanyile likhuwa elo, baana beefwe. Ne shiomundu abe omwangu okhuhulila, habula ashindenje okhusunga kata okhutiilwa oburima

Obutinyilifu nabwo bukholele elala emilimo chiabwo, mbu mube abalamba habwene nimuraleema mwikhuwa liosi ta.

Mubeetsenje abakholi belikhuwa, ne muraba abahulili butswa ta, abeekaatia abeene.

Noweikhabi omundu yesi owifwila mubuteemwi; shichila olwa alaba nafuchiililwa alanyoola olusimbi Iwobulamu olwa Omwami yabasuubisia abo abamuheelanga.

Buli shihaanwa eshilayi, kata buli mukabo omulamba, kurulanga ikulu, nikwikha okhurula khuMwibusi webiashilo; khuye bubulakhwo obukalukhani bwosi, kata esbiilima eshia okhushiukhana khuleera ta.

Shichila omundu yesi ouli omuhulili welikhuwa narali omukholi ta, yeengana omundu owihenga mumonimwe mwoburulanda mushiilolelo; okhuba yeelola omwene, natsia butsia, habwenaho niyeebilila okhufwanakhwe.

Idini inzeleleshe, eyibulamwo eshikha imbeli waNyasaye weefwe khandi Seefwe, njieyino, mbu okhukoonyanga abaana ababisandu nabakhasi abalekhwa, mumatinyu kabwe, khandi okhwilinda aleshe okhumiitswakhwo eshiroonyelesi shiosi shieshialo ta.

Olwa omundu yesi ateemwa, aleshe okhusunga mbu Nyasaye niye oundeemanga; shichila Nyasaye shiateemungwa namabii ta, kata ye omwene shiateemanga omundu yesi tawe; ne buli mundu ateemwa olwa akhweswa nobwikombi bubwe omwene, nahombelesibwa ninabwo.

Omwana weefwe ouli omumanani yeeyitsialile obukhulundubwe