Yakobo 2
2
Obuchesiyii khukebiela
1Baana beefwe, olwa muli mubusuubili bwOmwami weefwe woluyali Yesu Kristo, muraba nebiela ta. 2Shichila omundu naba niyeenjila musinagogi yeenywe nali neingaka yeitsahaabu, niyeefwalile tsingubo tsindorotoro, naye oundi yesi niyeenjila, omumanani owifwalile tsingubo tsimbii muno; 3neenyu nimumupaarakhwo oyo owifwalile tsingubo tsindorotoro, nimuboola mbu Wikhale hano, ahalayi; nimumuboolela omumanani mbu Sinjila yaho, kata mbu Yikhala hasi, hamakulu kanje; 4kho shimuba butswa nobwahukhanii mumioyo chieenywe nimwikholile abakabukhasii abali namapaaro amabii?
5Hulile, baana beefwe abaheelwa; Nyasaye shiyalobola abali abamanani mumoni tsiabomushialo okhuba abayinda mukobusuubili, nabalaame bobwami obwa yasuubisia abo abamuheela? 6Ne inywe mumufwolile omumanani ulia. Shibali abayinda abamumiinanga? Shinibo abamukhwesanga imbeli weshifumbi shiobuyaasii? 7Shinibo abanyekanga eliira lioluyali elo elia mukulikhungwa?
8Ne nimuba nimuusinjia lilako elo elieshiami shinga amahandiiko olwa kalaka, mbu Oheelenje owashio shinga olwa wiheela omwene; kho mukholanga bulayi. 9Ne nimuba nimukholanga ebiela mubandu, mwonoonanga, amalako nikamuhula mushiina mbu muli abakhayi. 10Shichila ouba nakholanga akamalako kosi, ne niyeesichirala mwikhuwa elala, ali neshiina shiakosi. 11Okhuba owaboola mbu Oraheya ta, yaboola khandi mbu Oreera ta. Kho noba noraheyanga ta, ne niwira, okwile omukhayi wamalako. 12Boolenje murio, nimukhola murio, shinga abandu abali okhuyaasilibwa lilako liobulekhuule. 13Okhuba obuyaasii shibumubeela tsimbabasi oyo ourabeelanga tsimbabasi ta; tsimbabasi tsihulanga obuyaasii.
Obusuubili nibubula ebikhole, nobufu
14Baana beefwe, omundu naba naboola mbu ali nobusuubili, ne nabula ebikhole, kho neinganga shiina? Obusuubili obwo bunyala okhumuhonia noho? 15Omwana weefwe yesi omusiani kata omukhaana naba nali eshihechenye, natamba eshiokhulia shieinyanga, 16oundi khwinywe namusunjila ari Otsie nomulembe; otundume omubili, niwikura; ne naramuheelesia ebindu ebia omubilikwe kutamba ta; kho neinganga shiina? 17Kho kario obusuubili obwene bwonyene, nibubula ebikhole, nobufu.
18Toto, oundi alasunga mbu Iwe oli nobusuubili, nasi endi nebikhole; kho umanyie obusuubilibwo aharali ebikhole ta, nasi khulwa ebikhole bianje ndalakhumanyia obusuubili bwanje. 19Osuubilanga shinga Nyasaye olwa ali mulala. Ako namalayi. Kata amadimoni nako kasuubilanga kario, nikatechela. 20Ne, omusilu iwe, shiolola mbu obusuubili obwahukhaane nebikhole nobukumba? 21Kuuka weefwe Aburahamu shiyabasilibwa obulunjishi khulwa ebikhole, olwa yahaana omwanawe Isaka khushimalilo shiemisango? 22Olole shinga obusuubili olwa bwakholela halala nebikholebie, khandi khulwa ebikhole obusuubilibwe bwakholwa obulamba; 23amahandiiko nako nikoosibwa, akasunga mbu Ne Aburahamu yasuubila Nyasaye, nakhwo nikhumubasilibwa okhuba obulunjishi; nalangwa mbu omwitsa waNyasaye. 24Mulole mbu omundu abasilibwa obulunjishi khulwa ebikhole, ne khulwa obusuubili bwonyene ta. 25Kata Rahabu omutamba yesi ario, shiyabasilibwa obulunjishi khulwa ebikhole, olwa yeenjisia abarume abo, nabarusilia khunjila yindi? 26Shichila shinga olwa omubili, nikubula emiuya, nomufu, nindio obusuubili nibubula ebikhole nobufu.
Currently Selected:
Yakobo 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
